រាជធានីភ្នំពេញ ៖ បុរសម្នាក់ជាជនជាតិចិនកំពុងតែដើរយួរកាបូបស្ពាយ ស្រាប់តែមានជនសង្ស័យ២នាក់ធ្វើសកម្មភាពឆក់កាបូបស្ពាយ បណ្តាលអោយដួលជនរងគ្រោះរងរបួស ។ ចំចំណែកជនសង្ស័យម្នាក់ធ្លាក់ពីលើម៉ូតូត្រូវប្រជាពលរដ្ឋក្របួចជាប់ និងជនសង្ស័យម្នាក់ទៀតរត់គេចខ្លួន ហើយហេតុការណ៍នេះបានកើតឡើង កាលពីវេលាម៉ោង៨និង៣០នាទីយប់…
រាជធានីភ្នំពេញ ៖ បុរសម្នាក់ជាជនជាតិចិនកំពុងតែដើរយួរកាបូបស្ពាយ ស្រាប់តែមានជនសង្ស័យ២នាក់ធ្វើសកម្មភាពឆក់កាបូបស្ពាយ បណ្តាលអោយដួលជនរងគ្រោះរងរបួស ។ ចំចំណែកជនសង្ស័យម្នាក់ធ្លាក់ពីលើម៉ូតូត្រូវប្រជាពលរដ្ឋក្របួចជាប់ និងជនសង្ស័យម្នាក់ទៀតរត់គេចខ្លួន ហើយហេតុការណ៍នេះបានកើតឡើង កាលពីវេលាម៉ោង៨និង៣០នាទីយប់ ថ្ងៃទី១៧ ខែមករា ឆ្នាំ២០១៩ តាមបណ្តោយផ្លូវ១៥៤កែងផ្លូវ១៩ នៅចំណុចក្បែរនឹងសាលាជ័យជំនះ ស្ថិតនៅក្នុងសង្កាត់ជ័យជំនះ ខណ្ឌដូនពេញ ។
សាក្សីដែលឃើញហេតុការណ៍សុំមិនបញ្ចេញឈ្មោះ បានអោយដឹងថា មុនពេលកើតហេតុគេបានឃើញជនជាតិចិនម្នាក់វ័យជាង៥០ឆ្នាំ មិនស្គាល់អត្តសញ្ញាណ កំពុងតែដើរយួរកាបូបស្ពាយ តាមបណ្តោយផ្លូវ១៥៤ ក្នុងទិសដៅពីកើតទៅលិច ខណៈពេលដើរមកដល់ចំណុចកើតហេតុខាងលើនេះ ក៏ស្រាប់តែលេចមុខជនសង្ស័យ២នាក់ ជិះម៉ូតូមួយគ្រឿងម៉ាក MSX មិនចាំពណ៌ មិនចាំស្លាក បើកបរតាមបណ្តោយផ្លូវ១៥៤ ក្នុងទិសដៅស្របទិសដៅគ្នា ហើយជិះមកជិតធ្វើសកម្មភាពឆក់កាបូប ប៉ុន្តែមិនបានសម្រេច ដោយសារតែជនរងគ្រោះទាញមកវិញ បណ្តាលអោយដួលម៉ូតូ ហើយធ្លាក់ជនសង្ស័យម្នាក់អង្គុយពីក្រោយ ត្រូវបានប្រជាពលរដ្ឋជួយក្របួចជាប់ប្រគល់ទៅអោយសមត្ថកិច្ចប៉ុស្តិ៍ជ័យជំនះ ។
ចំណែកជនសង្ស័យម្នាក់ទៀតរត់គេចខ្លួនបាត់ស្រមោល ចំនែកឯជនរងគ្រោះវិញរងរបួសបែកចិញ្ចើមហូរឈាមស្រោចពេញខ្លួន ត្រូវបានប្រជាពលរដ្ឋម្នាក់សុំមិនបញ្ចេញឈ្មោះជូនទៅមន្ទីរពេទ្យនៅក្បែរនឹងកន្លែងកើតហេតុ ។បន្ទាប់ពីឃាត់ជនសង្ស័យបានហើយមិនព្រមសារភាពថា ខ្លួនបានឆក់កាបូបជនជាតិចិននោះទេ ។
សាក្សីម្នាក់ដែលឃើញហេតុការណ៍នៅក្បែរនឹងកន្លែងកើតហេតុប្រាប់សមត្ថកិច្ចថា ជនសង្ស័យដែលឈ្មោះ ស្រុន ណាដា ភេទប្រុស អាយុ១៧ឆ្នាំ មានមុខរបរមិនពិតប្រាកដ ស្នាក់នៅម្តុំរោងចក្រឆ្នាំង ពិតជាបានធ្វើសកម្មភាពឆក់ពិតមែន ។
ក្រោយពេលកើតហេតុសមត្ថកិច្ចខណ្ឌដូនពេញនឹងឃុំខ្លួនជនជសង្ស័យជាបណ្តោះអាសន្នដើម្បីសួរនាំតាមចាប់បក្សពួកជាបន្តទៀត ៕
ចែករំលែកព័តមាននេះ