ខេត្តស្ទឹងត្រែង ៖ តុលាការខេត្តស្ទឹងត្រែងកាលពីព្រឹកថ្ងៃទី១៦ មករា ២០១៩ បានជម្រះក្តីភ្លាមៗក្នុងករណីអំពើលួច ប្រព្រឹត្តនៅភូមិខាំភោគ ឃុំព្រែកមាស ស្រុកសៀមប៉ាង កាលពីកាលថ្ងៃទី១៤…
ខេត្តស្ទឹងត្រែង ៖ តុលាការខេត្តស្ទឹងត្រែងកាលពីព្រឹកថ្ងៃទី១៦ មករា ២០១៩ បានជម្រះក្តីភ្លាមៗក្នុងករណីអំពើលួច ប្រព្រឹត្តនៅភូមិខាំភោគ ឃុំព្រែកមាស ស្រុកសៀមប៉ាង កាលពីកាលថ្ងៃទី១៤ មករា ២០១៩ ក្រោយសកម្មភាពមិនបានសម្រេច ។
នគរបាលប៉ុស្តិ៍រដ្ឋបាលឃុំព្រែកមាស ស្រុកសៀមប៉ាង បានអោយដឹងថា កម្លាំងកាលពីថ្ងៃទី១៤ មករា មានករណីបាត់ម៉ូតូ១គ្រឿង នៅភូមិខាំភោគ ឃុំព្រែកមាស ស្រុកសៀមប៉ាង ដោយម្ចាស់ចតទុកក្រោមផ្ទះហើយមិនបានដកសោចេញ ។
ក្រោយទទួលបានពាក្យបណ្តឹងកម្លាំងជំនាញអធិការដ្ឋាន និងកម្លាំងប៉ុស្តិ៍រដ្ឋបាលបានចុះស្រាវជ្រាវ និងទទួលព័ត៌មានថា ជនសង្ស័យក្រោយធ្វើសកម្មភាពលួចម៉ូតូ រួចមកបានជិះចូលទៅលាក់ខ្លួន នៅទឹកដីប្រទេសឡាវ ។
មន្ត្រីនគរបាលថា កម្លាំងជំនាញដោយមានការសហការជាមួយបានមិត្តភក្តិជនសង្ស័យទើបល្បួងបបួលជននោះអោយឆ្លងមកទឹកដីខ្មែរវិញ ។ គ្រាបញ្ចុះបញ្ចូលបានជោគជ័យកម្លាំងនគរបាលប៉ុស្តិ៍រដ្ឋបាលឃុំព្រែកមាស បានសហការជាមួយកម្លាំងប៉ុស្តិ៍វរព្រំដែន៧០១ បានឃាត់ខ្លួនជនសង្ស័យឈ្មោះ ថា មីវិល័យ ហៅ ស៊ឹងតេ អាយុ២១ឆ្នាំ ជនជាតិខ្មែរ រួមវត្ថុតាងម៉ូតូ១គ្រឿង បញ្ជូនមកអធិការដ្ឋាន ដើម្បីកសាងនីតិវិធីបញ្ជូនទៅស្នងការដ្ឋាន ដើម្បីចាត់វិធានការបន្តក្នុងនោះដែរ ជំនាញក៏បានប្រគល់ម៉ូតូដែលជាវត្ថុតាងជូនម្ចាស់ដើមវិញ ឈ្មោះ ថា ដន ឡាយ អាយុ២៨ឆ្នាំ រស់នៅភូមិឃុំកើតហេតុខាងលើ ។
លោក ហោ វុទ្ធី នាយការិយាល័យព្រហ្មទណ្ឌកម្រិតស្រាលស្នងការដ្ឋាននគរបាលខេត្តស្ទឹងត្រែងបានបញ្ជាក់ថា ជនសង្ស័យត្រូវកម្លាំងនគរបាលប៉ុស្តិ៍រដ្ឋបាល ឃុំព្រែកមាស បញ្ជូនមកស្នងការដ្ឋាននៅរសៀលថ្ងៃទី១៥ និងកសាងសំណុំរឿងបញ្ជូនទៅអយ្យការអមសាលាដំបូងជម្រះ នៅព្រឹកថ្ងៃទី១៦ និងបញ្ជូនទៅពន្ធនាគារខេត្តនៅរសៀលថ្ងៃដដែលនេះ ។
លោកបានបញ្ជាក់ថា ជនសង្ស័យជាមុខសញ្ញាថ្មីពុំមានបក្សពួក និងធ្លាប់ប្រព្រឹត្តបទល្មើសពី មុនមកទេ ។ អធិការនគរបាលស្រុកសៀមប៉ាងបានទទូចស្នើរទៅសូមពុកម៉ែបងប្អូនមានការប្រុងប្រយត្ន័ខ្ពស់ កុំប្រហែសចតម៉ូតូឡានទាំងមិនដកយកសោទុក ៕
ចែករំលែកព័តមាននេះ