រាជធានីភ្នំពេញ ៖ ធ្វើខួបកំណើតនៅក្នុងខារ៉ាអូខេគ្រួសារ «ឡាលីន» បង្កហិង្សារវាងភ្ញៀវខួបកំណើត និងក្មេងទំនើងក្នុងភូមិ បណ្តាលឱ្យមានការភ្ញាក់ផ្អើលត្រូវបានសមត្ថកិច្ចឃាត់ខ្លួនមនុស្សចំនួន៣នាក់ និងម៉ូតូ២គ្រឿងយកទៅសាកសួរនៅប៉ុស្តិ៍នគរបាលផ្សារដើមថ្កូវ ។ ហេតុការណ៍នេះបានកើតឡើងនៅវេលាម៉ោង១០យប់…
រាជធានីភ្នំពេញ ៖ ធ្វើខួបកំណើតនៅក្នុងខារ៉ាអូខេគ្រួសារ «ឡាលីន» បង្កហិង្សារវាងភ្ញៀវខួបកំណើត និងក្មេងទំនើងក្នុងភូមិ បណ្តាលឱ្យមានការភ្ញាក់ផ្អើលត្រូវបានសមត្ថកិច្ចឃាត់ខ្លួនមនុស្សចំនួន៣នាក់ និងម៉ូតូ២គ្រឿងយកទៅសាកសួរនៅប៉ុស្តិ៍នគរបាលផ្សារដើមថ្កូវ ។
ហេតុការណ៍នេះបានកើតឡើងនៅវេលាម៉ោង១០យប់ ថ្ងៃទី១៥ ខែមករា ឆ្នាំ២០១៩ នៅក្នុងខារ៉ាអូខេគ្រួសារយីហោ«ឡាលីន» ផ្លូវ៩៩ សង្កាត់ផ្សារដើមថ្កូវ ខណ្ឌចំការមន ។
ភាគីក្មេងទំនើងរស់នៅក្នុងភូមិដែលត្រូវសមត្ថកិច្ចឃាត់ខ្លួនមានឈ្មោះ វិសិទ្ធ ពេជ្រមុនី ភេទប្រុស អាយុ១៦ឆ្នាំ មុខរបររត់តុ ស្នាក់នៅផ្ទះ សង្កាត់ផ្សារដើមថ្កូវ ខណ្ឌចំការមន ចំណែកម្នាក់ទៀតមានឈ្មោះ ទី សុជា ភេទប្រុស អាយុ១៧ឆ្នាំ មុខរបររត់តុ ស្នាក់នៅភូមិ៥ ផ្លូវ៩៧ សង្កាត់ផ្សារដើមថ្កូវ ខណ្ឌចំការមន ។
រីឯភាគីខាងម្ចាស់ខួបកំណើតមានឈ្មោះ ចាន់ ញឹងទី ភេទប្រុស អាយុ១៧ឆ្នាំ ជនជាតិវៀតណាម ស្នាក់នៅភូមិម៉ាឃ្លឿ សង្កាត់ច្បារអំពៅ១ ខណ្ឌច្បារអំពៅ ដកហូតម៉ូតូចំនួន២គ្រឿង ម៉ាកហុងដាឌ្រីម ស៊េរីឆ្នាំ២០១៣ មួយគ្រឿង និងម៉ាក TODAY ពណ៌ស មួយគ្រឿង ។
បើតាមភាគីខាងកម្មវិធីខួបកំណើតបានអោយដឹងថា មុនពេលកើតហេតុពួកគេបានរៀបចំកម្មវីធីខួបកំណើតនៅក្នុងខារ៉ាអូខេខាងលើចំនួន៤តុ លុះដល់ពេលជួបជុំភ្ញៀវកំពុងតែផឹកស៊ីក៏ស្រាប់តែភ្ញៀវដែលបានចេញទៅខាងក្រៅដើម្បីជក់បារី លុះដល់ពេលចេញទៅដល់ក៏បានមើលមុខខាងភាគីក្មេងស្ទាវនៅក្នុងភូមិ ទាស់សម្តីឌឺដងគ្នាក៏កើតជាបញ្ហាយកកែវ និងដំថ្មគប់គ្នាបណ្តាលអោយបែកកញ្ចក់ហាងខារ៉ាអូខេ និងរងការខូចខាតម៉ូតូចំនួន២គ្រឿង ។
ដោយឡែកខាងភាគីក្មេងស្ទាវនៅក្នុងភូមិបានអោយដឹងថា មុនពេលកើតហេតុពួកគេមានគ្នាពីរនាក់បានមកញុំាបង្អែមនៅមុខហាងខាងលើ ស្រាប់តែពេលនោះក៏មានខាងបុរសជាអ្នកចូលរួមកម្មវីធីខួបកំណើតបានចេញមកក្រៅហើយយកដុំថ្មមកគប់ពួកគេ ទើបពួកគេយកដុំថ្មដេញគប់វិញទៅ ។
ពេលនោះដែរក៏មានសមត្ថកិច្ចចុះទៅដល់ឃាត់ខ្លួនពួកគេបាន៣នាក់ រួមនឹងម៉ូតូពីរគ្រឿងដែលរងការខូចខាត ដោយសារតែពួកក្មេងស្ទាវទាំងនោះវាយបំផ្លាញយកទៅសាកសួរនៅប៉ុស្តិ៍នគរបាលផ្សារដើមថ្កូវតែម្តង ។ ក្រោយកើតហេតុភាគីទាំងសងខាងមិនបានប្តឹងផ្តល់គ្នាអ្វីនោះទេ តែខាងម្ចាស់ហាងគឺសុំឱ្យពួកបង្កទាំងនោះសងសំណងថ្លៃកញ្ចក់ទ្វារចំនួន៤០០ដុល្លារបានហើយ ៕
ចែករំលែកព័តមាននេះ