សង្គ្រាមពាណិជ្ជកម្មអាមេរិក-ចិន ធ្វើឱ្យ Samsung ឈឺចាប់មិនចាញ់ Apple
សារព័ត៌មាន Bloomberg បានចេញផ្សាយកាលពីថ្ងៃទី៨ មករា កន្លងមកថា ប្រាក់ចំណេញ និងប្រាក់ចំណូលប្រចាំត្រីមាសរបស់ក្រុមហ៊ុន Samsung Electronics Co.…
សារព័ត៌មាន Bloomberg បានចេញផ្សាយកាលពីថ្ងៃទី៨ មករា កន្លងមកថា ប្រាក់ចំណេញ និងប្រាក់ចំណូលប្រចាំត្រីមាសរបស់ក្រុមហ៊ុន Samsung Electronics Co.…
សារព័ត៌មាន Bloomberg បានចេញផ្សាយកាលពីថ្ងៃទី៨ មករា កន្លងមកថា ប្រាក់ចំណេញ និងប្រាក់ចំណូលប្រចាំត្រីមាសរបស់ក្រុមហ៊ុន Samsung Electronics Co. ទាបជាងការគិតទុកព្រោះតែការធ្លាក់ចុះនៃតម្រូវការឈីបមេម៉ូរីក្នុងអំឡុងពេល៣ខែចុងក្រោយនាឆ្នាំ២០១៨កន្លងមកនេះ ។
យោងតាមទិន្នន័យដំណាក់កាលដំបូងដែលបានចេញកាលពីថ្ងៃអង្គារមកថា ប្រាក់ចំណូលរបស់Samsung បានធ្លាក់ចុះមកស្មើ៩,៦ប៊ីលានដុល្លារប្រចាំត្រីមាសទី៤ នាឆ្នាំ២០១៨កន្លងមកនេះ ។
ការអន់ថយនៃទំនាក់ទំនងរវាងសហរដ្ឋអាមេរិក និងប្រទេសចិន ដែលជាទីតាំងនាំចេញធំជាងគេទាំងពីររបស់ Samsung បានប៉ះពាល់ដល់តម្រូវការមេម៉ូរីសម្រាប់កុំព្យូទ័រ និងឧបករណ៍យកតាមខ្លួនជាដើម ដែលដាក់សម្ពាធដល់ក្រុមហ៊ុនកំពុងព្យាយាមជំរុញដល់អាជីវកម្មស្មាតហ្វូន ។
លោក Song Myung-sup អ្នកវិភាគនៅក្រុមហ៊ុន Hi Investment & Securities Co. បាននិយាយថា ៖« វាគឺជារឿងគួរឲ្យភ្ញាក់ផ្អើលមួយ ។ មិនត្រឹមត Apple ទេ សូម្បីតែក្រុមហ៊ុនផលិតស្មាតហ្វូន Serve និងកុំព្យូទ័រផ្ទាល់ខ្លួនក៏មិនទិញដែរ ។ ខណៈដែលសង្គ្រាមពាណិជ្ជកម្មរវាងសហរដ្ឋអាមេរិក និងប្រទេសចិននៅបន្តកើតមានឡើង អតិថិជនទាំងពីរនឹងមិនចំណាយថវិកាក្នុងកម្រិតបច្ចុប្បន្នទេ ហើយ Samsung ជួបសម្ពាធក្នុងការកាត់តម្លៃឈីបផងដែរ» ។
ប្រាក់ចំណូលប្រចាំត្រីមាសទី៤បានធ្លាក់ចុះប្រមាណ១១% ឬពី៥៧ប៊ីលានដុល្លារមកស្មើ ៥៣ប៊ីលានដុល្លារ ។
Samsung បាននិយាយថា ប្រាក់ចំណូលរបស់ពួកគេនឹងបន្តមានកម្រិតនៅឡើយក្នុងអំឡុង៣ខែដំបូងនាឆ្នាំនេះ ព្រោះតែស្ថានការណ៍មិនល្អសម្រាប់មេម៉ូរី ប៉ុន្តែអត្រាចំណេញនឹងកើនឡើងវិញនៅឆមាសទី២ ព្រោះទីផ្សារនឹងល្អប្រសើរឡើងវិញ មានការប្រើ CPU ថ្មី និងការចេញលក់ស្មាតហ្វូនថ្មីៗជាដើមផងដែរ ។
ទោះជា Samsung នាំមុខគេក្នុងផ្នែកលក់ស្មាតហ្វូនពិតមែន ក្រុមហ៊ុននេះក៏កំពុងតែទទួលរងសម្ពាធពីក្រុមហ៊ុនចិនដូចជា Huawei Technologies Co. ផងដែរ ។ Samsung កំពុងសង្ឃឹមលើទូរស័ព្ទដែលអាចបត់បានក្នុងឆ្នាំនេះ រួមទាំង Galaxy S10 ផងដែរ ៕
ចែករំលែកព័តមាននេះ