រាជធានីភ្នំពេញ ៖ យុវជនម្នាក់រងរបួសបែកក្បាល ចំណែក៣នាក់ទៀតរងរបួសស្រាល ខណៈអង្គុយជុំគ្នាមើលគេប្រគំតន្ត្រី ស្រាប់តែមានក្មេងទំនើងមួយក្រុមមកដេញវាយមិនដឹងមូល ហេតុ ។ ករណីនេះកើតឡើងកាលពីម៉ោង២១និង៣០នាទីយប់ថ្ងៃទី១៩ ខែមករា…
រាជធានីភ្នំពេញ ៖ យុវជនម្នាក់រងរបួសបែកក្បាល ចំណែក៣នាក់ទៀតរងរបួសស្រាល ខណៈអង្គុយជុំគ្នាមើលគេប្រគំតន្ត្រី ស្រាប់តែមានក្មេងទំនើងមួយក្រុមមកដេញវាយមិនដឹងមូល ហេតុ ។ ករណីនេះកើតឡើងកាលពីម៉ោង២១និង៣០នាទីយប់ថ្ងៃទី១៩ ខែមករា នៅកន្លែងប្រគំតន្ត្រីភូមិអូរឌឹម សង្កាត់ចោមចៅ៣ ខណ្ឌពោធិ៍សែនជ័យ។
ជនរងគ្រោះឈ្មោះ សេង ជូឡា ភេទប្រុស អាយុ២១ឆ្នាំ ជានិស្សិត ស្នាក់នៅភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ បានរងរបួសបែកចំកណ្តាលក្បាលរយះប្រហែល៤សង្ទីម៉ែត្រ ។ ចំណែកជនរងគ្រោះចំនួន៣នាក់ទៀតមិនបានប្រាប់អត្តសញ្ញាណ។
ប្រភពបានឲ្យដឹងថា មុនកើតហេតុ ជនរងគ្រោះ និងមិត្តភក្តិមានគ្នា៤នាក់បាននាំគ្នាមកមើលការប្រគំតន្ត្រីនៅចំណុចខាងលើ ពេលកំពុងអង្គុយលេងលើម៉ូតូ ស្រាប់តែមានក្មេងទំនើងមួយក្រុមមានគ្នាពី៧ទៅ៨នាក់ ប្រដាប់ដោយខ្សែក្រវាត់មកធ្វើសកម្មភាពដេញវាយមកលើក្រុមជនរងគ្រោះដោយមិនដឹងមូលហេតុ បណ្តាលអោយជនរងគ្រោះម្នាក់របួសបែកចំកណ្តាលក្បាលរយះប្រហែល៤សង្ទីម៉ែត្រ ចំណែកជនរងគ្រោះ៣នាក់ទៀតរងរបួសស្រាល ។ ពេលវាយជនរងគ្រោះហើយក្មេងទំនើងខាងលើរត់គេចខ្លួនអស់។
ក្រោយហេតុការណ៍កើតឡើង ជនរងគ្រោះបាននាំគ្នាមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅ៣ពីព្រោះក្នុងចំណោមក្មេងទំនើងខាងលើមានស្គាល់មុខម្នាក់ ៕
ចែករំលែកព័តមាននេះ