រាជធានីភ្នំពេញ ៖ សេចក្តីរាយការណ៍ឱ្យដឹងថា មានបុរសម្នាក់បានបង្កការភ្ញាក់ផ្អើលពលរដ្ឋ រួមនិងសមត្ថកិច្ច ទៅចោមរោម និងចូលទៅជួយឃាត់ ខណៈគាត់កំពុងព្យាយាមឡើងរបងផ្ទះប៉ងលោតចុះមកដីវិញ កើតឡើងកាលពីវេលាម៉ោង១១ និង៤៥នាទីព្រឹកថ្ងៃទី១៦ មករា ស្ថិតនៅចំណុចផ្ទះជួលជាន់ទី២ក្បែររោងចក្រប៊ឺរី ក្នុងភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ ដោយមិនដឹងពីមូលហេតុ តែគេសង្ស័យថាគាត់អាចបែកថ្នាំ ។
សេចក្តីរាយការណ៍បន្តថា ការប៉ុនប៉ងរបស់បុរសខាងលើនេះ គឺមិនបានសម្រេចនោះទេ ដោយមានបងប្អូនយើង បានព្យាយាមឃាត់គាត់ទាន់មកវិញ ។ បន្ទាប់ពីឃាត់បាន ក៏នាំមកសាកសួរនៅប៉ុស្តិ៍ផងដែរ ។ ជំហានដំបូង គឺមិនបានស្គាល់ឈ្មោះគាត់ទេ ដោយត្រូវសមត្ថកិច្ចនាំទៅភ្លាមៗ ។
យ៉ាងណា សូមកុំយកជីវិតខ្លួនឯង មកបញ្ចប់ទាំងបែបនេះអីគឺមិនត្រឹមត្រូវឡើយ ជីវិតត្រូវតែមានការតស៊ូជានិច្ច ។
ចែករំលែកព័តមាននេះ