ប្រទេសថៃ ៖ នៅក្រុងបាងកកពុំមានភ្លៀងឡើយប៉ុន្តែអាជ្ញាធរថៃ គ្រោងបង្កើតភ្លៀងសិប្បនិម្មិត ដើម្បីកម្ចាត់ការបំពុលបរិយាកាសធ្ងន់ធ្ងរដែលវាយប្រហារទីក្រុងនោះ។ រាជធានីថៃប្រឈមមុខនឹងដំណាក់កាលដ៏អាក្រក់មួយនៃការបំពុល ចាប់តាំងពី១ឆ្នាំមកហើយ។ ដោយសារពុំមានខ្យល់បោកបក់និងភ្លៀងធ្លាក់ សំណើមនិងវត្តមាននៃគម្របជួយទប់ខ្យល់ក្ដៅ នៅពីលើរាជធានីថៃ ទើបរារាំងដល់ការបំបាត់ការបំពុលបរិយាកាស។
បែបនេះអាជ្ញាៃថត្រៀមបង្កើតភ្លៀងសិប្បនិម្មិតដោយប្រើល្បាយអំបិលបង្កើតជាពពក។ បច្ចេកទេសនោះតម្រូវឲ្យរោយតាមយន្តហោះបរិមាណអំបិលនិងកាបោនឌីអុកស៊ីតរឹងទៅក្នុងពពក បង្កើតជាដុំទឹកកកហើយនឹងនាំឲ្យមានភ្លៀងធ្លាក់។ បច្ចេកទោសនោះប្រើជាអាវុធបរិយាកាសវិទ្យា ធ្លាប់ត្រូវបានកងទ័ពអាមេរិកប្រើក្នុងសម័យសង្គ្រាមវៀតណាម។ ប្រតិបត្តិការមានឈ្មោះថា POPEYE គឹក្នុងបំណងរោយសារធាតុIODURE D’ARGENTលើមេឃ ដើម្បីឲ្យភ្លៀងបន្តធ្លាក់យូរក្នុងបំណងកុំឲ្យសត្រូវវាយរុលទៅមុខបានឆាប់។
លោកPRALONG DUMRONGTHAI អគ្គនាយកនៃអគ្គនាយកដ្ឋានតស៊ូប្រឆាំងការបំពុលគូសបញ្ជាក់ថា តាមរយៈការប្រើបច្ចេកទេសបង្កើតភ្លៀងសិប្បនិម្មិតនេះ ភ្លៀងអាចធ្លាក់នាថៃ្ងទី១៥មករា ប៉ុន្តែរឿងនោះពឹងផ្អែកលើខ្យល់និងសំណើម។
ក្រុងបាងកកបានប្រើបច្ចេកទេសបង្កើតភ្លៀងសិប្បនិម្មិតក៏ព្រោះតែទីក្រុងនេះ ប្រឈមមុខនឹងកម្រិតនៃការបំពុលខ្ពស់បំផុត៕
ចែករំលែកព័តមាននេះ