ខេត្តសៀមរាប ៖ សម្តេចតេជោហ៊ុន សែន នាយករដ្ឋមន្ត្រីបានលើកឡើងថា ប្រទេសក្នុងតំបន់អាស៊ីប៉ាស៊ីហ្វិករួមទាំងពិភកលោកផងកំពុងប្រឈម និងបញ្ហាសកលដូចជា សង្គ្រាមពាណិជ្ជកម្ម សង្គ្រាមសពា្វវុធ អំពើភាវកម្ម ការជួញដូរឆ្លងដែន ខុសច្បាប់គ្រប់ប្រភេទ ការឆ្លងដែន ការប្រែប្រួលធម្មជាតិ គ្រោះមហន្តរាយធម្មជាតិ អសន្តិសុខ និងភាពក្រីក្រ ដែលកំពុងគម្រាមកំហែងដល់ការអភិវឌ្ឍន៍ប្រកបដោយចីរភាពដល់ប្រទេសនៅលើកពិភពលោក ។
ថ្លែងក្នុងពិធីបើកកិច្ចប្រជុំប្រចាំឆ្នាំនៃវេទិកាសភាអាស៊ី-ប៉ាស៊ីហ្វិក លើកទី២៧ (APPF-27) ដែលធ្វើឡើងនៅសណ្ឋាគារសុខា ខេត្តសៀមរាប នាព្រឹកថ្ងៃទី១៥ មករា សម្តេចតេជោបាន បញ្ជាក់ថា «ដូច្នេះកិច្ចប្រជុំប្រឆាំងលើកទី២៧ នៃវេទិការសភាអាស៊ីប៉ាស៊ីហ្វិក លើកទី២៧នៃ ពេលនេះពិតជាមានសារៈសំខាន់សម្រាប់ប្រទេសនៅក្នុងតំបន់រួមទាំងកម្ពុជាផង ដើម្បីពង្រឹង ភាពជាដៃគូនៃសភាអាស៊ីប៉ាស៊ីហ្វិកឈានទៅសម្រេចបាននូវសន្តិភាព សន្តិសុខ នៃការអភិវឌ្ឍប្រកបដដោយចីរភាព» ។
ការបើកិច្ចប្រជុំនៅពេលនេះក៏ស្របពេលដែលកម្ពុជាទើបតែប្រារព្ធប្រវត្តិសាស្ត្រធំៗ ពីរ គឺខួប៤០ឆ្នាំនៃទិវាទជ័យជំនះ៧មករា ១៩៧៩ -៧មករា ២០១៩ និងខួបលើកទី២០ នៃការបញ្ចប់សង្គ្រាមតាមរយៈនយោបាយឈ្នះឈ្នះ ។ សម្តេចបញ្ជាក់ថា « ជាង៤០ឆ្នាំមុននេះទឹកដីក៏កំសត់នេះយើងខ្ញុំនេះ គឺពោពេញទៅដោយវាលពិឃាតនោះ គឺជារឿងរ៉ាវដែលកើតឡើង កាលពីឆ្នាំជាង៤០ឆ្នាំ ហើយយើងខ្ញុំទើបតែប្រារព្វពិធីរួចហើយដែរ» ។
ជាមួយគ្នានោះដែរសម្តេចក៏បានអរគុណដល់កងទ័ពវៀតណាម ដែលជួយដល់កម្ពុជាក្នុងរំដោះប្រទេស និងប្រជាជនកម្ពុជាឲ្យរួចផុតពីសេចក្តីស្លាប់ផងដែ ។ សម្តេចតេជោក៏បានគូសបញ្ជាក់ថា «កាលពីថ្ងៃទី២៩ ខែធ្នូ ឆ្នាំ២០១៨ យើងទើបតែធ្វើខួបនៃនយោបាយនៃការអនុវត្តនយោបាយនៃការបញ្ចប់សង្គ្រាមទាំងស្រុង ។
ហេតុអ្វីបានជាយើងធ្វើរឿងនេះ ? ក្នុងប្រវត្តិជារបស់កម្ពុជាប្រមាណជា៥០០ឆ្នាំចុងក្រោយនេះគ្មានប្រទេសណាមួយមានតំបន់ត្រួតត្រាមួយនោះទេ ។ យើងតែងតែមានជម្លោះ ហើយជាប្រទេសមួយដែលមានតំបន់ត្រួតត្រាច្រើនមិនតិចជាងពីរក្នុងពេលតែមួយ ។ យើងធ្លាប់មានតំបន់ត្រួតត្រារហូតដល់៤នៅតំបន់តែមួយ យើងធ្លាប់រាជរដ្ឋាភិបាលចំនួនពីរក្នុងពេលតែមួយ ។
ប៉ុន្តែចាប់ពីឆ្នាំ១៩៩៨ មកយើងខ្ញុំបានសម្រេចជាតំបន់ត្រួតត្រាមួយព្រះមហាក្សត្រតែមួយ រាជរដ្ឋាភិបាលតែមួយ និងកងកម្លាំងតែមួយ » ។ ក្នុងវេទិកានោះដែរ សម្តេចក៏បានលើកឡើងពីជំហររបស់កម្ពុជាត្រូវធ្វើយ៉ាងណាឲ្យប្រទេសមានចំណូលខ្ពស់ផងដែរ ។ សម្តេចក៏បានផ្តល់អនុសាសន៍មួយចំនួនដល់វេទិការសភាអាស៊ីប៉ាស៊ីហ្វិកលើកទី២៧ ដើម្បីពិចារណា និងពិភាក្សាគ្នាមួយចំនួនដួចជាទី១- ត្រូវរួមគ្នាយកចិត្តទុកដាក់លើតួនាទីរបស់អង្គការសហប្រជាតិ តួនាទីអាស៊ាន តួនាទីអង្គការមិនមែនរដ្ឋាភិបាល និងវិស័យឯកជនពិសេសគោលដៅអភិវឌ្ឍន៍ប្រកបដោយចីរភាព គ្រោះធម្មជាតិ សន្តិសុខស្បៀង និងការកាត់បន្ថយភាពក្រីក្រ ដែលបានដាក់ចេញដោយអង្គការសហប្រជាជាតិ ។ ទី២- ត្រូវរួមគ្នាលើកកម្ពស់ និងសិទ្ធិ សេចក្តីសេ ភាពថ្លៃថ្នូរបស់មនុស្ស ដែលមានចែងក្នុងរដ្ឋធម្មនុញ្ញរបស់អង្គការហសប្រជាជាតិ និងកតិការផ្សេងៗ ពិសេសមិនជ្រៀតជ្រែកកិច្ចការផ្ទៃក្នុងរបស់ប្រទេសណាមួយ ឬបង្កើតសភាពផ្សេងៗ ដែលបង្កឲ្យមានអស្ថេរភាព និងភាពវឹកវដល់ពិភពលោក ។
ទី៣- ត្រូវរួមគ្នាដោះស្រាយជំលោះដែលកើតឡើងតាមរយៈការចរចាគ្នាដោយសន្តិវិធី ឬដោយ ឈរលើគោលការណ៍ច្បាប់អន្តរជាតិ ឬតាមនយោបាយឈ្នះ ឈ្នះ ដែលទទួលយកបានទាំងអស់ ។ ទី៤- ត្រូវរួមគ្នាទប់ស្កាត់ និងបង្ការឲ្យបានទាន់ពេលវេលា និងមានប្រសិទ្ធភាពនូវអំពើភាវកម្ម និងឧក្រិដ្ឋកម្មឆ្លងដែន គ្រប់ប្រភេទ ការជួញដូរគ្រឿងញៀន ការជូញដូរវត្ថុបុរាណ បទ ល្មើសបច្ចេកវិទ្យា ដែលប៉ះពាល់សង្គមជំងឺឆ្លងគ្រប់ប្រភេទ និងការជួញដួរស្ត្រី និងកុមារ ទី៥- ត្រូវរួមគ្នាលើកកម្កើងវប្បធម៌ តាមរយៈការផ្លាស់ប្តូរបទពិសោធន៍រវាងប្រទេសក្នុងតំបន់ និងប្រទេសលើកពិភពលោក ៕
ចែករំលែកព័តមាននេះ