ខេត្តបន្ទាយមានជ័យ ៖ មន្ត្រីកាំកុងត្រូលចុះពិនិត្យដេប៉ូលក់ប្រេងរកឃើញមានលក់បន្លំគុណភាព និងមិនគ្រប់លីត្រហើយតម្លៃខុសគ្នាត្រូវបានកសាងសំណុំរឿងបញ្ជូនទៅតុលាការធ្វើការពិនិត្យនៅថ្ងៃទី០៩ ខែមករា ឆ្នាំ២០១៩ នៅតាមបណ្តោយផ្លូវជាតិលេខ៦ស្ថិតក្នុងសិរីសោភ័ណ ។
លោក មាន ចំណាប់ អនុប្រធាននាយកដ្ឋានកិច្ចការការពារអ្នកប្រើប្រាស់ និងការក្លែងបន្លំបានប្រាប់ថា ដោយមានការណែនាំពីរដ្ឋមន្ត្រីក្រសួងពាណិជ្ជកម្ម និងនាយកដ្ឋានកាំកុងត្រូលក្រុមមន្ទីពិសោធន៍ចល័តនៃនាយកដ្ឋានកាំកុងត្រូលបានសហការជាមួយមន្ត្រីសាខាកាំកុងត្រូលខេត្តនិងមន្ត្រីមន្ទីពាណិជ្ជកម្មខេត្តបានចុះពិនិត្យដេប៉ូលក់ប្រេងក្នុងខេត្តបន្ទាយមានជ័យហើយជាក់ស្តែងចុះពិនិត្យរយៈពេលកន្លះថ្ងៃបានចំនួន៦កន្លែងតាមបណ្តោយផ្លូវជាតិលេខ៦ក្នុងសិរីសោភ័ណ ។
លោកបានបញ្ជាក់ថា ការចុះពិនិត្យពិសោធន៍ដេប៉ូលក់ប្រេងចំនួន៦កន្លែងមាន ៖
ទី១-ដេប៉ូតេលាកែវ គន្ធាស៊ូលីស លក់សាំងបន្លំគុណភាពលក់សាំងស៊ុបពែរតែចាក់សាំងធម្មតាដែលមានម្ចាស់ឈ្មោះ សាន ស្រីមុំ ភេទស្រី (ដេប៉ូតេលានៅខាងលិចស្ពានទី១) ស្ថិតភូមិចកសង្កាត់ព្រះពន្លា ក្រុងសិរីសោភ័ណ ។
ទី២-ស្ថានីយ៍ប្រេងសាខាក្រុមហ៊ុន (LHR) លក់សាំងបន្លំគុណភាពដោយលក់សាំងស៊ុបពែរតែចាក់សាំងធម្មតាក្នុង១០០លីត្រចាក់ខ្វះ៤ទៅ៦លីត្រ ម្ចាស់ដេប៉ូឈ្មោះ តុន ចាន់ថន ភេទប្រុស នៅខាងលិចស្ពានទី១ស្ថិតភូមិ-សង្កាត់កំពង់ស្វាយ ក្រុងសិរីសោភ័ណ ។
ទី៣-ដេប៉ូតេលា មករា លីលី លក់សាំងបន្លំគុណភាពលក់សាំងស៊ុបពែរតែចាក់សាំងធម្មតាចាក់សាំង១០០លីត្រខ្វះជាង១លីត្រ ម្ចាស់ដេប៉ូឈ្មោះ គន់ ឈួន ភេទប្រុស នៅខាងកើតស្ពានទី១ ស្ថិតភូមិ-សង្កាត់កំពង់ស្វាយ ក្រុងសិរីសោភ័ណ ។
ទី៤-ដេប៉ូតេលា ភ្លន់ លាងហ៊ុន លក់សាំងតាមគុណភាពល្អ តែសាំងចំណុះ១០០លីត្រសាំងស៊ុបពែរខ្វះជិត១លីត្រ និងសាំងធម្មតាខ្វះ៣-៤លីត្រ នៅខាងកើតស្ពានទី១ស្ថិតភូមិចកសង្កាត់ព្រះពន្លា ក្រុងសិរីសោភ័ណ ។
ទី៥-ដេប៉ូតេលា ស៊ីម ឃីម កម្រិតសាំងត្រឹមត្រូវតែសាំង១០០លីត្រប្រភេទសាំងស៊ុបពែរបាត់២លីត្រសាំងធម្មតាបាត់២លីត្រ ម៉ាស៊ូតបាន២,១លីត្រ ស្ថិតភូមិសាលាក្រៅសង្កាត់ភ្នៀត ក្រុងសិរីសោភ័ណ និងទី៦-ដេប៉ូតាលា ម៉ៅ សាម៉ន កម្រិតសាំងត្រឹមត្រូវតែចាក់១០០លីត្រ សាំងស៊ុបពែរបាត់ជិត១លីត្រ និងសាំងធម្មតាបាត់១លីត្រ ដែលស្ថិតភូមិសាលាក្រៅសង្កាត់ភ្នៀតក្រុងសិរីសោភ័ណ ។
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យបានបញ្ជាក់ថាក្រោយពេលមន្ទីចល័តនាយកដ្ឋានកាំកុងត្រូលចុះពិនិត្យស្ថានីយ៍និងដេប៉ូប្រេងក្នុងខេត្តបន្ទាយមានជ័យដែលធ្វើរយៈពេលកន្លះថ្ងៃតាមបណ្តោយផ្លូវជាតិលេខ៦ស្ថិតក្នុងក្រុសិរីសោភ័ណ បានពិនិត្យរកឃើញក្នុងចំណោមដេប៉ូលក់ប្រេងចំនួន៦កន្លែងមានលក់បន្លំគុណភាពលក់តម្លៃសាំងស៊ុបពែរតែលក់សាំងធម្មតាមានចំនួន៣កន្លែង និងលក់សាំងដែលមិនគ្រប់ចំណុះក្នុង១០០លីត្របាត់ចំណុះពី២ទៅ៣លីត្រ ហើយតម្លៃសាំងខុសគ្នាដូចសាំងស៊ុបពែរក្នុង១លីត្រមានដេប៉ូខ្លះលក់តម្លៃ៣៤០០រៀលទៅ៣៥០០រៀល និងសាំងធម្មតា១លីត្រតម្លៃ៣១០០រៀលទៅ៣២០០រៀល និងម៉ាស៊ូត១លីត្រតម្លៃ២៨០០រៀលទៅ២៩០០រៀល ។
លោកបានបញ្ជាក់ថា ក្រោយពេលចុះពិនិត្យដេប៉ូលក់ប្រេងក្នុងខេត្តបន្ទាយមានជ័យត្រឹមតែកន្លះថ្ងៃពិនិត្យបានចំនួន៦កន្លែងរកឃើញមានដេប៉ូលក់ប្រេងដែលលក់បន្លំគុណភាពប្រេង និងលក់ប្រេងមិនគ្រប់ចំណុះលក់តម្លៃខុសគ្នាតាមការកំណត់ដែលជាអំពើល្មើសនឹងច្បាប់ហើយធ្លាប់បានណែនាំ និងធ្វើកិច្ចសន្យាម្តងជាពីរដងហើយមិនព្រមរាងចាលត្រូវបានកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់ ៕
ចែករំលែកព័តមាននេះ