ខេត្តបន្ទាយមានជ័យ ៖ ឈ្មួញនាំធ្យូងចេញទៅថៃតាមច្រកតំបន់បឹងត្រកួនសុំបញ្ឈប់មានអ្នករត់ការក្នុង១រថយន្ត បង់អស់៧.៥០០ទៅ៨.០០០បាត មិនចំនេញបង់នាំចេញដោយខ្លួនឯង។
ឈ្មួញដែលនាំធ្យូងចេញបានប្រាប់ថា ឈ្មួញដែលរកស៊ីទិញធ្យូងនាំចេញមានប្រមាណ៣ទៅ៤នាក់ តែពេលនេះត្រូវឈប់ នាំឈ្មួញម្នាក់ទៅហើយដោយមូលហេតុដែលឈ្មួញនាំចេញទៅលក់ បណ្តាលខាងបង់លក់មិនចំនេញ ព្រោះតែមានវប្បធម៌រត់ការថ្លៃពេក ដោយរថយន្ត១គ្រឿង ដឹកធ្យូងទម្ងន់២០តោន ត្រូវបានអ្នករត់ការទារលុយបង់ថ្លៃរត់ការនាំចេញមានអ្នករត់ការ២នាក់ម្នាក់ រថយន្ត១គ្រឿងដឹកធ្យូងតម្លៃ៨.០០០បាត និងម្នាក់ទៀតរថយន្ត១គ្រឿងដឹកធ្យូងយកតម្លៃ៧.៥០០បាត ។
ឈ្មួញរូបនោះបានបញ្ជាក់ថា ធ្យូង គឺទទួលទិញពីប្រជាពលរដ្ឋដឹកយកមកលក់ក្នុង១តោនតម្លៃ៣,៥០០បាត ហើយជួលកម្មករលីដាក់រថយន្ត ១ការ៉ុងធ្យូងតម្លៃ៣បាត ហើយដឹកនាំចេញទៅលក់អោយឈ្មួញក្នុងទឹកដីថៃលក់ក្នុង១តោនតម្លៃ៤.០០០បាត ហើយក្នុង១រថយន្តដឹកបាន២០តោន ត្រូវបានបង់អោយអ្នករត់ការមានតម្លៃ៨.០០០បាត ទៅ៧.៥០០បាត តែវាចំនេញតិចតួចណាស់ រហូតដល់ពេលនេះមានឈ្មួញខ្លះត្រូវបានឈប់នាំចេញសុខចិត្តដឹកទៅលក់រាយនៅក្នុងស្រុកប្រសើរជាង ។
អ្នករត់ការម្នាក់បានប្រាប់ថា មូលហេតុដែលរត់ការឈ្មួញនាំធ្យូងចេញលក់អោយឈ្មួញក្នុងទឹកដីថៃតាមច្រកតំបន់ព្រំដែនបឹងត្រកួន ស្រុកថ្មពួកនេះ បណ្តាលមកពីមានសកម្មភាពរញ៉េរញ៉ៃពេកក្នុងការនាំចេញ ទើបមានអ្នករត់ការមាន២នាក់ ក្នុងរថយន្ត១គ្រឿងដឹកធ្យូងយកតម្លៃ៨.០០០បាត និង៧.៥០០បាត គឺបង់អោយមន្ត្រីស្ថាប័នពាក់ព័ន្ធទើបបានជានាំចេញដោយរលូន ។ ហើយអ្នករត់ការរូបនោះបានបញ្ជាក់ថា បើសិនជាឈ្មួញចង់នាំចេញធ្យូងតាមច្រកតំបន់ព្រំដែនបឹងត្រកួនស្រុកថ្មពួកទៀននោះ អាចថា និងអោយបិទមិនអោយនាំចេញទៀតឡើយ ។
មន្ត្រីគណកម្មការច្រកតំបន់បឹងត្រកួនបានបញ្ជាក់ថា ធ្យូងដែលឈ្មួញនាំចេញតាមច្រកតំបន់បឹងត្រកួនរយៈពេលកន្លងមកមិនមានច្បាប់ណាមួយអោយចេញឡើយ ការនាំចេញដោយមនោសញ្ចេតនាព្រោះ ថាធ្យូងដែលនាំចេញមិនម៉ែនធ្យូងដែលដុតក្នុងខេត្តបន្ទាយមានជ័យនោះទេ គឺឈ្មួញទិញពីប្រជាពលរដ្ឋដឹកពីខេត្តព្រៈវិហារ និងខេត្តឧត្តរមានជ័យយកមកលក់អោយហើយឈ្មួញទិញដឹកចេញទៅលក់អោយថៃ ។
មន្ត្រីរូបនោះបានបញ្ជាក់ថា បញ្ហាអ្នករត់ការនាំចេញអោយឈ្មួញនាំចេញធ្យូងលក់អោយថៃដែលឈ្មួញគិតថា អស់តម្លៃរត់ការថ្លៃគ្មានលទ្ធភាពអាចចំនេញបាន ហើយចង់នាំចេញដោយខ្លួនឯងមិនចាំបាច់រត់ការនោះ គឺគាំទ្រព្រោះ ការរកស៊ីជាទីផ្សារសេរីគ្មានអ្នកណាបង្ខិតបង្ខំអោយមានអ្នករត់ការនោះវាខុស និងច្បាប់ ។ បើសិនជាមានអ្នករត់ការធ្វើអោយប៉ះពាល់ដល់អារម្មណ៍ឈ្មួញ គឺគណៈកម្មាការច្រកតំបន់ព្រំដែនបញ្ឈប់ការនាំចេញធ្យូងទៅថៃព្រោះ គ្មានច្បាប់អនុញ្ញាតិឡើយ ។
ទាក់ទិនឈ្មួញនាំធ្យូងចេញលក់ថៃតាមច្រកតំបន់បឹងត្រកួនស្រុកថ្មពួកអ្នកយកព័ត៌មានបានទំនាក់ទំនងទៅមន្ត្រីសង្កាត់រដ្ឋបាលព្រៃឈើស្រុកថ្មពួកដែរ តែមិនអាចធ្វើការទំនាក់ទំនងបាន ៕
ចែករំលែកព័តមាននេះ