រាជធានីភ្នំពេញ ៖ ជនសង្ស័យម្នាក់ ខណៈជិះម៉ូតូ១គ្រឿងកាត់ឆ្លងកាត់មុខបន្ទប់មួយកន្លែងហើយបានប្រទះឃើញក្មេងស្រីម្នាក់កំពុងចុចទូរស័ព្ទលេងនៅមុខបន្ទប់ជួលជាមួយប្អូនប្រុសម្នាក់ទៀតដោយនាំគ្នាមើលទៅបែបទំនងក៏បានធ្វើសកម្មភាពឆក់យកទូរស័ព្ទនោះ ។
បន្ទាប់មកបានព្យាយាមជិះម៉ូតូរត់គេចខ្លួន ប៉ុន្តែសំណាងអាក្រក់ព្រះមិនជួយត្រូវបានប្រជាពលរដ្ឋឃើញទាន់ក៏បានដេញតាមចាប់បានភ្លាមៗ រួចស្វាគមន៍ដោយកណ្ដាប់ដៃរន្ទះជើងខ្លះៗរួចទើបប្រគល់ជូននគរបាលចាត់ការតាមច្បាប់ ។ ហេតុការណ៍នោះបានកើតឡើងកាលពី វេលាម៉ោង៣រសៀល ថ្ងៃទី១៦ ខែមករា ឆ្នាំ២០១៩ នៅក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យខាងលើឈ្មោះ ឆេង ម៉េង ហ៊ង អាយុ៣២ឆ្នាំ ស្នាក់នៅក្នុងភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ ។ ដោយឡែកក្មេងស្រីដែលជាម្ចាស់ទូរស័ព្ទរួមជាមួយឪពុកម្ដាយរបស់នាងមិនត្រូវបានស្គាល់អត្តសញ្ញាណឡើយ ។
តាមប្រភពព័ត៌មានបានឲ្យដឹងថា នៅមុនពេលកើតហេតុក្មេងស្រីម្នាក់នោះបានអង្គុយកាន់ទូរស័ព្ទ១គ្រឿង ម៉ាកសាំស៊ុង ចុចលេងជាមួយប្អូនប្រុសម្នាក់ទៀត នៅចំណុចមុខបន្ទប់ជួល ។ ខណៈនោះភ្លាមនោះជនសង្ស័យខាងលើបានជិះម៉ូតូម៉ាកហុងដាស្កូបពី ពណ៌ស ពាក់ស្លាក លេខភ្នំពេញ 1HE -6525 ទៅដល់ប្រទះឃើញមើលទៅបែបទំនងក៏បានធ្វើសកម្មភាពឆក់យកទូរស័ព្ទពីដៃនាងរួចហើយហើយព្យាយាមជិះម៉ូតូគេចខ្លួន ។
ប៉ុន្តែភ្លាមៗនោះត្រូវបានប្រជាពលរដ្ឋឃើញទាន់ក៏នាំគ្នាដេញតាមចាប់បានភ្លាមៗដែរ រួចហើយវាយទាត់ធាក់បន្តិចបន្តួច ទើបនាំទៅប្រគល់ឲ្យនគរបាលសាកសួរ និងកសាងសំណុំរឿងដើម្បីចាត់ការតាមច្បាប់ ៕
ចែករំលែកព័តមាននេះ