នៅទីបំផុតគូប្រកួតប្រជែងពាណិជ្ជកម្មផ្នែកបច្ចេកវិទ្យាអេឡិចត្រូនិកពិភពលោក គឺ AppleនិងSamsung បានងាកមកញញឹមដាក់គ្នាហើយ បន្ទាប់ពីប្ដឹងប្ដល់គ្នាប្រមាណជាង១០ឆ្នាំមកនេះជុំវិញការជះទឹកដាក់គ្នាថា បានលួចគំនិត ឬប៉ាតង់ជាដើម ។ យោងតាមសេចក្តីរាយការណ៍របស់ទីភ្នាក់ងារសារព័ត៌មាន CNBC…
នៅទីបំផុតគូប្រកួតប្រជែងពាណិជ្ជកម្មផ្នែកបច្ចេកវិទ្យាអេឡិចត្រូនិកពិភពលោក គឺ AppleនិងSamsung បានងាកមកញញឹមដាក់គ្នាហើយ បន្ទាប់ពីប្ដឹងប្ដល់គ្នាប្រមាណជាង១០ឆ្នាំមកនេះជុំវិញការជះទឹកដាក់គ្នាថា បានលួចគំនិត ឬប៉ាតង់ជាដើម ។
យោងតាមសេចក្តីរាយការណ៍របស់ទីភ្នាក់ងារសារព័ត៌មាន CNBC ចេញផ្សាយកាលពីថ្ងៃអាទិត្យ បានឲ្យដឹងថា ក្រុមហ៊ុន Apple បានប្រកាសពីការចាប់ដៃគូជាមួយនឹងក្រុមហ៊ុន Samsung ។
មិនយូរប៉ុន្មាន អ្នកប្រើប្រាស់ទូរទស្សន៍ Smart TVរបស់Samsung នឹងអាចចូលប្រើសេវាកម្ម iTunes movie និងប៉ុស្តិ៍ទូរទស្សន៍ដទៃបាន ។ AirPlay 2 ក៏នឹងអនុញ្ញាតឲ្យអ្នកប្រើប្រាស់ iPhone និង iPad បង្ហាញស្គ្រីនខ្លួនលើទូរទស្សន៍ទាំងនោះបានដែរ ។
ការប្រកាសនេះបង្ហាញមកថា Apple កំពុងតែផ្លាស់ប្តូរហើយ ខណៈដែលពួកគេកំពុងតែធ្វើការកាន់តែជិតដិតជាមួយនឹងដៃគូធំជាងគេរបស់ខ្លួន ។
ប្រមាណ១០ឆ្នាំមកនេះ ក្រុមហ៊ុនទាំងពីរបានប្រកួតប្រជែងគ្នាក្នុងការគ្រប់គ្រងទីផ្សារ ដោយមានSamsung ភាគច្រើនជាប់ចំណាត់ថ្នាក់លេខ១ ប៉ុន្ដែក្នុងពេលថ្មីៗនេះ ក្រុមហ៊ុន Huawei ក៏បានដណ្តើមចំណាត់ថ្នាក់មកលេខ២ដែរ និងកំពុងប្រកៀកប្រកិតជាមួយ Samsung ។
ក្រុមហ៊ុនទាំងពីរបានប្រឆាំងគ្នាក្នុងតុលាការអស់ជាច្រើនឆ្នាំមកហើយ ដោយមាន Apple ចោទប្រកាន់ដល់ក្រុមហ៊ុន Samsung ថាលួចគំនិត និងល្មើសប៉ាតង់ជាដើម ។
ជាមួយគ្នានេះផងដែរ Samsung ផ្គត់ផ្គង់គ្រឿងសំខាន់ៗដល់Appleដូចជាស្គ្រីន និង Hardwareផ្សេងៗសម្រាប់ឧបករណ៍ជាច្រើនដូចជា iPhone និង iPad ។
ក្នុងរយៈពេលប៉ុន្មានឆ្នាំមកនេះ Apple បានផ្តោតកាន់តែខ្លាំងឡើងលើអាជីវកម្មផ្តល់សេវារបស់ខ្លួន ខណៈដែលការលក់ iPhone មានការអន់ថយ ។ Apple មិនទាន់បានប្រកាសទេ ប៉ុន្តែពួកគេអាចនឹងចាប់ផ្តើមផ្តល់សេវាកម្មខាងលើក្នុងឆ្នាំនេះ ។
ការចាប់ដៃគូជាមួយនឹង Samsung អាចជួយឲ្យសេវាកម្មនេះកាន់តែមានភាពទាក់ទាញទាំងសម្រាប់អ្នកដែលមិនប្រើថាប្លេតឬទូរស័ព្ទរបស់ iPhone ៕
ចែករំលែកព័តមាននេះ