រាជធានីភ្នំពេញ ៖ ព្រះមហាក្សត្រកាលពីថ្ងៃទី១៥ ខែមករា ឆ្នាំ២០១៩ បានចេញព្រះរាជក្រឹត្យ ផ្តល់នីតិសម្បទានឡើងវិញដល់លោក គង់ គាំ ដែលត្រូវបានហាមឃាត់មិនឲ្យធ្វើសកម្មភាពនយោបាយសម្រាប់រយៈពេល៥ឆ្នាំតាមសាលដីកា…
រាជធានីភ្នំពេញ ៖ ព្រះមហាក្សត្រកាលពីថ្ងៃទី១៥ ខែមករា ឆ្នាំ២០១៩ បានចេញព្រះរាជក្រឹត្យ ផ្តល់នីតិសម្បទានឡើងវិញដល់លោក គង់ គាំ ដែលត្រូវបានហាមឃាត់មិនឲ្យធ្វើសកម្មភាពនយោបាយសម្រាប់រយៈពេល៥ឆ្នាំតាមសាលដីកា លេខ៣៤០ ចុះថ្ងៃទី១៦ ខែវិច្ឆិកា ឆ្នាំ២០១៧ របស់តុលាការកំពូល ។
ព្រះរាជក្រិត្យបន្តថា សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ត្រូវអនុវត្តព្រះរាជក្រឹត្យនេះចាប់ពីថ្ងៃឡាយព្រះហត្ថលេខាតទៅ ។
សូមបញ្ជាក់ថា លោក គង់ គាំ និងកូនប្រុស គង់ បូរ៉ា កាលពីពេលថ្មីៗនេះត្រូវបានគេដឹងថាបានដាក់ពាក្យចូលក្រសួងមហាផ្ទៃដើម្បីស្នើសុំធ្វើនយោបាយឡើងវិញបន្ទាប់ពីច្បាប់ស្តីពីគណបក្សនយោបាយមាត្រា៤៥ថ្មី(ស្ទួន)ត្រូវបានអនុម័តបើកច្រកឲ្យអ្នកនយោបាយចំនួន១១៨នាក់ជាប់បម្រាមអាចសុំសិទ្ធិធ្វើនយោបាយឡើងវិញ ។
លោក គង់ គាំ ម្នាក់ក្នុងចំណោមថ្នាក់ដឹកនាំគណបក្សសង្គ្រោះជាតិ១១៨នាក់ដែលជាប់បម្រាមបន្ទាប់ពីគណបក្សសង្គ្រោះជាតិត្រូវបានរំលាយដោយតុលាការកំពូលកាលពីថ្ងៃទី១៦ ខែវិច្ឆិកា ឆ្នាំ២០១៧ ៕
ចែករំលែកព័តមាននេះ