ប្រទេសបារាំង ៖ ក្នុងសេចក្ដីប្រកាសមួយរដ្ឋមន្ត្រីការពារប្រទេសបារាំង លោកស្រី FLORENCE PARLY បានប្រកាសនាថ្ងៃទី១០ មករាថា សមាជិកក្រុមយានិក២នាក់ របស់យន្តហោះប្រដេញទម្លាក់គ្រាប់បែកបារាំង…
ប្រទេសបារាំង ៖ ក្នុងសេចក្ដីប្រកាសមួយរដ្ឋមន្ត្រីការពារប្រទេសបារាំង លោកស្រី FLORENCE PARLY បានប្រកាសនាថ្ងៃទី១០ មករាថា សមាជិកក្រុមយានិក២នាក់ របស់យន្តហោះប្រដេញទម្លាក់គ្រាប់បែកបារាំង ធុន MIRAGE 2000D មួយគ្រឿង ដែលធ្លាក់នៅភាគខាងកើតបារាំងបានត្រូវស្លាប់។
លោកស្រី FLORENCE PARLY បន្តថា ប្រតិបត្តិការតាមរុករក យន្តហោះ MIRAGE 2000D នោះដែលបាត់ដាន កាលពីព្រឹកថ្ងៃទី៩ មករា នាំទៅដល់ការអះអាងពីការស្លាប់របស់អ្នកទាំង២ គឺអនុសេនីយ៍ឯក BAPTISTE CHARIE និងអនុសេនីយ៍ទោ AUDREY MICHELON។ លោកស្រីថា មូលហេតុពិតប្រាកដនៃគ្រោះថ្នាក់នោះ នៅមិនទាន់កំណត់ច្បាស់នៅឡើយ។
លោកស្រី FLORENCE PARLY នាថៃ្ងទី១១មករា បានទៅកាន់មូលដ្ឋានអាកាសចរណ៍ NANCY OCHEY ជាមូលដ្ឋានរបស់យន្តហោះនោះ។ លោកស្រីទៅកាន់ទីនោះអមដំណើរដោយ នាយសេនាធិការកងទ័ពអាកាស ឧត្ដមសេនីយ PHILIPPE LAVIGNE។
យន្តហោះទម្លាក់គ្រាប់បែកមានមុខងារច្រើននោះ បានបាត់ដានពីអេក្រង់រ៉ាដា នាវេលាម៉ោង១១ព្រឹក ថ្ងៃទី៩ មករា ពេលកំពុងហោះហើរហ្វឹកហ្វឺន ក្នុងកម្ពស់ទាបពីលើជួរភ្នំ JURASSIEN។ បំណែកយន្តហោះព្រមទាំងក្រណាត់ឆ័ត្រយោង ត្រូវបានរកឃើញនៅតំបន់ព្រៃJURA ដែលពិបាកចូលទៅ៕
ចែករំលែកព័តមាននេះ