រាជធានីភ្នំពេញ ៖ នារីភេទទី៣ម្នាក់រួមនឹងនារីខ្មែរម្នាក់ណាត់គ្នាតាមឆាតហ្វេសប៊ុកមកដេកជាមួយនឹងបុរសជនជាតិចិនក្នុងតម្លៃ២០០ដុល្លារ លុះមកដល់បុរសចិនមិនពេញចិត្ត ទើបនារីទាំង២នាក់សុំលុយខ្លះ តែបុរសរូបនោះមិនព្រមបង្កហិង្សាវាយគ្នា ចំណែកសន្តិសុខម្នាក់ចេញមកវាយនារីភេទទីបីធ្វើឱ្យនាងខឹងទៅវាយកញ្ចក់រថយន្តរបស់ជនជាតិចិន ។ ហេតុការណ៍នេះបានបង្កឱ្យមានការភ្ញាក់ផ្អើលឡើងកាលពីម៉ោង១១និង៤០នាទីយប់ ថ្ងៃទី១៥ ខែមករា ឆ្នាំ២០១៩ ទុលមុខនឹងខុនដូយីហោ ថាឡឺ ស្កាយ ឯ.ក ផ្លូវ៤៣០ សង្កាត់ទំនប់ទឹក ខណ្ឌចំការមន ។
បុរសជាសន្តិសុខអាយុ២៣ឆ្នាំ មុខរបរសន្តិសុខ ស្នាក់នៅខុនដូខាងលើ ចំណែកនារីភេទទីបីអាយុ៣០ឆ្នាំ និងនារីខ្មែរម្នាក់ទៀតអាយុ២០ឆ្នាំ ។
តាមសម្តីភេទទីបីទាំង២នាក់ បានឱ្យដឹងថា មុនកើតហេតុ ពួកគេទាំង២នាក់បានណាត់គ្នាតាមឆាតហ្វេសប៊ុកជាមួយនឹងបុរសជាជនជាតិចិនម្នាក់ឱ្យមកដេកជាមួយគេក្នុងតំលៃ២០០ដុល្លារ តែពេលមកដល់បុរសជាជនជាតិចិនមិនពេញចិត្តក៏ឱ្យពួកនាងត្រលប់ទៅវិញ តែពេលនោះពួកនាងសុំលុយខ្លះដើម្បីជិះម៉ូតូឌុបទៅផ្ទះវិញ តែបុរសចិនមិនឱ្យ ទើបមានការឈ្លោះប្រកែកគ្នាផ្អើលដល់បុរសជាសន្តិសុខខ្មែរម្នាក់បានមកវាយនាង១ដៃចំកណ្ដាលមុខ ទើបធ្វើឱ្យពួកនាងទ្រាំមិនបានក៏ទាញសោចាក់ទ្វារវាយកញ្ចក់រថយន្តរបស់ជនជាតិចិននៅមុខខុនដូ បណ្តាលឱ្យបែកអស់២ប្រឡោះតែម្តងទៅ ។
ដោយឡែកបុរសជាសន្តិសុខវិញនិយាយថា នារីភេទទីបីម្នាក់និងស្រីខ្មែរម្នាក់បានទៅដល់ដេកជាមួយនឹងបុរសជនជាតិចិននៅខុនដូខាងលើ តែមិនដឹងជាយ៉ាងមិចស្រាប់តែពួកនាងឈ្លោះទាស់ពាក្យសម្តីជាមួយជនជាតិចិនឈានទៅដល់ការប្រវាយប្រតប់គ្នា។ ពេលនោះរូបគាត់ ឃើញនារីភេទទីបីម្នាក់ទាញសោររកវាយបុរសចិន ទើបរូបគេគេចូលទៅឃាត់ និងរុញពួកនាងចេញមកក្រៅ តែពេលមកដល់ក្រៅ ស្រាប់តែពួកនាងទាំងនោះយកសោ និងដុំថ្មទៅវាយបំផ្លាញកញ្ចក់រថយន្តម៉ាកតូយូតាព្រុស ពណ៌ខ្មៅ មួយគ្រឿងរបស់ជនជាតិចិន ដែលទុកនៅខាងមុខ បណ្តាលឱ្យរងការខូចខាតបែកអស់ចំនួន២ផ្ទាំង ហើយក៏ផ្អើលដល់សមត្ថកិច្ច និងបានឃាត់ខ្លួនពួកគេយកទៅសាកសួរនៅប៉ុស្តិ៍នគរបាលទំនប់ទឹកតែម្តង ។
ក្រោយពេលកើតហេតុភាគីទាំងសងខាងមិនបានប្តឹងផ្តល់គ្នានោះទេ ហើយសមត្ថកិច្ចក៏បានអប់រំ និងធ្វើសាវតាជាតិទុក ហើយក៏ត្រលប់ទៅផ្ទះវិញរៀងៗខ្លួន៕
ចែករំលែកព័តមាននេះ