ប្រទេសចិន ៖ អ្នកជំនាញការនិងជានាយទាហានជាន់ខ្ពស់ម្នាក់នៃកងម៉ារីនចិនអះអាងកាលពីថ្ងៃទី៩មករាថា ចិនត្រូវការនាវាផ្ទុកយន្តហោះយ៉ាងតិច៣គ្រឿង ដើម្បីការពារឆ្នេរសមុទ្រ ក៏ដូចជាផលប្រយោជន៍របស់ខ្លួននៅឯបរទេស ព្រមទាំងបញ្ជៀសការលុកលុយដែនដីរបស់ខ្លួន។ អ្នកជំនាញការរូបនេះលោកZHANG JUNSHEនិយាយថា ប្រទេសរបស់យើងមានដែនដីជាប់សមុទ្រប្រវែងដល់ទៅ១៨.០០០គីឡូម៉ែត្រ។…
ប្រទេសចិន ៖ អ្នកជំនាញការនិងជានាយទាហានជាន់ខ្ពស់ម្នាក់នៃកងម៉ារីនចិនអះអាងកាលពីថ្ងៃទី៩មករាថា ចិនត្រូវការនាវាផ្ទុកយន្តហោះយ៉ាងតិច៣គ្រឿង ដើម្បីការពារឆ្នេរសមុទ្រ ក៏ដូចជាផលប្រយោជន៍របស់ខ្លួននៅឯបរទេស ព្រមទាំងបញ្ជៀសការលុកលុយដែនដីរបស់ខ្លួន។
អ្នកជំនាញការរូបនេះលោកZHANG JUNSHEនិយាយថា ប្រទេសរបស់យើងមានដែនដីជាប់សមុទ្រប្រវែងដល់ទៅ១៨.០០០គីឡូម៉ែត្រ។ លើសពីនេះទៀតសេដ្ឋកិច្ចរបស់យើង ងាកទៅក្រៅប្រទេសហើយផលប្រយោជន៍របស់យើងនៅបរទេសកាន់តែមានទំហំធំឡើង។ ច្បាស់ណាស់ដោយសារការអភិវឌ្ឍន៍សេដ្ឋកិច្ច យើងត្រូវបង្កើនចំនួននាវាផ្ទុកយន្តហោះរបស់យើង។
បច្ចុប្បន្នចិនមាននាវាផ្ទុកយន្តហោះតែមួយគត់ ហើយកំពុងតែកសាងនាវាផ្ទុកយន្តហោះមួយទៀតដែលធំជាងមុន។ កាលពីមុនកាសែតចិនNANFANG DUSHIBAOធ្លាប់រាយការណ៍ថា នាវាផ្ទុកយន្តហោះចិនទី២ចាប់កសាងហើយ រួចចិនគ្រោងកសាងនាវាធុននោះ២គ្រឿងទៀត។ នាវាផ្ទុកយន្តហោះទី២នោះរបស់ចិនកសាងនៅឯការដ្ឋាននាវា នៃកំពង់ផែធំDALIAN ភាគឦសានប្រទេស។ ការកសាងនាវាផ្ទុកយន្តហោះនោះត្រូវប្រើពេល៦ឆ្នាំ។ កាលពីខែកញ្ញាឆ្នាំ២០១២ចិនបានដាក់ឲ្យប្រើប្រាស់ នាវាផ្ទុកយន្តហោះដំបូងរបស់ខ្លួនឈ្មោះLIAONINGដែលមានបណ្ដោយ៣០០ម៉ែត្រ៕
ចែករំលែកព័តមាននេះ