“ម៉ៃហ្គ្រេន” គឺជាជំងឺឈឺក្បាលដែលមានសភាពធ្ងន់ធ្ងរ ដូច្នេះដើម្បីកាត់បន្ថយអាការៈឈឺក្បាលខាងលើមានមធ្យោបាយមួយចំនួនក្នុងការកាត់បន្ថយ និងព្យាបាល ៖
– គេងឱ្យបានគ្រប់គ្រាន់ ៖ គួរបញ្ជាក់ថា ការមិនបានគេងក៏មានចំណែកក្នុងការជំរុញធ្វើឱ្យអាការៈឈឺក្បាលមានសភាពខ្លាំងក្លាដែរ ។
– គួរសង្កេតមើលពីអាការៈជំងឺ ៖ លោកអ្នកត្រូវសង្កេតមើលពីអាការៈជំងឺក្នុងអំឡុងពេលដំបូងៗថា កើតឡើងដូចម្ដេច? ព្រោះ ការព្យាបាលជំងឺក្នុងពេលដំបូងទទួលបានលទ្ធផលល្អជាងការព្យាបាលក្រោយពីកើតក្នុងរយៈពេលយូរ ។ សូមធ្វើការណែនាំថា នៅពេលណាដែលឈឺក្បាលត្រូវចៀសវាងការមានសំលេងឮខ្លាំងសំរាប់បន្ថយស្ថានភាពតានតឹងដែលអាចធ្វើឱ្យអាការៈជំងឺរើឡើងបាន ។
– ទទួលទានអាហារឱ្យត្រូវនឹងពេល វេលា ៖ ការទទួលទានអាហារមិនត្រូវតាម ពេលវេលា ឬខកខានមិនព្រមទទួលទានក្នុង រយៈពេលខ្លះ អាចធ្វើឱ្យជាតិស្ករក្នុងឈាម ទាប ដែលជាផ្នែកមួយក្នុងការជំរុញដ៏សំខាន់ ធ្វើឱ្យមានការឈឺក្បាលកាន់តែខ្លាំង ។
8កាត់បន្ថយការទទួលទាននំ និងស្ករ ៖ ជាធម្មតាការទទួលទានបង្អែមច្រើន ភេសជ្ជៈ ឬស្ករគ្រាប់ដែលមានជាតិស្ករច្រើនអាចធ្វើឱ្យកំរិតស្ករនៅក្នុងឈាមកើនឡើង ហើយក៏ជំរុញធ្វើឱ្យកើតអាការៈឈឺក្បាលបាន ។
– មិនពិសាភេសជ្ជៈដែលមានសារធាតុអាល់កុល (ស្រា) ៖ ភេសជ្ជៈទាំងនេះរួមមាន ស្រា ស្រាបៀរ ដែលមានចំណែកជួយជំរុញ ធ្វើឱ្យការឈឺក្បាលកើនឡើងខ្ពស់
បាន ។
– ត្រូវចេះយកថ្នាំបំបាត់ការឈឺក្បាលរក្សាទុកជាប្រចាំ ៖ នៅតាមផ្ទះរបស់លោកអ្នកមិនគួរបណ្ដែតបណ្ដោយឱ្យអស់ថ្នាំបំបាត់ការឈឺក្បាលឡើយ ។ ប្រសិនបើលោកអ្នកធ្វើដំណើរជាប្រចាំត្រូវមានថ្នាំបំបាត់ការឈឺក្បាលដាក់ជាប់នឹងខ្លួន ៕
ចែករំលែកព័តមាននេះ