រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា និងជាមន្ត្រីជាន់ខ្ពស់លោក សុខ ឥសាន បានអះអាងថា សិទ្ធិនយោបាយរបស់អតីតបក្សប្រឆាំងអត់មានទេ ទោះបីជាបើកកិច្ចប្រជុំសម្រេចអ្វីក៏គ្មានប្រយោជន៍អ្វីដែរ ។…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា និងជាមន្ត្រីជាន់ខ្ពស់លោក សុខ ឥសាន បានអះអាងថា សិទ្ធិនយោបាយរបស់អតីតបក្សប្រឆាំងអត់មានទេ ទោះបីជាបើកកិច្ចប្រជុំសម្រេចអ្វីក៏គ្មានប្រយោជន៍អ្វីដែរ ។
ការលើកឡើងនេះ ខណៈដែលថ្នាក់ដឹកនាំអតីតគណបក្សសង្គ្រោះជាតិបានបើកកិច្ចប្រជុំគណៈកម្មាធិការអចិន្ត្រៃយ៍នៅក្នុងទឹកដីសហរដ្ឋអាមេរិក ក្រោមការចូលរួមពីលោក សម រង្ស៊ី ដែ លគេអះអាងថា ជាប្រធានស្តីទីគណបក្សសង្គ្រោះជាតិ ។ លោក សុខ ឥសាន បានឲ្យដឹងនៅថ្ងៃទី២១ មករា ឆ្នាំ២០១៩ គណៈកម្មាធិការអចិន្ត្រៃយ៍នៃអតីតបក្សប្រឆាំងបានប្រជុំគ្នាត្រៀមអ្វីផ្សេងៗនោះអត់ប្រយោជន៍ទេ ពីព្រោះអតីតបក្សប្រឆាំងបានងាប់បាត់ទៅហើយ ។
រាល់សកម្មភាពរបស់មន្ត្រីអតីតបក្សប្រឆាំងជាទង្វើខុសច្បាប់ដោយសារប្រឆាំងនឹងសាលដីកាស្ថាពរ និងបិទផ្លូវតវ៉ារបស់តុលាការកំពូល ។ លោកបន្តថា អ្នកប្រឆាំង និងត្រូវមានទោស ។ បើនៅតែរឹងទទឹងសាកលមើលទៅ ។ ម្យ៉ាងទៀតចំពោះការវិលត្រឡប់ចូលស្រុករបស់ទណ្ឌិតសម រង្ស៊ី មិនបាច់ត្រៀមស្អីទេទ្វាបានបើកចំហររួចហើយ មានខ្នោះដៃ និងគុករង់ចាំទទួលរួចជាស្រេចមិនពិបាកទេ បើពិបាករក សម រង្ស៊ី ដាក់ខ្នោះមិនបានដោយសារទណ្ឌិត សម រង្ស៊ី ជាមនុស្សកំសាកមិនហ៊ានមកឡើយ កុំបាច់រង់ចាំធ្វើអីនាំខាតពេលទេ ។
នៅថ្ងៃទី២១ មករា ឆ្នាំ២០១៩ ថ្នាក់ដឹកដែលនាំក្បាលម៉ាស៊ីនរបស់អតីតគណបក្សសង្គ្រោះជាតិបានកំពុងតែបើកិច្ចប្រជុំពិភាក្សាពីស្ថានការណ៍នយោបាយនៅកម្ពុជានៅសហរដ្ឋអាមេរិក ។ លោក សម រង្ស៊ី បានសរសេរលើកបណ្តាញសង្គមយ៉ាងដូច្នេះថា «កិច្ចប្រជុំទី១របស់គណៈកម្មាធិការអចិន្ត្រៃយ៍គណបក្សសង្គ្រោះជាតិក្រោយពីរបប ហ៊ុន សែន បានរំលាយគណបក្សសង្គ្រោះជាតិដោយអន្តនោម័ត និងដោយខុសច្បាប់កាលពីថ្ងៃទី១៦ វិច្ឆិកា ២០១៧ ។ កិច្ចប្រជុំនេះបានរៀបចំធ្វើឡើងថ្ងៃនេះនៅទីក្រុងឡូវែល (Lowell) រដ្ឋម៉ាស្សាឈូសេត (Massachusetts) សហរដ្ឋអាមេរិកដោយមានសមាជិក១៥រូបលើ២៤នៃគណៈកម្មាធិការអចិន្ត្រៃយ៍បានចូលរួមដោយផ្ទាល់ ឬដោយប្រយោលក្នុងកិច្ចប្រជុំជាប្រវត្តិសាស្ត្រនេះ» ។
លោកអេង ឆៃអ៊ាង អតីតអនុប្រធានគណបក្សសង្គ្រោះជាតិបានឲ្យដឹងតាមវិឌីអូឃ្លីបថា កិច្ចប្រជុំរបស់គណៈកម្មាធិការអចិន្ត្រៃយ៍របស់គណបក្សសង្គ្រោះជាតិនៅប្រទេសនេះបានលើកឡើយប្រធានបទចំនួនបីរួមមានទី១- ពិនិត្យស្ថានការណ៍នយោបាយនៅកម្ពុជា ទី២- រៀបចំ សកម្មភាពសម្រាប់គណបក្សសម្រាប់រយៈពេលបីខែខាងមុខ និងទី៣- កិច្ចពិភាក្សាផ្សេងៗ ។
លោកបន្តថា កិច្ចប្រជុំក៏មានការចូលរួមពីថ្នាក់ដឹកនាំគណបក្សសង្គ្រោះជាតិនៅប្រទេសកាណាដា ថ្នាក់ដឹកនាំនៅសហរដ្ឋអាមេរិកព្រមទាំងបើការចូលរួមផ្តល់មតិពីអ្នកគាំទ្រតាមរយៈ ស្កាយផងដែរ ។ លោកបន្តថា ការកិច្ចប្រជុំក៏បានបដិសេធន៍ចំពោះសំដីសម្តេចតេជោ ហ៊ុនសែន នាយករដ្ឋមន្ត្រីដែលយកគណបក្សសង្គ្រោះជាតិធ្វើជាចំណាប់នយោបាយជាមួយសហគមន៍សហគមន៍អ៊ឺរ៉ុប ។
លោកបញ្ជាក់ថា «យើងបានឯកភាគគ្នាក្នុងរៀបចំឲ្យមានដំណើរវិលចូលស្រុករបស់លោកប្រធានសម រង្ស៊ី ដោយធ្វើនយោបាយកៀគរចំនួន៥ចំណុចរួមមានទី១-រៀបចំកម្លាំង ដើម្បីត្រៀមទទួលលោក សម រង្ស៊ី ចូលស្រុកវិញ ។ ទី២ – ពង្រីកសកម្មភាពការទូត ។ ទី៣- ពង្រឹង និងពង្រីកការផ្សព្វផ្សាយព័ត៌មាន ក្រោមការគ្រប់របបហ៊ុន សែន ។ ទី៤-ធ្វើទំនាក់ទំនងជាមួយអ្នកប្រជាធិបតេយ្យជាមួយគណបក្សសង្គ្រោះជាតិ ដើម្បីធ្វើផ្លាស់ប្តូរជាវិជ្ជាមាននៅឆ្នាំ២០១៩នេះ ។ ទី៥- រៀបចំថវិកាសម្រាប់ការវិលចូលរបស់លោកសម រង្ស៊ី» ៕
ចែករំលែកព័តមាននេះ