រាជធានីភ្នំពេញ ៖ សេចក្តីរាយការណ៍បានបន្តឱ្យដឹងទៀតថា ការពិត មាននារីម្នាក់បានសម្រេចចិត្តចង
.ក ធ្វើអត្តឃាតសម្លាប់ខ្លួនឯងនៅក្នុងបន្ទប់គេងផ្ទាល់ខ្លួន ហើយត្រូវបានអ្នកបម្រើប្រទះឃើញ ក៏ស្រែកផ្អើលឆោឡោតែម្តង និងបានរាយការណ៍សមត្ថកិច្ចមូលដ្ឋានចុះមកពិនិត្យកាលពីព្រឹកថ្ងៃទី១០ មករា នេះ នៅចំណុចផ្ទះច្នៃត្បូង និងលក់គ្រឿងអលង្ការយីហោ «សៀក លីម លក់ត្បូង និងគ្រឿងអលង្ការ» តាមបណ្តោយផ្លូវលេខ៤៥០ ខាងត្បូងផ្សារទួលទំពូង ក្នុងសង្កាត់ទួលទំពូងទី១ ខណ្ឌចំការមន រាជធានីភ្នំពេញ ។
សេចក្តីរាយការណ៍បន្តថា នារីរងគ្រោះខាងលើ ឈ្មេាះ អៀន រ័ត្នឆវី អាយុ២៨ឆ្នាំ ជាបុគ្គលិកនៅសាលារៀឯកជនមួយ ស្នាក់នៅក្នុងចំណុចកើតហេតុខាងលើ ។
ប្រភពបន្តថា បច្ចុប្បន្ននារីរងគ្រោះស្នាក់នៅផ្ទះកើតហេតុ ដែលមានសមាជិកតែ៣នាក់ប៉ុណ្ណេាះ គឺនាង និងឈ្នួលបម្រើ២នាក់ផ្សេងទៀត ដែលជាមនុស្សស្រីដូចគ្នា ។ ចំណែកម្តាយឪពុកនិងបងប្អូនរបស់នាង គឺរស់ក្នុងខណ្ឌពោធិ៍សែនជ័យឯណេាះ ។ ប្រភពបន្តថា កាលពីយប់មុនកើតហេតុមួយថ្ងៃ នាង(នារីរងគ្រោះ)បានទៅលេងផ្ទះម្តាយឪពុកនៅបែកចាន ហើយក៏ត្រឡប់មកផ្ទះវិញជាធម្មតា ។
ប៉ុន្តែពេលនាងត្រឡប់មកវិញ គឺមានទឹកមុខហាក់ស្រងូតស្រងាត់ខ្លាំងណាស់ ។ ហើយឃើញនាងបានដើរចូលទៅក្នុងបន្ទប់នៅជាន់ក្រោមបាត់ទៅ ។ លុះវេលាព្រឹកឡើង ដោយអ្នកនៅក្នុងផ្ទះចម្លែកមិនឃើញនាងចេញពីបន្ទប់នោះ ក៏ទៅបើកទ្វារបន្ទប់ចូលមើល ស្រាប់តែប្រទះឃើញនាងចង.កនឹងត្រយឹងមាត់បង្អួចស្លាប់បាត់ទៅហើយ ។
ភ្លាមៗ កម្លាំងនគរបាលមូលដ្ឋាន រួមទាំងមន្ត្រីជំនាញបានចុះអន្តរាគមន៍ ដើម្បីធ្វើកោសល្យវិច្ច័យពិនិត្យលើសាកសព ។ ក្រោយការពិនិត្យយ៉ាងល្អិតល្អន់រួចមក មន្ត្រីសមត្ថកិច្ចជំនាញបញ្ជាក់ថា សពពិតជាត្រូវស្លាប់ដោយការចង.កសម្លាប់ខ្លួនឯងប្រាកដមែន ពំុមែនជាករណីឃាតកម្មទេ ។
ជំុវិញករណីចង.កធ្វើអត្តឃាតខាងលើនេះ ពំុមានប្រភពច្បាស់ការណ៍ណាមួយអះអាងឱ្យដឹងពីមូលហេតុនោះទេ។
ចែករំលែកព័តមាននេះ