រឿងដែលស្វាមីគួរតែធ្វើពេលដែលប្រពន្ធមានផ្ទៃពោះ ។
1.អ្នកគួរតែកំដរប្រពន្ធអ្នកទៅពិនិត្យពោះគ្រប់ពេល នៅពេលដែលដល់ថ្ងៃត្រូវពិនិត្យ ដោយអ្នកមិនគួរទុកឲ្យប្រពន្ធទៅម្នាក់ឯងឡើយ ព្រោះអាចមានគ្រោះថ្នាក់ ហើយក៏ជាការមិនទទួលខុសត្រូវមួយដែរ ។
2.ក្រោយពេលដែលប្រពន្ធមានផ្ទៃពោះ អារម្មណ៍របស់នាងអាចនឹងប្រែប្រួលមិននឹងនឡើយ ដោយអាចឆេវឆាវ និងឆាប់មួលម៉ៅខ្លាំងណាស់ ។ ដូចនេះក្នុងនាមជាស្វាមីម្នាក់ គួរតែចេះអត់ធ្មត់ និងអធ្យាស្រ័យ ហើយយល់ចិត្តភរិយា ទើបមិនមានជម្លោះកើតឡើងច្រើន ។
3.អ្នកគួរតែគ្រប់គ្រងប្រដាប់ភេទអ្នកឲ្យបានល្អ ដោយមិនគួរព្រោះតែប្រពន្ធមិនអាចបំពេញបំណង ហើយរត់ទៅរកស្រីផ្សេងឡើយ ។ អ្នកគួរតែយល់ចិត្តប្រពន្ធអ្នក ព្រោះគេខំពពោះយ៉ាងធំ ដើម្បីបង្កើតកូនឲ្យអ្នក ។ ដូចនេះអ្នកមិនគួរព្រោះតែនាងពោះធំ ហើយលួចមានស្រីផ្សេងឡើយ ។
4.ក្នុងថ្ងៃដែលប្រពន្ធសម្រាលកូន អ្នកគួរតែផ្តល់ស្នាមថើបមួយដល់នាងក្រោយពេលដែលកូនចេញមកឃើញពិភពខាងក្រៅ ដោយអរគុណនាងដែលបានពុះពារនឹងភាពឈឺគ្រប់ប្រភេទដើម្បីបង្កើតកូនចេញមក ។
5.ក្រោយពេលដែលកើតកូនចេញមករួច អ្នកគួរតែជួយមើលថែទាំកូន ដោយមិនគួរទុកឲ្យតែប្រពន្ធមើលឡើយ ព្រោះនាងអស់កម្លាំង និងអស់ឈាមច្រើន ទើបកូនអាចចេញមកក្រៅ។ ដូចនេះ អ្នកគួរតែជួយមើលថែទាំកូន ដើម្បីជួយសម្រាលបន្ទុកនាងខ្លះ ។
6.ក្រោយពេលដែលសម្រាលកូនរួច រូបរាងរបស់ប្រពន្ធអាចនឹងប្រែប្រួលបន្តិច ឬច្រើន ប៉ុន្តែសុទ្ធតែព្រោះតែចង់បង្កើតកូនឲ្យអ្នកទើបប្រែជាបែបនេះ ។ ដូចនេះអ្នកមិនគួរព្រោះតែគេមិនស្អាតដូចមុន ហើយចាប់ផ្តើមធុញ ទៅរកស្រីស្អាតផ្សេងឡើយ ។ អ្នកគួរតែបន្តផ្តល់ក្តីស្រឡាញ់ចំពោះនាង និងកូន ទើបអាចកសាងបានគ្រួសារដែលកក់ក្តៅ និងមានសុភមង្គល ។ (ស្រង់ពីគេហទំព័រសុខភាព) ៕
ចែករំលែកព័តមាននេះ