រាជធានីភ្នំពេញ ៖ លោក ចាន់ស៊ី ណាវ៉ាត់ត្រា ជាតារាសម្តែងជើងថ្មី ទើបលេចមុខក្នុងជួរល្បៈមួយរយៈនេះប៉ុណ្ណោះ លោកមានគេចាប់អារម្មណ៍ជាបន្តបន្ទាប់ ជាពិសេសការនៅជិតកាយគ្នាជាមួយអ្នកនាង ឆៃលី…
រាជធានីភ្នំពេញ ៖ លោក ចាន់ស៊ី ណាវ៉ាត់ត្រា ជាតារាសម្តែងជើងថ្មី ទើបលេចមុខក្នុងជួរល្បៈមួយរយៈនេះប៉ុណ្ណោះ លោកមានគេចាប់អារម្មណ៍ជាបន្តបន្ទាប់ ជាពិសេសការនៅជិតកាយគ្នាជាមួយអ្នកនាង ឆៃលី ដាឡែន ដែលមិនមែននៅខ្លួនមួយដូចមុន គឺពោលមានប្តី និងកូនទៅហើយ។
អ្នកនាង ឆៃលី ដាឡែន បានចូលរោងការច្រើនឆ្នាំជាមួយប្តីក្មេងមានអាយុប្អូន ហើយក៏ជាតារាសម្តែង និងមានមុខរបរក្រៅសិល្បៈខាងទិញ និងលក់ឡាន។ យ៉ាងណា ចំណងស្នេហ៍រវាងដាឡែន និងស្វាមីនៅរឹងមាំរហូតមានតំណក់ឈាមជាមួយគ្នា។ ក្នុងពេលបែបនេះ ស្រាប់តែលេចចេញនូវភាពស្និតស្នាលជាមួយបុរសថ្មីម្នាក់ ដោយដាឡែន និងបុរសរូបសង្ហាវ័យក្មេងនោះហាក់ជិតដិត រហូតបង្ហោះរូបចេញជាសាធារណៈទៀតផង។
តបនឹងចម្ងល់នេះ តារាសម្ដែង ស៊ីណា វ៉ាត់ត្រា ថ្លែងថា «ខ្ញុំ និងបងឡែន មិនមែនជាបងប្អូនគ្នាទេ តែគាត់រាប់អានខ្ញុំដូចប្អូនបង្កើតអីចឹង។ គាត់ និងខ្ញុំមានស្រុកកំណើតនៅខេត្តបាត់ដំបងជាមួយគ្នា ហើយគាត់ជួយលើកទឹកចិត្ត និងជម្រុញខ្ញុំក្នុងការចូលលេងសិល្បៈ។ ខ្ញុំមកភ្នំពេញគាត់យកឡានមកទទួលខ្ញុំ គេងស្នាក់នៅផ្ទះគាត់ដូចបងប្អូន ឬក្រុមគ្រូសារតែមួយ។ ពេលខ្ញុំថត MV មានពេលខ្លះគាត់ចាំយើងដល់យប់ជ្រៅក៏មាន ព្រោះខ្លាចខ្ញុំមកពីខេត្តអីចឹងពិបាក។ ខ្ញុំមានតែគោរព និងដឹងគុណគាត់មិនអាចភ្លេចបានឡើយ»។
គេចាំបានថា ឆៃលី ដាឡែន ក៏ធ្លាប់ជិះឡានចម្លាយរាប់សិបគីឡូម៉ែត្រពីភ្នំពេញទៅបាត់ដំបងដើម្បីធ្វើខួបកំណើតឲ្យលោកស៊ីណា វ៉ាត់ត្រា ផងដែរ ដែលទឹកចិត្តបែបនេះធ្វើឲ្យតារាស្ដែងរូបនេះកាន់តែគោរពរៀមច្បង អ្នកនាងដាឡែនថែមទៀត រហូតមកដល់ពេលនេះបានប្រកាសមិនភ្លេចគុណតារាកូន១នេះទៀតផង។
ឆៃលីដា ឡែនវិញលើកឡើងថា ឃើញប្អូនណាវ៉ាត់ត្រា គាត់ស្រឡាញ់សិល្បៈ ទើបខំរកទីផ្សារជួយគ្នា ដើម្បីសម្រេចបំណង ហើយរាប់អានដូចបងប្អូន។ យើងគ្មានអ្វីលើសពីនេះ ហើយសប្បាយចិត្តដែលការងារគាត់ប្រសើរជាងមុន។ ចាន់ស៊ី ស៊ីណាវ៉ាត់ត្រា ធ្លាប់មានប្រវត្តិកម្សត់កំព្រាឪពុកតាំងពីនៅផ្ទៃម្ដាយ ហើយក៏ធ្លាប់ទួលនំកងលក់តាមផ្សារផងដែរ ។
ពេលនេះលោកណាវ៉ាត់ត្រា បានហក់ចូលប្រឡូកក្នុងអាជីពសម្ដែងបានដូចបំណង ដោយមានការជម្រុញពីរៀមច្បងអ្នកនាង ឆៃលី ដាឡែន មួយផ្នែកដែរ។ ហើយថ្មីៗនេះដែរតារាសម្ដែងមកពីខេត្តបាត់ដំបងរូបនេះ បានថត MV បទ «អូនដឹង» របស់តារាចម្រៀងធារ៉ានី ធ្វើឲ្យផ្អើលអ្នកលេងបណ្ដាញសង្គមជាខ្លាំង ព្រោះតែមានឈុតស្នេហាស្រើបស្រាលលើគ្រែជាមួយស្រីស្អាត ខ្លឹម ស្រីគា យ៉ាងរោលរាលនោះ៕
ចែករំលែកព័តមាននេះ