រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិបានអះអាងថា លោក សម រង្ស៊ីបាន និងកំពុងធ្វើនយោបាយបែបសត្វត្រដេវិចដោយដើរបន្លាចខ្លួន និងអ្នកដ៏ទៃឲ្យខ្លាចតែមិ នទទួលជោគជ័យនោះទេ។
ការលើកឡើងរបស់អតីតមន្ត្រីជាន់ខ្ពស់បក្សប្រឆាំងនេះ ខណៈដែលលោក សម រង្ស៊ី មានសុទិដ្ឋនិយមថា អន្តរជាតិ និងជួយលោកក្នុងការដាក់គំនាបផ្នែកសេដ្ឋកិច្ចមកលើប្រទេសកម្ពុជា តាមសំណើរខ្លួន ។
លោក គង់ គាំ អតីតទីប្រឹក្សាគណបក្សសង្គ្រោះជាតិ និងជាមនុស្សជំនិតលោក សម រង្ស៊ី បានអះអាងឲ្យដឹងលើបណ្តាញសង្គមយ៉ាងដូច្នេះថា លោក សម រង្ស៊ី អ្នកនយោបាយសត្វត្រដេវិច បន្លាចខ្លួនឯង និងអ្នកដទៃថា មុខជាត្រូវរំលាយដូច CNRPទៀត មេឃមិនរលំក៏សត្វត្រដេវិចខ្លាច ហើយដេកយកជើងទ្រមេឃជានិច្ច ។ មិនជឿទុកចិត្តលើសមត្ថភាពខ្លួន គឺកំសាក ។
លោកបន្តថា ឈ្លក់ដោយងារជាឪប្រជាធិបតេយ្យដែលក្រុមខ្លួនជួយលើកតម្កើងលោកសម រង្ស៊ី កំពុងរកខ្យល់បានប្រឹងខ្ទប់ដង្ហើមអ្នកប្រជាធិបតេយ្យវ័យក្មេងប្រឹងឃាត់ឃាំងអ្នកប្រជាធិបតេយ្យខ្សែផ្សេង និងប្រឹងលាបពណ៌អតីតអ្នកគាំទ្រថា ក្បត់ខ្លួនព្រោះមិនដេកផ្ទះ ហើយទៅ បោះឆ្នោតក្លែងក្លាយមិនក្រោកឈរប្រឆាំងរដ្ឋសភាប្រឆាំងរដ្ឋាភិបាលក្លែងក្លាយ ។
លោក គង់ គាំ ក៏បានឌឺទៅកាន់លោក សម រង្ស៊ី ថា អំពាវនាវឲ្យពលរដ្ឋមិនបោះឆ្នោតកន្លង មក គឺដើម្បីជួយយកអំណាចឲ្យខ្លួន និងបក្សពួកដែលបានដេកចាំ ។ លោកថា អតីតតំណាងរាស្ត្រជាអ្នកធ្វើច្បាប់បែរជាមិនដឹងថា សិទ្ធិត្រូវកំណត់ដោយច្បាប់ ។ ប្រើសិទ្ធិបុព្វកាលពីកំណើត យល់សប្តិពីសិទ្ធិថ្លៃថ្នូរពេល CNRP រស់ឡើងវិញ ឬពេលសាលដីកាតុលាការកំពូលផុតកំណត់ គឺល្ងង់ ។
ទាក់ទិននឹងការទាមទារឲ្យអន្តរជាតិដាក់ទណ្ឌកម្មផ្នែកសេចក្តីមកលើករាជរដ្ឋាភិបាលលោកគង់ គាំ បានអះអាងថា គ្មានទេរបស់ដែលហៅថា សម្ពាធអន្តរជាតិ និងលក្ខខណ្ឌមួយចំនួនដូចជា ១-ទម្លាក់ការចោទប្រកាន់ ២- ដោះលែង កឹម សុខា ជាមុន ៣- សងវិញអំណាចជាប់ឆ្នោត ៤- បោះឆ្នោតឡើងវិញ ជាមួយអ្នកសង្កេតការណ៍អន្តរជាតិ គឺយុទ្ធសាស្ត្រណា ការប្រ កាសណា ក៏ជាការបោកបញ្ឆោតទាំងអស់ ។ លោកបានលើកឡើងទៀតថា ការមិនសុំសិទ្ធិធ្វើនយោបាយស្របច្បាប់ឡើងវិញពេលនេះ គឺបន្តបាត់បង់សិទ្ធិរហូតឆ្នាំ២០២២ ដែលសាលដីកាកំពូលបានកំណត់ ហើយអ្នកល្មើសសាលដីកាអាចទទួលទោសបន្ថែម គឺជាការសម្លាប់ជីវិតនយោបាយខ្លួន និងទុកចោលឱកាសបម្រើលំហប្រជាធិបតេយ្យ និងបម្រើប្រជាពលរដ្ឋដែលចង់ឲ្យមានការផ្លាស់ប្តូរជាវិជ្ជមាននៅកម្ពុជា ។
សូមជម្រាបថា ការលើកឡើងរបស់លោក គង់ គាំ នេះបន្ទាប់ពីលោក និងកូនប្រុសម្នាក់ (គង់ បូរ៉ា) ត្រូវបានព្រះមហាក្សត្រព្រះរាជទានផ្តល់សិទ្ធិនយោបាយបានវិញតាមសំណើរពីនាយករដ្ឋមន្ត្រី កាលពីពេលថ្មីៗមកនេះ ។ លោក គង់ គាំ ត្រូវបានគេដឹងថា អ្នកនយោបាយជើងចាស់មួយរូបដែលលោកក៏ធ្លាប់ធ្វើនយោបាយនៅក្នុងបក្សកាន់អំណាចដែរ ។
ក្រោយមកលោកសម្រេចចេញពីបក្សកាន់អំណាចទៅចូលរួមជាមួយប្រឆាំងវិញ ។ លោក គង់ គាំជាមនុស្សជំនិតរបស់លោក សម រង្ស៊ី ប៉ុន្តែនៅពេលឃើញសកម្មភាពលោក សម រង្ស៊ី ធ្វើនយោបាយមិនចេះស្តាប់មតិភាគច្រើននោះលោក គង់ គាំ បានសម្រេចចាកចេញពីបក្សប្រឆាំងមួយរយៈ ។ រហូតមកដល់ពេលនេះលោក គង់ គាំ ត្រូវបានជាប់បម្រាមមិនអាចធ្វើ នយោបាយរយៈពេល៥ឆ្នាំ ប៉ុន្តែលោកត្រូវបានព្រះមហាក្សត្រព្រះរាជទានផ្តល់សិទ្ធិក្នុងការធ្វើនយោបាយឡើងវិញ ។
លោក គង់ គាំ បានប្រកាសថា លោកចូលធ្វើនយោបាយវិញ រស់នៅជីវភាពនយោបាយ ជាមួយគណបក្សឆន្ទៈខ្មែរដែលកូនលោកធ្វើជាប្រធានគណបក្សនេះ៕
ចែករំលែកព័តមាននេះ