ភ្នំពេញ៖ ស្ត្រីម្នាក់បានធ្វើពិធីជប់លៀងបន្តិចបន្តួចនៅផ្ទះ ដោយហៅមិត្តភក្តិ៥ទៅ៦នាក់មកចូលរួមផងដែរ ស្របពេលកំពុងសប្បាយស្រាប់តែប្អូនប្រុសបង្កើតបានអុកឡុក ព្រោះខឹងស្ត្រីជាបងស្តីអោយរឿងបើកធុងបាស់ឮសំឡេងខ្លាំង បានលើកធុងទឹកកកគប់ និងលើកតុដែលមានភ្ញៀងកំពុងហូបបំបះចោល បង្កឱ្យមានការភ្ញាក់ផ្អើលកាលពីម៉ោង៨និង៣០នាទីយប់ថ្ងៃទី១២ មករា ២០១៩…
ភ្នំពេញ៖ ស្ត្រីម្នាក់បានធ្វើពិធីជប់លៀងបន្តិចបន្តួចនៅផ្ទះ ដោយហៅមិត្តភក្តិ៥ទៅ៦នាក់មកចូលរួមផងដែរ ស្របពេលកំពុងសប្បាយស្រាប់តែប្អូនប្រុសបង្កើតបានអុកឡុក ព្រោះខឹងស្ត្រីជាបងស្តីអោយរឿងបើកធុងបាស់ឮសំឡេងខ្លាំង បានលើកធុងទឹកកកគប់ និងលើកតុដែលមានភ្ញៀងកំពុងហូបបំបះចោល បង្កឱ្យមានការភ្ញាក់ផ្អើលកាលពីម៉ោង៨និង៣០នាទីយប់ថ្ងៃទី១២ មករា ២០១៩ នៅក្នុងភូមិប៉ប្រក់ខាងជើងកាកាប១ ខណ្ឌពោធិ៍សែនជ័យ។
ជនបង្កឈ្មោះ ឃឹម សុភា ហៅ ប៉េ អាយុ២៨ឆ្នាំ មុខរបរមិនពិត ស្នាក់នៅភូមិ ប៉ប្រក់ខាងជើង កាកាប១ ខណ្ឌ ពោធិ៍សែនជ័យ។
ចំណែកស្ត្រីជាបងឈ្មោះ ឃឹម សុជាតិ អាយុ៣៧ឆ្នាំ មុខរបរមេផ្ទះ ស្នាក់នៅភូមិប៉ប្រក់ខាងជើង កាកាប១ ខណ្ឌពោធិ៍សែនជ័យ។
ប្រភពពីស្ត្រីជាបង និងជាដើមបណ្តឹងបានឲ្យដឹងថា មុនកើតហេតុ គាត់បានជួបជុំបងប្អូន និងហៅមិត្តភក្តិ៦ទៅ៧នាក់មកចូលរួមជប់លៀងបន្តិចបន្តួចនៅផ្ទះ ពេលកំពុងហូបចុក ស្រាប់តែប្អូនប្រុសបានទៅបើកសំឡេងធុងបាស់ឮខ្លាំង ពេលនោះគាត់ក៏ស្តីអោយ ធ្វើអោយប្អូនប្រុស ខឹងបានលើកធុងទឹកកកគ្រវាត់គប់សំដៅមកលើគាត់តែខុស និងលើកតុដែលមានភ្ញៀងកំពុងហូបបំបះចោល ដោយទ្រាំនឹងទង្វើប្អូនប្រុសខាងលើលែងបាន គាត់ក៏មកប្តឹងសមត្ថកិច្ចអោយចុះមកឃាត់ខ្លួនប្អូនប្រុសដើម្បីយកទៅធ្វើការសាកសួរនៅប៉ុស្តិ៍តែម្តង។
ប្រភពដដែលបានបន្តថា ប្អូនប្រុសរបស់គាត់ជាមនុស្សប្រើប្រាស់គ្រឿងញៀន ហើយកន្លងមកតែងតែរក
រឿងវាយបំផ្លិចបំផ្លាញទ្រព្យសម្បត្តិក្នុងផ្ទះជាញឹកញាប់ ប៉ុន្តែឪពុកម្តាយរបស់គាត់ចិត្តមិនដាច់ ពីព្រោះមានកូនប្រុសតែម្នាក់ និងជាកូនពៅផង តែលើកនេះដោយសារទង្វើដដែលៗទើបទៅប្តឹងសមត្ថកិច្ចឱ្យឃាត់ខ្លួនតែម្តង។
បច្ចុប្បន្នបុរសជាជនបង្កខាងលើត្រូវបានសមត្ថកិច្ចឃាត់ខ្លួនបណ្តោះអសន្ននៅអធិការដ្ឋាននគរបាលខណ្ឌពោធិ៍សែនជ័យ ៕
ចែករំលែកព័តមាននេះ