បុគ្គលដែលមានសេចក្ដីប្រមាទដូច ប្រមាទក្នុងការងារ ប្រមាទក្នុងការចិញ្ចឹមបុត្រភរិយា មាតាបិតា ប្រមាទក្នុងជីវិត ព្រោះតែបុគ្គលនោះមិនមានសីល។ មិនតែប៉ុណ្ណោះបុគ្គលដែលអត់សីលតែងប្រព្រឹត្តនូវអំពើអបាយមុខផ្សេងៗ មានលេងល្បែង សេពគប់បាបមិត្ត លេងស្រី…
បុគ្គលដែលមានសេចក្ដីប្រមាទដូច ប្រមាទក្នុងការងារ ប្រមាទក្នុងការចិញ្ចឹមបុត្រភរិយា មាតាបិតា ប្រមាទក្នុងជីវិត ព្រោះតែបុគ្គលនោះមិនមានសីល។ មិនតែប៉ុណ្ណោះបុគ្គលដែលអត់សីលតែងប្រព្រឹត្តនូវអំពើអបាយមុខផ្សេងៗ មានលេងល្បែង សេពគប់បាបមិត្ត លេងស្រី ផឹកគ្រឿងស្រវឹងជាដើម ដែលជាអំពើបំផ្លិចបំផ្លាញទ្រព្យសម្បត្តិ និងកិត្តិយស កេរ្តិ៍ឈ្មោះក្នុងក្រុមគ្រួសារឱ្យវិនាសអន្តរាយ ។
ព្រះបរមសាស្តាត្រាស់ថា អ្នកទ្រុស្ដសីលមានទោស៤យ៉ាងក្នុងបច្ចុប្បន្នគឺៈ
១-នាំឲ្យវិនាសទ្រព្យសម្បត្តិ ក្នុងបច្ចុប្បន្នទាន់ហន់នឹងភ្នែកស្រស់ៗ
២-មានកេរ្តិ៍ឈ្មោះស្អុយអសោចិ៍ ដែលគួរឲ្យតិះដៀលស្អប់ខ្ពើមអំពីអ្នកដទៃ
៣-ជាអ្នកឱនមុខចុះ មិនក្លៀវក្លា ក្នុងទីប្រជុំជន
៤-វង្វេងវង្វាន់ មានអារម្មណ៍មិនល្អ នៅពេលហៀបនឹងមរណកាល។
សមដូចព្រះសម្ពុទ្ធទ្រង់ត្រាស់នូវគាថាមួយកន្លែងនៅក្នុងគម្ពីរធម្មបទថា បុគ្គលពាលគឺអ្នកអត់សីលរមែងមិនបានប្រព្រឹត្តព្រហ្មចរិយធម៌ មិនបានទ្រព្យសម្បត្តិក្នុងពេលដែលខ្លួននៅជាកំលោះ នៅក្រមុំ ពួកគេរមែងក្រហល់ក្រហាយដូចសត្វក្រៀលចាស់ដែលជាប់ផុងខ្លួនក្នុងភក់ ព្រោះគ្មានត្រីស៊ីជាអាហារក៏ដូច្នោះដែរ ។
ចែករំលែកព័តមាននេះ