ខេត្តកំពត ៖ គ្រោះថ្នាក់រវាងម៉ូតូបុកជាមួយម៉ូតូក្នុងទិសដៅស្របគ្នា បណ្តាលឱ្យបុរសចំណាស់ម្នាក់រងរបួសធ្ងន់ ក្រោយមកក៏បានស្លាប់នៅមន្ទីរពេទ្យ ដែលហេតុការណ៍នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី២០ ខែមករា ឆ្នាំ២០១៩ លើផ្លូវជាតិលេខ៣១ ត្រង់ចំណុច…
ខេត្តកំពត ៖ គ្រោះថ្នាក់រវាងម៉ូតូបុកជាមួយម៉ូតូក្នុងទិសដៅស្របគ្នា បណ្តាលឱ្យបុរសចំណាស់ម្នាក់រងរបួសធ្ងន់ ក្រោយមកក៏បានស្លាប់នៅមន្ទីរពេទ្យ ដែលហេតុការណ៍នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី២០ ខែមករា ឆ្នាំ២០១៩ លើផ្លូវជាតិលេខ៣១ ត្រង់ចំណុច ភូមិប្រាល ឃុំតានី ស្រុកអង្គរជ័យ ខេត្តកំពត ។
សមត្ថកិច្ចបានបញ្ជាក់ថា ជនរងគ្រោះដែលស្លាប់ឈ្មោះម៉ក់ តក់ ភេទប្រុស អាយុ៥៨ឆ្នាំ រស់នៅភូមិឃុំកន្លែងកើតហេតុខាងលើ ជាអ្នកបើកបរម៉ូតូមួយគ្រឿងម៉ាកគុបសេ៥០ ពណ៌ប្រផេះ គ្មានស្លាកលេខ ។
ចំណែកភាគីម៉ូតូមួយគ្រឿងម៉ាកហុងដា ធុនសេ១២៥ ពាក់ស្លាកលេខ ភ្នំពេញ ១CW-២៥៤៧ បើកបរដោយឈ្មោះអ៊ឹម រុំ ភេទប្រុស អាយុ ២៣ឆ្នាំ មានទីលំនៅភូមិពេជនា ឃុំបន្ទាយមាសខាងកើត ស្រុកបន្ទាយមាស បានរងរបួសស្រាល និងអ្នករួមដំណើរម្នាក់ត្រូវជាប្រពន្ធ បានរងរបួសស្រាល។
សមត្ថកិច្ចបានបញ្ជាក់ថា មុនពេលកើតហេតុ ជនរងគ្រោះបានបើកបរម៉ូតូមួយគ្រឿងម៉ាកគុបសេ៥០ លុះធ្វើដំណើរមកដល់ចំណុចកើតហេតុ ជនរងគ្រោះបានបើកបរម៉ូតូបត់ឆ្វេង ស្រាប់តែមានម៉ូតូមួយគ្រឿងម៉ាកហុងដា ជិះគ្នា២នាក់ប្តីប្រពន្ធ ធ្វើដំណើរស្របទិសគ្នាពីជើងទៅត្បូង បានបុកពេញទំហឹង បណ្តាលឲ្យអ្នកបើកបរម៉ូតូម៉ាកគុប៥០ រងរបួសជើងខាងស្តាំ និងក្បាលយ៉ាងធ្ងន់ធ្ងរ ហើយត្រូវបានគេដឹកយកទៅសង្គ្រោះនៅមន្ទីរពេទ្យបង្អែកស្រុកអង្គរជយ័ ។ រីឯអ្នកបើកបរម៉ូតូម៉ាកហុងដា និងអ្នករួមដំណើរជាប្រពន្ឋបានរងរបួសស្រាល។
សមត្ថកិច្ចបានបញ្ជាក់ទៀតថា ក្រោយពេលបញ្ជូនជនរងគ្រោះដល់មន្ទីរពេទ្យបានប្រហែលជាពីរម៉ោង ដោយសាររបួសធ្ងន់ធ្ងរពេក បុរសរងគ្រោះក៏បានស្លាប់នៅមន្ទីរពេទ្យយ៉ាងអាណោចអាធម័ ។ ចំណែកវត្ថុតាងម៉ូតូទាំងពីរគ្រឿងត្រូវបាននាំទៅរក្សាទុកនៅអធិការដ្ឋាននគរបាលស្រុកអង្គរជ័យរង់ចាំដោះស្រាយនៅពេលក្រោយ៕
ចែករំលែកព័តមាននេះ