រាជធានីភ្នំពេញ ៖ ទោះបីជាមិនបញ្ចាក់ពេលវេលាច្បាស់លាស់យ៉ាងណាក្តីគណៈកម្មាធិការចិន្ត្រៃយ៍អតីតគណបក្សសង្គ្រោះជាតិបានសម្រេចឯកភាពគ្នា ចំនួន៥ចំណុច ដើម្បីរៀបចំឲ្យលោក សម រង្ស៊ី វិលចូលស្រុកវិញ នៅពេលខាងមុខនេះ។ លោក…
រាជធានីភ្នំពេញ ៖ ទោះបីជាមិនបញ្ចាក់ពេលវេលាច្បាស់លាស់យ៉ាងណាក្តីគណៈកម្មាធិការចិន្ត្រៃយ៍អតីតគណបក្សសង្គ្រោះជាតិបានសម្រេចឯកភាពគ្នា ចំនួន៥ចំណុច ដើម្បីរៀបចំឲ្យលោក សម រង្ស៊ី វិលចូលស្រុកវិញ នៅពេលខាងមុខនេះ។
លោក អេង ឆៃអ៊ាង អតីតអនុប្រធានគណបក្សសង្គ្រោះជាតិបានឲ្យដឹងថា ក្នុងកិច្ចប្រជុំរបស់គណៈកម្មាធិការអចិន្ត្រៃយ៍របស់គណបក្សសង្គ្រោះជាតិនៅទីក្រុងឡូវែល (Lowell) រដ្ឋម៉ាស្សាឈូសេត (Massa chusetts) សហរដ្ឋអាមេរិកបានលើកឡើយប្រធានបទចំនួនបីរួមមានទី១ – ពិនិត្យស្ថានការណ៍នយោបាយនៅកម្ពុជា ទី២- រៀបចំសកម្មភាពសម្រាប់គណបក្សសម្រាប់រយៈពេលបីខែខាងមុខ និងទី៣- កិច្ចពិភាក្សាផ្សេងៗ ។
លោកបន្តថា កិច្ចប្រជុំក៏មានការចួលរួមពីថ្នាក់ដឹកនាំគណបក្សសង្គ្រោះជាតិនៅប្រទេសកាណាដាថ្នាក់ដឹកនាំនៅសហរដ្ឋអាមេរិកព្រមទាំងបើការចូលរួមផ្តល់មតិពីអ្នកគាំទ្រតាមរយៈស្កាយផងដែរ ។ លោកបន្តថា កិច្ចប្រជុំក៏បានបដិសេធន៍ចំពោះសំដីសម្តេចតេជោ ហ៊ុន សែន នាយករដ្ឋមន្ត្រីដែលយកគណបក្សសង្គ្រោះជាតិធ្វើជាចំណាប់នយោបាយជាមួយសហគមន៍អ៊ឺរ៉ុប ។ ហើយគណបក្សសង្គ្រោះជាតិបានគាំទ្រចំពោះចំណាត់ការរបស់សហគមន៍អ៊ីរ៉ុបក្នុងការជំរុញ និងស្ថាលទ្ធិប្រជាធិបតេយ្យដំណើរឡើងវិញ ។
លោកក៏បានបញ្ជាក់ថា «អចិន្ត្រៃយ៍យើងបានបដិសេធន៍នូវអ្វីដែលហ៊ុន សែន យកបក្សសង្គ្រោះជាតិធ្វើជាចំណាប់ខ្មាំងនយោបាយជាមួយសហគមន៍អ៊ីរ៉ុប ។ បក្សសង្គ្រោះជាតិគាំទ្រចំពោះចំណាត់ការរបស់សហគមន៍អ៊ីរ៉ុបក្នុងការជំរុញ និងស្តាលទ្ធិប្រជាធិបតេយ្យដំណើរឡើងវិញ ហើយពិសេសនោះ គឺចំណុចទាំង៥ដែលសហគមន៍អឺរ៉ុបទាមទារ» ។
អនុប្រធានគណបក្សប្រឆាំងក៏បានឲ្យដឹងថា អចិន្ត្រៃយ៍គណបក្សក៏សម្រេចរៀបចំឲ្យមានដំណើរវិលចូលស្រុកឡើងវិញផងដែរ ។ លោកបានគូសបញ្ជាក់ថា«យើងបានឯកភាគគ្នាក្នុងរៀបចំឲ្យមានដំណើរវិលចូលស្រុករបស់លោកប្រធាន សម រង្ស៊ី ដោយធ្វើនយោបាយកៀគរចំនួន៥ចំណុចរួមមាន ទី១- រៀបចំកម្លាំង ដើម្បីត្រៀមទទួលលោក សម រង្ស៊ី ចូលស្រុកវិញ ។ ទី២- ពង្រីកសកម្មភាពការទូត ។ ទី៣- ពង្រឹង និងពង្រីកការផ្សព្វផ្សាយព័ត៌មានក្រោមការគ្រប់របបហ៊ុន សែន ។ ទី៤- ធ្វើទំនាក់ទំនងជាមួយអ្នកប្រជាធិបតេយ្យជាមួយគណបក្សសង្គ្រោះជាតិដើម្បីធ្វើផ្លាស់ប្តូរជាវិជ្ជមាននៅឆ្នាំ២០១៩នេះ ។ ទី៥-រៀបចំថវិកាសម្រាប់ការវិល ចូលរបស់លោក សម រង្ស៊ី» ។
សូមជម្រាបថា កិច្ចប្រជុំដឹកនាំដោយលោក សម រង្ស៊ី អតីតប្រធានគណបក្សសង្គ្រោះជាតិដោយមានអ្នកចូលរួមមានលោកស្រី មូរ សុខហួរ អតីតអនុប្រធានគណបក្សសង្គ្រោះជាតិ លោក អេង ឆៃអ៊ាង អតីតអនុប្រធាន លោកឡុងឬមន្ត្រីជាន់ខ្ពស់គណបក្សលោក ហូរ វ៉ាន់ លោកអ៊ូ ច័ន្ទរិទ្ធ និងមន្ត្រីមួយចំនួនទៀត ។
លោកសម រង្ស៊ី បានសរសេរលើកបណ្តាញសង្គមយ៉ាងដូច្នេះថា «កិច្ចប្រជុំទី១ របស់គណៈកម្មាធិការអចិន្ត្រៃយ៍គណបក្សសង្គ្រោះជាតិក្រោយពីរបបហ៊ុន សែន បានរំលាយគណបក្សសង្គ្រោះជាតិដោយអន្តនោម័ត និងដោយខុសច្បាប់កាលពីថ្ងៃទី១៦ វិច្ឆិកា ២០១៧ ។ កិច្ចប្រជុំនេះបានរៀបចំធ្វើឡើងថ្ងៃនេះនៅទីក្រុងឡូវែល (Lowell) រដ្ឋម៉ាស្សាឈូសេត (Massa chusetts) សហរដ្ឋអាមេរិកដោយមានសមាជិក១៥រូបលើ២៤នៃគណៈកម្មាធិការអចិន្ត្រៃយ៍បានចូលរួមដោយផ្ទាល់ ឬដោយប្រយោលក្នុងកិច្ចប្រជុំជាប្រវត្តិសាស្ត្រនេះ» ៕
ចែករំលែកព័តមាននេះ