ប្រទេសថៃ ៖ នារីបោយដៃ CALL -GIRLជនជាតិបេឡារុសម្នាក់ ដែលគេឃើញចុះផ្សាយដោយមានចំណងជើងធំៗ លើបណ្ដាសារព័ត៌មានអន្តរជាតិនោះ ក្រោយពីអះអាងថាមានការលាតត្រដាងនានា ពីតួនាទីរបស់រុស្ស៊ី ក្នុងការបោះឆ្នោតប្រធានាធិបតីអាមេរិកនោះត្រូវបានអាជ្ញាធរថៃ…
ប្រទេសថៃ ៖ នារីបោយដៃ CALL -GIRLជនជាតិបេឡារុសម្នាក់ ដែលគេឃើញចុះផ្សាយដោយមានចំណងជើងធំៗ លើបណ្ដាសារព័ត៌មានអន្តរជាតិនោះ ក្រោយពីអះអាងថាមានការលាតត្រដាងនានា ពីតួនាទីរបស់រុស្ស៊ី ក្នុងការបោះឆ្នោតប្រធានាធិបតីអាមេរិកនោះត្រូវបានអាជ្ញាធរថៃ ចាប់បណ្ដេញចេញបន្ទាប់ពីសវនាការមួយកាលពីថ្ងៃទី១៥មករា ពីបទ COACHING SEXUEL។
នាងANASTASIA VACHOUKEVITCH ដែលគេស្គាល់ក្រោមឈ្មោះថា NASTIA RYBKA បើតាមចៅក្រមនៃតុលាការប៉ាតាយ៉ាថា នាងមានវាសនាវិលទៅស្រុកវិញ ហើយនាងជាប់តែការពិន័យមួយ ដែលនាងអាចជាប់គុកច្រើនឆ្នាំ។
ប្រមុខប៉ូលិសអន្តោប្រវេសន៍ថៃ លោកSURACHATE HAKPARNបញ្ជាក់ថា រូបនាងនិងអ្នកជាប់ចោទជាមួយគ្នា៧នាក់ទៀតជាជនជាតិរុស្ស៊ី នឹងត្រូវចាប់បណ្ដេញចេញក្នុងពេលបន្តិចទៀត ដោយរួមសហការជាមួយអាជ្ញាធររុស្ស៊ី។ វាមិនទាន់ច្បាស់ដែរនាគ្រាដំបូងដែលនាង ANASTASIA VACHOUKEVITCH ត្រូវចាប់បញ្ជូនទៅរុស្ស៊ី ឬបេឡារុសជិតខាង។
នាងជាប់ឃុំឃាំងចាប់តាំងពីខែកុម្ភៈមកនៅថៃ ពីបទដើរចែកចាយមេរៀនពីការបណ្ដុះបណ្ដាលខាងផ្លូវភេទ ក្នុងតំបន់ទេសចរណ៍ប៉ាតាយ៉ា។ ក្នុងសវនាការរឿងក្ដីរបស់នាងដំបូងបង្អស់ នាងបានចោទប្រកាន់ក្រុងវ៉ាស៊ិនតោនថាគំរាមនាងឲ្យបិទមាត់។ នាងក៏មានរឿងជាប់ចោទនៅរុស្ស៊ី ដោយសារលួចថត ឧបនាយករដ្ឋមន្ត្រីមួយរូបរបស់រុស្ស៊ីពេលកំពុងស្ថិតលើនាវាកម្សាន្តមួយរបស់មហាសេដ្ឋី OLEG DERIPASKA៕
ចែករំលែកព័តមាននេះ