លួងលោមស្ត្រីម្ចាស់បំណុលមកព្រៃចេករួចធ្វើសកម្មភាព…
- តាកែវ
ហេតុការណ៍នេះបានកើតឡើងកាលពីវេលាម៉ោង៤និង២៥នាទីរសៀលថ្ងៃទី១២ ខែមករា ឆ្នាំ២០១៩ នៅភូមិតាអូរខាងត្បូង ឃុំតាអូរ ស្រុកគិរីវង់ ខេត្តតាកែវ ។ លោកវរសេនីឯក យ៉ុគ…
ហេតុការណ៍នេះបានកើតឡើងកាលពីវេលាម៉ោង៤និង២៥នាទីរសៀលថ្ងៃទី១២ ខែមករា ឆ្នាំ២០១៩ នៅភូមិតាអូរខាងត្បូង ឃុំតាអូរ ស្រុកគិរីវង់ ខេត្តតាកែវ ។ លោកវរសេនីឯក យ៉ុគ…
ខេត្តតាកែវ ៖ ស្រី្តម្នាក់បានរងរបួសធ្ងន់ដោយសារទៅទារលុយពីជនសង្ស័យម្នាក់ដែលជាកូនបំណុល ហើយត្រូវជនសង្ស័យជាកូនបំណុលកាប់ដាច់ស្លឹកត្រចៀកខាងស្ដាំ និងវាយ៣ខ្នងកំបិតធ្វើអោយរងរបួសយ៉ាងធ្ងន់ធ្ងរ ត្រូវបានក្រុមគ្រួសារដឹកយកមកព្យាបាលនៅនឹងមន្ទីពេទ្យបង្អែកស្រុក ចំណែកជនសង្ស័យក៏ត្រូវប៉ូលិសឃាត់ខ្លួនកសាងសំណុំរឿងបញ្ជូនមកកាន់ការិយាល័យព្រហ្មទណ្ទកំរិតស្រាលខេត្តដើម្បីចាត់ការតាមច្បាប់។
ហេតុការណ៍នេះបានកើតឡើងកាលពីវេលាម៉ោង៤និង២៥នាទីរសៀលថ្ងៃទី១២ ខែមករា ឆ្នាំ២០១៩ នៅភូមិតាអូរខាងត្បូង ឃុំតាអូរ ស្រុកគិរីវង់ ខេត្តតាកែវ ។
លោកវរសេនីឯក យ៉ុគ សារ៉ាត់ អធិការនគរបាលស្រុកគីរីវង់បានអោយដឹងថា ជនសង្ស័យឈ្មោះ យុង ដុស ភេទប្រុស អាយុ៤៣ឆ្នាំ ។ ចំណែកជនរងគ្រោះឈ្មោះ ម៉ៅ គឹមហឿន ហៅ(ប៉ិច) ភេទស្រី អាយុ៥៨ឆ្នាំ រស់នៅភូមិឃុំកើតហេតុខាងលើ បានរងរបួសធ្ងន់ ។
លោកអធិការស្រុកគិរីវង់ បានបញ្ជាក់ថា មុនពេលកើតហេតុ ស្ត្រីរងគ្រោះបានទៅទារប្រាក់ដែលជនសង្ស័យជំពាក់ចំនួន ៣៦៥០០រៀល ហើយជនសង្ស័យក៏បានលួងលោមស្ត្រីរងគ្រោះឲ្យទៅកាប់ចេកពីរនាក់នៅខាងក្រោយផ្ទះ ភ្លាមៗនោះជនសង្ស័យក៏ធ្វើសកម្មភាពកាប់ស្ត្រីរងគ្រោះ បណ្តាលឱ្យដាច់ស្លឹកត្រចៀកខាងស្តាំ និងវាយក្បាលពីក្រោយចំនួន៣ខ្នងកាំបិត និងវាយត្រូវកញ្ចឹងកពីក្រោយចំនួន៣ដំបងទៀតផងដែរ ។
ក្រោយពេលកើតហេតុ ស្ត្រីរងគ្រោះត្រូវបានក្រុមគ្រួសារដឹកបញ្ជូនទៅសង្គ្រោះនៅមន្ទីរពេទ្យ ចំណែកជនសង្ស័យត្រូវសមត្ថកិច្ចចាប់ខ្លួនតែម្តង ។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ខ្លួនពិតជាបានយកកាំបិតកាប់ បណ្តាលឱ្យដាច់ស្លឹកត្រចៀកជនរងគ្រោះប្រាកដមែន ដោយសារខ្លួនមិនទាន់មានលុយសង ហើយស្ត្រីរងគ្រោះចេះតែមកទារលុយដដែលៗ ទើបទ្រាំលែងបាន ក៏លួងលោមស្ត្រីរងគ្រោះមកកាប់ក្នុងព្រៃចេកតែម្តងទៅ ។
លោកវរសេនីយ៍ឯក យ៉ុង់ ញីវ នាយការិយាល័យព្រហ្មទណ្ទកំរិតស្រាលខេត្តបានអោយដឹងថា ជនសង្ស័យរួមនឹងវត្ថុតាងត្រូវបានកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់ ៕
ចែករំលែកព័តមាននេះ