ខេត្តបាត់ដំបង ៖ បើតាមសេចក្តីរាយការណ៍បឋមពីសមត្ថកិច្ចបានប្រាប់ឱ្យដឹងថា បុរសម្នាក់ត្រូវបានគេប្រទះឃើញចង.កសម្លាប់ខ្លួនជាប់នឹងដើមទឹកដោះគោ បង្កឱ្យមានការភ្ញាក់ផ្អើលកាលពីម៉ោង៥ល្ងាច ថ្ងៃទី១២ ខែមករា ឆ្នាំ២០១៩ ស្ថិតនៅក្នុងភូមិចុងប្រឡាយ ឃុំតាលាស់ ស្រុកមោងឫស្សី។
សេចក្តីរាយការណ៍បន្តថា ជនរងគ្រោះខាងលើឈ្មោះ ជឹម ធាយ ភេទប្រុស អាយុ៤៨ឆ្នាំ បានធ្វើអត្តឃាតចង.កសម្លាប់ខ្លួន។ សមត្ថកិច្ចបានប្រាប់បន្តថា ជនរងគ្រោះបានយកខ្សែគោមកចង.កជាប់នឹងមែនដើមទឹកដោះគោ នៅក្បែរផ្ទះរបស់ខ្លួន ហើយត្រូវបងប្អូនបានសន្និដ្ឋានថា អាចកើតឡើង បន្ទាប់ពីជនរងគ្រោះត្រឡប់មកពីឃ្វាលគោវិញ។
បើតាមក្រុមគ្រួសារក៏បានអះអាងប្រាប់សមត្ថកិច្ចថា កន្លងមក ជនរងគ្រោះធ្លាប់មានជំងឺសរសៃប្រសាទ ហើយថ្មីៗនេះ ជនរងគ្រោះតែងមានជំងឺឈឺក្បាល រហូតទៅឲ្យគ្រួពេទ្យពិនិត្យទៀតផង ប៉ុន្តែមុនកើតហេតុនេះមួយថ្ងៃ ជនរងគ្រោះបានបង្ករឿងជាមួយបងប្អូននៅក្នុងផ្ទះយ៉ាងខ្លាំង លុះនៅល្ងាចថ្ងៃទី១២ ខែមករា ស្រាប់តែមានរឿងនេះកើតឡើងតែម្ដង៕
ចែករំលែកព័តមាននេះ