រាជធានីភ្នំពេញ : នៅព្រឹកថ្ងៃទី១៤ មករានេះ អ្នកសារព័ត៌មានកោះសន្តិភាពបាននាំអំណោយជាថវិការបស់សប្បុរសជនជូនដល់ដៃស្ត្រីដែលឆ្លងទន្លេតាមផ្លូវកាលពីរំលងអធ្រាត្រឈានថ្ងៃទី១៣ ខែមករា ហើយត្រូវបានបញ្ជូនទៅមន្ទីរពេទ្យកាល់ម៉ែត។
ថវិកាដែលឧបត្ថម្ភដល់ស្ត្រីដែលឆ្លងទន្លេតាមផ្លូវនេះបានមកពីលោកសេង គី លក់ទាខ្វៃនៅច្បារអំពៅ ចំនួន១០ម៉ឺនរៀល និងលោកទុយ ប៊ុនរី អ្នកកាសែតកោះសន្តិភាព ចំនួន៤ម៉ឺនរៀលផងដែរ ។
ស្ត្រីដែលឆ្លងទន្លេនៅតាមផ្លូវត្រូវបានគេស្គាល់ឈ្មោះអ៊ុក ធារី អាយុ២៧ឆ្នាំ ស្រុកកំណើតនៅភូមិពង្រ ឃុំតព្រៃ ស្រុកបារាយ ខេត្តកំពង់ធំ ស្នាក់ផ្ទជួលសង្កាត់បឹងកក់១ ខណ្ឌទួលគោក ។
នៅព្រឹកថ្ងៃទី១៤ ខែមករា ឆ្នាំ២០១៩ នេះ គេមិនបានឃើញប្តី និងសាច់ញាតិរបស់ស្ត្រីម្នាក់នេះមកជួយថែនោះទេ ។
បន្ទាប់ពីទទួលបានអំណោយជាថវិកាខាងលើ ស្ត្រីទើបឆ្លងទន្លេខាងលើបានលើកដៃប្រណមថ្លែងអំណរគុណដល់ម្ចាស់អំណោយផងដែរ ៕
ចែករំលែកព័តមាននេះ