រាជធានីភ្នំពេញ ៖ មនុស្ស២ក្រុមបាននាំគ្នាចូលផឹកស៊ីអង្គុយសាឡុងជិតគ្នា ខណៈពេលស្រវឹងរៀងខ្លួនក៏ឌឺដងដាក់គ្នាផ្ទុះហិង្សាវាយគ្នាផ្អើលភ្ញៀវរត់ពេញហាង KTV ត្រូវម្ចាស់ហាងចាក់សោ ជាប់ប្តឹងសមត្ថកិច្ចមកអន្តរាគមន៍ កាលពីម៉ោង១១និង១០នាទីយប់ ថ្ងៃទី១៨ ខែមករា…
រាជធានីភ្នំពេញ ៖ មនុស្ស២ក្រុមបាននាំគ្នាចូលផឹកស៊ីអង្គុយសាឡុងជិតគ្នា ខណៈពេលស្រវឹងរៀងខ្លួនក៏ឌឺដងដាក់គ្នាផ្ទុះហិង្សាវាយគ្នាផ្អើលភ្ញៀវរត់ពេញហាង KTV ត្រូវម្ចាស់ហាងចាក់សោ ជាប់ប្តឹងសមត្ថកិច្ចមកអន្តរាគមន៍ កាលពីម៉ោង១១និង១០នាទីយប់ ថ្ងៃទី១៨ ខែមករា ឆ្នាំ២០១៩ នៅចំណុចហាងយីហោ KTV ហ្គោឌីន ស៊ីធី២ តាមបណ្តោយផ្លូវ២៧១ ស្ថិតក្នុងសង្កាត់ចាក់អង្រែលើ ខណ្ឌមានជ័យ។
តាមប្រភពព័ត៌មានពីប្អូនម្ចាស់ហាងបានឲ្យដឹងថា មុនពេលកើតហេតុ មានមនុស្ស២ក្រុមដោយម្ខាងមានគ្នា៦នាក់ និងម្ខាងទៀតមានគ្នា៤នាក់ បានចូលមកផឹកស៊ី និងអង្គុយលើសាឡុងជាប់គ្នា។ ក្រោយពីផឹកស្រវឹងធ្លាក់ភ្នែកបន្តិច មិនដឹងជាមូលហេតុអីទេ ស្រាប់តែផ្ទុះហិង្សាដាក់គ្នាវាយទៅវិញទៅមក ចានហោះ កែវហើរ បង្កឱ្យភ្ញាក់ផ្អើលដល់ភ្ញៀវផ្សេងទៀតរត់ជាន់ជើងគ្នា និងធ្វើឱ្យមានរងរបួសតិចតួចទាំងសងខាង ភ្លាមនោះដោយសារតែបែកកែងចានច្រើនទើបម្ចាស់ហាងបានទាញទ្វារបិទមិនឱ្យចេញក្រៅទាំងសងខាង រួចរាយការណ៍ទៅសមត្ថកិច្ចចុះអន្តរាគមន៍។
ក្រោយកើតហេតុលោកនាយប៉ុស្តិ៍ចាក់អង្រែបានចុះមកដល់ធ្វើការសម្របសម្រួលមួយសន្ទុះក្រោយមកទើបចេញមកខាងក្រៅវិញ ហើយបានបញ្ជាក់ថា ពុំមានរឿងអ្វីកើតឡើងនោះទេដោយការយល់ច្រលំក៏សម្រួលគ្នាទៅផ្ទះរៀងខ្លួនទៅ ដោយពុំមានភាគីខាងណាសងទៅខាងណានោះទេ គ្រាន់តែសងថ្លៃបែកចានកែវទៅម្ចាស់ហាងបញ្ចប់រឿង ៕
ចែករំលែកព័តមាននេះ