យោងតាមសេចក្តីរាយការណ៍របស់គេហទំព័រ BGR បានឲ្យដឹងមកថា ស្មាតហ្វូនដែលអាចបត់បែនបានដំបូងរបស់ Samsung នឹងចេញលក់លើទីផ្សារក្នុងឆមាសទី ១នាឆ្នាំនេះ ហើយទូរស័ព្ទនេះនឹងមិនមានដៃគូប្រកួតប្រជែងច្រើនទេ ព្រោះក្រុមហ៊ុនដទៃមិនទាន់បានប្រកាសពីស្មាតហ្វូនដែលអាចបត់បែនបានឡើយ ។…
យោងតាមសេចក្តីរាយការណ៍របស់គេហទំព័រ BGR បានឲ្យដឹងមកថា ស្មាតហ្វូនដែលអាចបត់បែនបានដំបូងរបស់ Samsung នឹងចេញលក់លើទីផ្សារក្នុងឆមាសទី ១នាឆ្នាំនេះ ហើយទូរស័ព្ទនេះនឹងមិនមានដៃគូប្រកួតប្រជែងច្រើនទេ ព្រោះក្រុមហ៊ុនដទៃមិនទាន់បានប្រកាសពីស្មាតហ្វូនដែលអាចបត់បែនបានឡើយ ។
ប៉ុន្តែ Galaxy F នេះនៅតែអាចជួបនឹងឧបសគ្គមួយចំនួនដែរ ។ Samsung ព្រួយបារម្ភពីការលក់របស់ស្មាតហ្វូនេះមិនមែនមកពីតម្លៃ ឬដៃគូប្រកួតប្រជែងដទៃលើទីផ្សារឡើយ តែមកពីក្រុមហ៊ុនមួយទៅវិញ ។
អស់រយៈពេលជាច្រើនឆ្នាំមកនេះមានព័ត៌មានមកថា ក្រុមហ៊ុន Microsoft កំពុងតែធ្វើការលើទូរស័ព្ទ Surface ដែលអាចបត់បែនបាន ហើយនឹងមានប្រព័ន្ធដំណើរការ Windows 10 ទៀតផង ។ សេចក្តីរាយការណ៍ទាំងនោះកាន់តែលេចឡើងច្រើនឡើងក្នុងរយៈពេលប៉ុន្មានខែថ្មីៗនេះ ហើយ The Verge បានឲ្យដឹងថា Microsoft ពិតជាកំពុងតែធ្វើការលើវាពិតមែន ។
មកដល់បច្ចុប្បន្ននេះ Microsoft មិនទាន់មានប្រព័ន្ធដំណើរការសម្រាប់ទូរស័ព្ទដៃទេ ប៉ុន្តែប្រព័ន្ធដំណើរការ Window 10 អាចប្រើប្រាស់លើស្មាតហ្វូនដែលមាន Touchscreen បានយ៉ាងងាយស្រួល ។
ជាច្រើនឆ្នាំមកនេះ ក្រុមហ៊ុនដែលផលិត Laptop ដែលប្រើប្រាស់ Windows បានផលិត Laptop ដែលកាន់តែមានភាពងាយស្រួលក្នុងការដាក់តាមខ្លួនជាងមុនដោយប្រើប្រាស់គ្រឿងដែលធ្លាប់តែប្រើជាមួយនឹងស្មាតហ្វូននិង Laptop ដែលប្រើប្រាស់ Android ។
ដូច្នេះប្រសិនបើ Microsoft សម្រេចចិត្តថាផលិតស្មាតហ្វូនមែននោះ ពួកគេអាចជាដៃគូប្រកួតប្រជែងដ៏ធំមួយសម្រាប់ Samsung ព្រោះ Samsung នឹងត្រូវប្រកួតប្រជែងជាមួយនឹងស្មាតហ្វូនដែលមានប្រព័ន្ធដំណើរការ Windows 10 ហើយ Microsoft មានកម្មវិធី Software ប្លែកៗជាច្រើនដែល Samsung ព្យាយាមបង្កើតឡើង ។
Microsoft មានប្រព័ន្ធដំណើរការដែលអាចដំណើរការបានយ៉ាងល្អជាមួយនឹងស្មាតហ្វូនដែលអាចបត់បែនបាន។ អ្នកប្រើប្រាស់ជាច្រើនអាចនឹងជ្រើស Windows 10 ច្រើនជាង Android បើនិយាយពីប្រព័ន្ធដំណើរការកុំព្យូទ័រ ។ លើសពីនេះទៅទៀត ស្មាតហ្វូនដែលអាចបត់បែនបានរបស់ Samsung អាចនឹងមានតម្លៃដល់ទៅ ២ពាន់ដុល្លារឯណោះក្នុងមួយគ្រឿង ៕
ចែករំលែកព័តមាននេះ