ខេត្តបន្ទាយមានជ័យ ៖ យ៉ាងហោចណាស់ក៏មានសិស្សានុសិស្សចំនួន១៤០នាក់ នៃសាលាបឋមសិក្សា ប៉ោយសំរោង ឃុំព្រះនេត្រព្រះ ស្រុកព្រះនេត្រព្រះ មានអការឈឺពោះ និងរាគបន្ទាប់ពីបរិភោគបាយកញ្ចប់រួច ។ ហេតុការបង្កឲ្យមានការភ្ញាក់ផ្អើលនេះបានកើតឡើងនៅវេលាម៉ោង៨និង១២នាទីយប់ថ្ងៃទី១១ ខែមករា ឆ្នាំ២០១៩ ។
លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះបានឲ្យដឹងថា នៅរសៀលថ្ងៃទី១១ ខែមករា ឆ្នាំ២០១៩ វេលាម៉ោង២និង១២រសៀល មានជនជាតិកូរ៉េ មកធ្វើកម្មវិធីប្រគល់បន្ទប់អនាម័យជូនសាលាបឋមសិក្សាប៉ោយសំរោង សិស្សានុសិស្សចំនួន២៨៧នាក់ ស្រី១២៥នាក់ និងម្ចាស់ជំនួនជាជនជាតិកូរ៉េចំនួ២៤នាក់ ប្រុស១២នាក់ ក្នុងពេលកម្មវិធីនេះមានចែកអាហារបាយកញ្ចប់ក្នុងនោះមានសាច់ជ្រូកចៀន និងទឹក១ដប ។
លុះដល់ម៉ោង៨និង១២នាទីយប់ ថ្ងៃដដែលមានក្មេងៗដែលទទួលទានអាហារនោះមានជម្ងឺឈឺពោះ និងរាគចំនួន១៤០នាក់ ហើយអ្នកខ្លះបានហូបបាយដែរមានអារម្ភភ័យក្រែងមានអាការក្មេងទាំង១៤០នាក់នោះផងដែរ ។
លោកអធិការបានបន្តថា ក្រោយពីកើតហេតុកម្លាំងនគរបាលស្រុកព្រះនេត្រព្រះបាននាំយករថយន្តបញ្ជូនទៅមន្ទីពេទ្យស្រុកព្រះនេត្រព្រះ និងកម្លាំងនគរបាលខេត្តបាននាំយករថយន្តជួយដឹកក្មេងទាំងនោះមកព្យាបាលនៅមន្ទីពេទ្យបង្អែកស្រុកព្រះនេត្រព្រះ ដើម្បីឲ្យគ្រពេទ្យពិនិត្យ និងបានត្រឡប់ទៅផ្ទះវិញ៩០នាក់ ដាក់សេរ៉ូមដេកនៅពេទ្យ៥០នាក់ មកទល់នឹងថ្ងៃទី១២ ខែមករា ឆ្នាំ២០១៩ គឺនៅសល់តែ១៨នាក់ កំពុងសំរាកព្យាបាលនៅមន្ទីពេទ្យអ្នកទាំងអស់នោះ ។
ចំពោះបញ្ហាបង្កឲ្យក្មេងៗទាំងនោះមានអាការមិនស្រួលខ្លួននោះនៅមិនទាន់ដឹងនៅឡើយទេ ព្រោះខាងមន្ត្រីពេទ្យស្រុកបាននាំយកចំណីអាហារទាំងនោះទៅធ្វើការពិសោធន៍ខេត្ត នៅមិនទាន់ដឹងពីលទ្ធផលនៅឡើយ ។ ហើយក្មេងៗរងទាំងនោះមានទីលំនៅភូមិប៉ោយសំរោង និងភូមិប៉ោយសំរោង ឃុំព្រះនេត្រព្រះ ស្រុកព្រះនេត្រព្រះ ៕
ចែករំលែកព័តមាននេះ