ស្ងាត់ៗ…Huawei ផ្តួលជើងខ្លាំង Apple បាត់ !
យោងតាមគេហទំព័រ CCN បានឲ្យដឹងថា បន្ទាប់ពីការលក់បានធ្លាក់ចុះ និងក្រុមហ៊ុនកាត់បន្ថយផលិតកម្មស្មាតហ្វូន TrendForce បានព្យាករណ៍មកថា Huawei អាចនឹងយកឈ្នះ iPhone…
យោងតាមគេហទំព័រ CCN បានឲ្យដឹងថា បន្ទាប់ពីការលក់បានធ្លាក់ចុះ និងក្រុមហ៊ុនកាត់បន្ថយផលិតកម្មស្មាតហ្វូន TrendForce បានព្យាករណ៍មកថា Huawei អាចនឹងយកឈ្នះ iPhone លើទីផ្សារស្មាតហ្វូន ។
TrendForce បាននិយាយថា ជម្លោះពាណិជ្ជកម្ម និងការដាក់ពន្ធទៅវិញទៅមករវាងសហរដ្ឋអាមេរិក និងប្រទេសចិន រួមជាមួយនឹងភាពមិនប្រាកដប្រជាផ្សេងៗទៀតអាចនឹងបង្កឲ្យផលិតកម្មទូរស័ព្ទធ្លាក់ចុះប្រមាណដល់ទៅ ៥% ។
ជាមួយគ្នានេះផងដែរ ការលក់ iPhone របស់ Apple នៅឆមាសទី២នាឆ្នាំ ២០១៨ ប្រមាណ ៧%បើធៀបនឹងឆ្នាំ ២០១៧ ។ មូលហេតុចំបងដែលបង្កឲ្យមានការធ្លាក់ចុះនេះរួមមានអតិថិជនកាន់តែតិចជាងមុនចង់ទិញទូរស័ព្ទថ្មី និងសម្ពាធក្នុងទីផ្សារប្រទេសចិន ។
ចំនួនលក់ទូរស័ព្ទរបស់ Apple បានធ្លាក់ចុះដល់ទៅ ១០លានគ្រឿងក្នុងទីផ្សារប្រទេសចិន ។ តម្លៃ iPhone ខ្ពស់ពេកក្នុងប្រទេសចិនដែលមានសេដ្ឋកិច្ចកំពុងតែអន់ថយ ខណៈដែលប្រទេសនេះមានការហាមឃាត់ការលក់ iPhone មួយចំនួនផងដែរ ។
TrendForce បាននិយាយថា ចំនួនផលិតកម្មរបស់ Apple នឹងធ្លាក់ចុះមកស្មើ ១៨៩លានគ្រឿង ដែលបង្កឲ្យការគ្រប់គ្រងទីផ្សារបស់ក្រុមហ៊ុននេះធ្លាក់ចុះ ១៥% មកស្មើ ១៣% សម្រាប់ឆ្នាំ២០១៩នេះ ។
ជាមួយគ្នានេះ ក្រុមហ៊ុន Huawei ដែលកំពុងស្ថិតក្រោមការស៊ើបអង្កេតរបស់សហរដ្ឋអាមេរិកបានបង្កើនផលិតកម្មដល់ទៅ ៣០% កាលពីឆ្នាំ ២០១៨ ។ Huawei ផលិតបាន២០៥លានគ្រឿងកាលពីឆ្នាំ ២០១៨ ហើយអាចនឹងកើនដល់ ២២៥លានគ្រឿងក្នុងឆ្នាំ ២០១៩ ។
យោងតាមការស្រាវជ្រាវរបស់ TrendForce បានឲ្យដឹងថា ស្ថានការនេះធ្វើឲ្យ Huawei គ្រប់គ្រងទីផ្សារបាន ១៦% ធ្វើឲ្យពួកគេដណ្តើមចំណាត់ថ្នាក់លេខពីររបស់ Apple បន្ទាប់ពី Samsung ។
Samsung ក៏មើលឃើញផលិតកម្មធ្លាក់ចុះអស់ ៨%ផងដែរ ប៉ុន្តែក្រុមហ៊ុននេះអាចនឹងរក្សាការគ្រប់គ្រងទីផ្សារបាន ២០%ដដែល។ ដើម្បីប្រកួតប្រជែងជាមួយនឹងយីហោស្មាតហ្វូនក្នុងប្រទេសចិន Samsung អាចនឹងស្វាហាប់ជាងមុនក្នុងការចេញទូរស័ព្ទថ្មីៗ និងការកំណត់តម្លៃលើទីផ្សារជាដើម ៕
ចែករំលែកព័តមាននេះ