ខេត្តតាកែវ ៖ បញ្ហាល្បែងស៊ីសង បើទោះបីអាជ្ញាធរតែងតែដាក់បទបញ្ជាអោយសមត្ថកិច្ចគ្រប់ជាន់ថ្នាក់ត្រូវបង្ក្រាប ឬទប់ស្កាត់នៅក្នុងមូលដ្ឋានរបស់ខ្លួនអោយអស់ជូនដល់ប្រជាពលរដ្ឋអោយបានល្អ ព្រោះវាអាចកើតមានចោរលួចចោរប្លន់ជាក់ជាមិនខានឡើយ តែបញ្ហានេះងាកមកមើលអាជ្ញាធក្រុងដូនកែវដែលជាបេះដូងខេត្តតាកែវវិញ បែរជាកើតមានល្បែងស៊ីសងគ្រប់ប្រភេទ កើតមានឡើងគ្រប់ទីកន្លែងទៅវិញដោយមិនខ្វល់ពីគោលនយោបាយភូមិឃុំសុវត្ថិភាពនោះឡើយ ។
មន្ត្រីប៉ូលិសក្រុងដូនកែវបានប្រាប់កោះសន្តិភាពយើងដោយមិនអោយបញ្ជេញឈ្មោះ ថារាល់ថ្ងៃនេះបញ្ហាល្បែងស៊ីសងនោះកំពុងតែកើតមានឡើងពេញបន្ទុកហើយ ដោយគ្មានសមត្ថកិច្ចណាចុះមកទប់ស្កាត់ឡើយ មានតែអស់លោកទាំងអស់នោះចូលទៅលេងថែមទៀតផង។
មន្ត្រីដដែលបានបន្តទៀតថា ចំពោះទីតាំងដែលគេកំពុងតែបើកលេងល្បែងជាង១ខែមកនេះនៅចំនុចភូមិស្នោ កែងផ្លូវទៅកំពង់ទូកក្រោម ក្នុងសង្កាត់រកាក្នុង ដោយមានល្បែងជល់មាន់បៀ និងល្បែងជាច្រើន ដោយមានទាំងមានឡានប៉ូលិស និងប៉េអឹមឈរជើងការពារនៅទីនោះថែមទៀតផង ហើយ១កន្លែងទៀត នៅតូបលក់កាហ្វេ ដោយល្បែងភ្នាល់ចាក់បាល់ និងកន្ទុយលេខជាដើម ដែលទីតាំងល្បែងស៊ីសងនេះ បានបន្តបើកលេងបានយ៉ាងរលូន ដោយមិនមានរំខានដល់អាជ្ញាធក្រុង និងមេប៉ូលិស មេប៉េអឹមក្រុងឡើយ ។
ទាក់ទិនទៅនឹងករណីការបើកល្បៃងស៊ីសងខាងលើនេះដែរ កោះសន្តិភាពយើងបានទូរស័ព្ទដើម្បីសុំការបំភ្លឺពីលោក កង អាណាន់ ចៅហ្វាយក្រុងដូនកែវដែរ តែនៅពេលខលចូលហើយលោកមិនលើក ។ ប្រជាពលរដ្ឋរស់នៅក្នុងក្រុងដូនកែវបានសំណូមពរដល់លោកឧត្តមសេនីយ៍ទោ សុខ សំណាង ស្នងការនគរបាលខេត្ត មេត្តាជួយបង្ក្រាប ឬទប់ស្កាត់ល្បែងស៊ីសងគ្រប់ប្រភេទក្នុងក្រុងដូនកែវនេះផង ៕
ចែករំលែកព័តមាននេះ