រាជធានីភ្នំពេញ ៖ ស្ត្រីអនាថាវ័យជាង៣០ឆ្នាំម្នាក់ បានឈឺពោះសម្រាលកូនស្រីនៅតាមដងផ្លូវត្រូវប្រជាពលរដ្ឋធ្វើដំណើរនៅតាមដងផ្លូវឃើញជួយ និងហៅរថយន្តសង្គ្រោះដឹកសង្គ្រោះបន្ទាន់នៅមន្ទីរកាលម៉ែត្រ ។ ហេតុការនេះបង្កឲ្យមានការភ្ញាក់ផ្អើល កាលពីវេលាម៉ោង១២និង០០នាទីយប់រំលងអធ្រាត្រឈានចូលថ្ងៃទី១៣ ខែមករា ឆ្នាំ២០១៨…
រាជធានីភ្នំពេញ ៖ ស្ត្រីអនាថាវ័យជាង៣០ឆ្នាំម្នាក់ បានឈឺពោះសម្រាលកូនស្រីនៅតាមដងផ្លូវត្រូវប្រជាពលរដ្ឋធ្វើដំណើរនៅតាមដងផ្លូវឃើញជួយ និងហៅរថយន្តសង្គ្រោះដឹកសង្គ្រោះបន្ទាន់នៅមន្ទីរកាលម៉ែត្រ ។ ហេតុការនេះបង្កឲ្យមានការភ្ញាក់ផ្អើល កាលពីវេលាម៉ោង១២និង០០នាទីយប់រំលងអធ្រាត្រឈានចូលថ្ងៃទី១៣ ខែមករា ឆ្នាំ២០១៨ ស្ថិតនៅតាមបណ្តោយផ្លូវ៣១៥កែង និងផ្លូវ៥១៦ ជាប់ និងផ្សារធីខេ ក្នុងសង្កាត់បឹងកក់១ ខណ្ឌទួលគោក ។
តាមប្រភពពីសន្តិសុខម្នាក់ដែលយាមនៅក្បែរកន្លែងកើតហេតុបានឲ្យបានឲ្យដឹងថា ស្ត្រីអនាថាដែលបានសម្រាលកូននៅតាមដងផ្លូវនោះមិនស្គាល់អត្តសញ្ញាណនោះទេ ដឹងតែមានវ័យប្រមាណជាង៣០ឆ្នាំ ។
ប្រភពដដែលបានបន្តទៀតថា មុនកើតហេតុរូបគាត់បានឃើញស្ត្រីខាងលើនេះបានធ្វើដំណើរដោយថ្មើជើង តាមបណ្តោយផ្លូវ៥១៦ ទិសដៅពីកើតទៅលិចមកឈប់អង្គុយនៅចំណុចកើតហេតុខាងលើ ហើយបានត្អូញត្អែរថា រូបគាត់ឈឺពោះណាស់ ខណៈនោះក៏មានប្រជាពលរដ្ឋដែលធ្វើដំណើរតាមដងផ្លូវឃើញហេតុការបាននាំមកជួយសសង្គ្រោះជាបឋមសិន រួចបានសម្រាលកូនស្រីមួយដ៏ស្រស់ស្អាតម្នាក់ផងដែរ ។ បន្ទាប់មករង់ចាំរថយន្តសង្គ្រោះមកដឹកជនរងគ្រោះទៅសង្គ្រោះបន្តទៀត ។
អ្វីគួរឲ្យសរសើរនោះ គឺមាននារីវ័យក្មេងរូបស្រស់ដូចតារាម្នាក់បានបើករថយន្តលុចស៊ីសស៊េរីទំនើប៣៣០មួយគ្រឿង មកឈប់ជួយសង្គ្រោះដោយមិនខ្លាច និងរអើមនោះទេ ធ្វើប្រជាពលរដ្ឋក៏ដូចជា មហាជនជាច្រើនដែលបានមកឈប់មើលមានការកោតសរសើរទៅលើនារីវ័យរូបស្រស់នោះផងដែរ ។ បន្ទាប់មកប្រជាពលរដ្ឋបានទំនាក់ទំនងទៅសមត្ថកិច្ចមូលដ្ឋានក៏ដូចរថយន្តសង្គ្រោះបន្ទាន់ផងដែរ ។
ក្រោយកើតហេតុសមត្ថកិច្ចមូលដ្ឋានបានចុះមកដល់ និងហៅរថយន្តសង្គ្រោះបន្ទាន់គ្លីនិ0ករស្មីបានមកជួយដឹកជនរងគ្រោះយកទៅសង្គ្រោះនៅឯមន្ទីរពេទ្យកាលម៉ែត្របន្ត ដោយរថយន្តសង្គ្រោះមន្ទីរពេទ្យរស្មីមិនមានឧបករណ៍សង្គ្រោះគ្រប់គ្រាន់ ៕
ចែករំលែកព័តមាននេះ