រាជធានីភ្នំពេញ ៖ ឆ្លងកាត់ការប្រកួតជាច្រើនដំណាក់កាល និងច្រើនវិញ្ញាសាមកឃើញថា កម្មវិធីលើកដំបូងនៃកញ្ញាឯកភពផែនដី (Miss Planet Cambodia) បានរកឃើញស្រីស្អាតតំណាងកម្ពុជា ក្រោយយល់ថា…
រាជធានីភ្នំពេញ ៖ ឆ្លងកាត់ការប្រកួតជាច្រើនដំណាក់កាល និងច្រើនវិញ្ញាសាមកឃើញថា កម្មវិធីលើកដំបូងនៃកញ្ញាឯកភពផែនដី (Miss Planet Cambodia) បានរកឃើញស្រីស្អាតតំណាងកម្ពុជា ក្រោយយល់ថា មានភាពឈ្លាសវៃជាងគេ។ កម្មវិធីនេះ រៀបចំធ្វើឡើងកាលពីល្ងាចម្សិលមិញ ថ្ងៃទី១៧ មករា ឆ្នាំ២០១៩ នៅហាងស្រាទំពាំងបាយជូ ស្ថិតនៅតាមបណ្តោយផ្លូវភ្លោះអូឬស្សី ទល់មុខស្ថានទូតអាល្លឺម៉ង់រាជធានីភ្នំពេញ។
ចំណាត់ថ្នាកលេខ១ បានទៅលើកញ្ញា រី ចំណាន កល្យាណ មានកម្ពស់១ម៉ែត្រ៧០ រស់នៅរាជធានីភ្នំពេញ លេខ២ កញ្ញា លីម សាំងលី លេខ៣ កញ្ញា កែវ ធាវី លេខ៤ កញ្ញា ហ៊ាង លីនដា និងលេខ៥ កញ្ញា លី ភក្តី វីរចនា។
កម្មវិធីខាងលើ ប្រព្រឹត្តទៅអស់រយៈពេល៣ខែដែលរៀបចំដោយកញ្ញារំដួលលេចទឹកជាអ្នកផាត់មុខឯកទេសដ៏ជំនាញបានសិទ្ធិផ្តាច់មុខពីអគ្គនាយក Miss Planet International ។តាមគម្រោងកម្មវិធីខាងលើនេះ នឹងរៀបចំការប្រកួតលក្ខណៈអន្តរជាតិនៅថ្ងៃ២៣ កុម្ភៈ រហូតដល់ថ្ងៃ២ មីនា ឆ្នាំ២០១៩ ដែលកម្ពុជាជាម្ចាស់ផ្ទះ។
ដូចនេះតាមប្រភពមានប្រទេសជាង៦០មកចូលរួមមានន័យថា នេះជាព្រឹត្តិការណ៍ដ៏កក្រើកមួយទៀតរបស់កម្ពុជាក្នុងឆ្នាំ២០១៩នេះ។ កញ្ញារំដួលលេចទឹកជាអ្នករៀបចំកម្មវិធីបានលើកសរសើរថា កញ្ញាលេខ១ ដែលគ្រងមកុដ គឺមានភាពវាងវៃជាងគេទាំងដំណើរ និងបុគ្គលិកលក្ខណៈផ្សេងៗទៀតបូកការក្លាហាន គឺមានចេញពីក្នុងខ្លួនមិនត្រឹមតែស្អាតទេ។ យើង និងព្យាយាមបង្វឹកនាងឲល្អបន្តទៀត ដើម្បីឆ្ពោះទៅកាន់ឆាកអន្តរជាតិខាងមុខដែលយើងជាអ្នករៀបចំ៕
ចែករំលែកព័តមាននេះ