ខេត្តស្ទឹងត្រែង ៖ រដ្ឋបាលព្រៃឈើបានអះអាងថា រថយន្តដឹកឈើចេញពីរោងចក្រអារកែច្នៃបណ្តោះអាសន្នសេសានកំពុងដំណើរការជាប់ៗគ្នារាល់ថ្ងៃដោយបានអនុវត្តទៅតាមលិខិតអនុញ្ញាតចេញពីមន្ទីរកសិកម្មរុក្ខាប្រមាញ់ និងនេសាទ ក្រោមការវាស់វែងដោយជំនាញរដ្ឋបាលព្រៃឈើ ក្នុងរថយន្តខ្នាតធំត្រឹម១៨ម៉ែត្រគូប ។ គោលដៅដែលបានចេញពីរោងចក្រអារកែច្នៃឈើបណ្តោះអាសន្នសេសានទាំងនោះត្រូវបានចែកចាយទៅតាមបណ្តាខេត្តរាជធានី ។…
ខេត្តស្ទឹងត្រែង ៖ រដ្ឋបាលព្រៃឈើបានអះអាងថា រថយន្តដឹកឈើចេញពីរោងចក្រអារកែច្នៃបណ្តោះអាសន្នសេសានកំពុងដំណើរការជាប់ៗគ្នារាល់ថ្ងៃដោយបានអនុវត្តទៅតាមលិខិតអនុញ្ញាតចេញពីមន្ទីរកសិកម្មរុក្ខាប្រមាញ់ និងនេសាទ ក្រោមការវាស់វែងដោយជំនាញរដ្ឋបាលព្រៃឈើ ក្នុងរថយន្តខ្នាតធំត្រឹម១៨ម៉ែត្រគូប ។ គោលដៅដែលបានចេញពីរោងចក្រអារកែច្នៃឈើបណ្តោះអាសន្នសេសានទាំងនោះត្រូវបានចែកចាយទៅតាមបណ្តាខេត្តរាជធានី ។
តាមការទម្លាយចេញពីផ្ទៃក្នុងថាឈើមូលនិងឈើបួនជ្រុង(ឃ្លុម)នៅរោងចក្រ និងតាមគុម្ពោតព្រៃ សេសសល់ឈើមិនទាន់ដឹកចូលក្មុងក្រុមហ៊ុនបន្ថែមទេ ដោយសារកំពុងដឹកឈើស្របចេញមិនទាន់អស់ ។
ទាក់ទិនការដឹកញ្ជូនឈើចេញពីតំបន់ក្តៅនៃស្រុកសេសានក្បែរទំនប់វ៉ារីអគ្គិសនីសេសានក្រោម២នៅតែជារឿងក្តៅគគុក ព្រោះដឹកចេញមិនចេះអស់ ដែលពុំមានអ្នកតំណាងឬអ្នកចេញមុខមកបកស្រាយដើម្បីបំភ្លឺ សកម្មភាពនោះនៅឡើយទេ ព្រោះពុំអាចទាក់ទងសុំការបំភ្លឺពីមេការ ក៏ដូចជាពីតំណាងក្រុមហ៊ុន ជាពិសេសពុំអាចស្វែងរកសុំការបំភ្លឺពីឧកញ៉ាជ័យបានឡើយ ។
តែសម្រាប់ទិន្នន័យនៃការចរាចរណ៍រថយន្តចាប់តាំងពីថ្ងៃទី៥ មករា រហូតមកទល់ថ្ងៃទី១៤ មករានេះ រថ យន្តវ៉េអង និងរថយន្តយីឌុប ចេញគ្មានថ្ងៃលស់ឡើយសរុបចំនួន១៦០គ្រឿង ។
រដ្ឋបាលព្រៃឈើបានបញ្ជាក់ថា នៅថ្ងៃទី៥ខែមករាឆ្នាំ២០១៩ មានចំនួន១២គ្រឿង ថ្ងៃទី៦ មានចំនួន១៤គ្រឿង ថ្ងៃទី៧ មករាមានចំនួន១៤គ្រឿង ថ្ងៃទី៨ មករា មានចំនួន១៥គ្រឿង ថ្ងៃទី៩ មករា ចំនួន១៦គ្រឿង ថ្ងៃទី១០ មករា ចំនួន១៩គ្រឿង ថ្ងៃទី១១ មករា ចំនួន១៨គ្រឿង ថ្ងៃទី១២ មករា ចំនួន២១គ្រឿង និងថ្ងៃទី១៣ មករាមានចំនួន១០គ្រឿង ថ្ងៃទី១៤ មករា វេលាម៉ោង៥ល្ងាចដឹកចេញ២១គ្រឿងទៀតដែលចំនួនទិន្នន័យនេះសរុបច្រើនពាន់ម៉ែត្រគូប ។
ប្រសិនមានការបំភ្លឺណាមួយពីអ្នកទទួលខុសត្រូវនៃក្រុមហ៊ុន យើងនឹងផ្សាយជូនបន្តទៀត នូវការបំភ្លឺនេះ ។ ដូច្នេះគួរតំណាងក្រុមហ៊ុនមានសេចក្តីក្លាហានបំភ្លឺ តើឈើនេះបានមកពីបាតអាងណា អីក៏ដឹកមិនចេះអស់បែបនេះ ។
ព័ត៌មានពិស្តារមានផ្សាយជូននៅកាសែតកោះសន្តិភាពស្អែកនេះ ។
ចែករំលែកព័តមាននេះ