រាជធានីភ្នំពេញ ៖ ស្ត្រី២នាក់មិនស្គាល់អត្តសញ្ញាណបានបើករថយន្តមួយគ្រឿងម៉ាកហាយឡែនឌ័រមិនដឹងថាគាត់បើកមកពីណានោះទេ បានជាមកឈប់រថយន្តនៅមុខផ្ទះរបស់ប្រជាពលរដ្ឋ លុះម្ចាស់ផ្ទះអត់មានផ្លូវចូលប្រាប់អោយយករថយន្តចេញ ស្រាប់តែខឹងម្ចាស់ផ្ទះ ហើយឈ្លោះប្រកែកគ្នាឡើងផ្អើលពេញផ្លូវ ហេតុការណ៍នេះបានកើតឡើងកាលពីវេលាម៉ោង១១នឹង២០នាទីយប់ថ្ងៃទី១៧ ខែមករា ឆ្នាំ២០១៩…
រាជធានីភ្នំពេញ ៖ ស្ត្រី២នាក់មិនស្គាល់អត្តសញ្ញាណបានបើករថយន្តមួយគ្រឿងម៉ាកហាយឡែនឌ័រមិនដឹងថាគាត់បើកមកពីណានោះទេ បានជាមកឈប់រថយន្តនៅមុខផ្ទះរបស់ប្រជាពលរដ្ឋ លុះម្ចាស់ផ្ទះអត់មានផ្លូវចូលប្រាប់អោយយករថយន្តចេញ ស្រាប់តែខឹងម្ចាស់ផ្ទះ ហើយឈ្លោះប្រកែកគ្នាឡើងផ្អើលពេញផ្លូវ ហេតុការណ៍នេះបានកើតឡើងកាលពីវេលាម៉ោង១១នឹង២០នាទីយប់ថ្ងៃទី១៧ ខែមករា ឆ្នាំ២០១៩ តាមបណ្តោយផ្លូវ១៧២កែងផ្លូវ៥១ នៅចំណុចម្តុំផ្សារសូរិយាម៉ល ស្ថិតនៅក្នុងសង្កាត់ផ្សារថ្មី៣ ខណ្ឌដូនពេញ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេឃើញស្ត្រី២នាក់មិនស្គាល់អត្តសញ្ញាណ បានបើករថយន្តមួយគ្រឿងម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខ កែប ២A-៧៥៧៦ មិនដឹងថាមកពីណានោះទេបានជាមកឈប់រថយន្តនៅមុខផ្ទះរបស់ប្រជាពលរដ្ឋដែលគាត់ធ្វើរបងព័ទ្ធជុំវិញ រួចម្ចាស់រថយន្តគាត់ដើរចូលទៅក្នុងភូមិបាត់ ។
ប្រភបដដែលបានបន្តថា ពេលម្ចាស់រថយន្តដើរចូលទៅក្នុងភូមិបាត់ ស្រាប់តែបងប្អូនម្ចាស់ផ្ទះ ចង់បើកម៉ូតូចូលផ្ទះ ប៉ុន្តែអត់មានផ្លូវចូល ដោយសារតែរថយន្តហាយឡែនឌ័របើកមកចតបិទចំមាត់ច្រកចូលផ្ទះ ទើបម្ចាស់ផ្ទះចេញមកសួររកម្ចាស់រថយន្តដែលមកចតមុខផ្ទះគាត់ បែរជាម្ចាស់រថយន្តខឹងថា ម្ចាស់ផ្ទះស្រែកជេរគាត់ ហើយថតរូបគាត់ដោយមិនដឹងមូលហេតុ ទើបបង្កអោយឈ្លោះប្រកែកគ្នាឡើងផ្អើលពេញតែផ្លូវ១៧២ សំណាងល្អបានសមត្ថកិច្ចមកជួយអន្តរាគមន៍ ដោយអោយខាងម្ចាស់រថយន្តបើករថយន្តចេញដើម្បីបញ្ចប់រឿង ។
ក្រោយពេលកើតហេតុ ម្ចាស់រថយន្តហាយឡែនឌ័រក៏ព្រមតាមសមត្ថកិច្ចរួចបើករថយន្តចេញទៅបាត់ដើម្បីបញ្ចប់រឿងនៅកន្លែងកើតហេតុ ៕
ចែករំលែកព័តមាននេះ