រាជធានីភ្នំពេញ៖ បុរសជនជាតិចិនជាថៅកែហាងលក់ស្ពេត្រូម្នាក់ត្រូវបានគេប្រទះឃើញដេកស្លាប់ក្នុងមុងទាំងអាក្រាតកាយ ។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១និង៣០នាទីរសៀលថ្ងៃទី៩ ខែមករា ឆ្នាំ ២០១៩ នៅចំណុចហាងលក់ស្តេត្រូយីហោ ភ្នំមាស ភ្នំប្រាក់ខនស្ត្រាក់សិនមេធៀរៀលឯ.ក…
រាជធានីភ្នំពេញ៖ បុរសជនជាតិចិនជាថៅកែហាងលក់ស្ពេត្រូម្នាក់ត្រូវបានគេប្រទះឃើញដេកស្លាប់ក្នុងមុងទាំងអាក្រាតកាយ ។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១និង៣០នាទីរសៀលថ្ងៃទី៩ ខែមករា ឆ្នាំ ២០១៩ នៅចំណុចហាងលក់ស្តេត្រូយីហោ ភ្នំមាស ភ្នំប្រាក់ខនស្ត្រាក់សិនមេធៀរៀលឯ.ក ស្ថិតនៅផ្ទះលេខ ១៨១ និង១៨៣ ផ្លូវ១០១៥ ក្នុងភូមិបាយាប សង្កាត់ភ្នំពេញថ្មី ខណ្ឌសែនសុខ ។
នគរបាលបានអោយដឹងថា ជនរងគ្រោះដែលស្លាប់ឈ្មោះ YAN WEI QUAN ភេទប្រុស អាយុ៥៦ឆ្នាំ ជាជនជាតិចិន ស្នាក់នៅកន្លែងកើតហេតុខាងលើ ។
តាមនគរបាលមូលដ្ឋានបានអោយដឹងថា នៅមុនពេលកើតហេតុ មិត្តភក្តិរបស់ជនរងគ្រោះបានទូរស័ព្ទ ទៅជនរងគ្រោះនោះចូល តែមិនលើក ហើយមិត្តភក្តិរបស់ជនរងគ្រោះក៏បានធ្វើដំណើរទៅហាងខាងលើ ក៏បានគាស់ទ្វារ និងវាយបំបែកកញ្ចក់ចូលទៅជាន់ទី២ដែលជាកន្លែងដេករបស់ជនរងគ្រោះ ស្រាប់តែប្រទះឃើញជនរងគ្រោះដេកទាំងអាក្រាតកាយក្នុងមុងតែម្តង ។
ទោះបីជាយ៉ាងណា គេពុំដឹងថា ជនរងគ្រោះស្លាប់តាំងពីពេលណានោះទេ ភ្លាមៗនោះក៏បានប្រាប់អ្នកជិតខាងរាយការណ៍មកសមត្ថកិច្ចចុះទៅត្រួតពិនិត្យ។
តាមនគរបាលជំនាញបានអោយដឹងថា ជនរងគ្រោះស្លាប់ដោយសារតែគាំងបេះដូង ។ នៅមុនពេលស្លាប់ ជនរងគ្រោះក៏បានដោះអាវ ស្រាតខោទុកក្បែរខ្លួន រួចក៏បានចូលទៅដេក ហើយបណ្តាលឱ្យគាំងបេះដូង ស្លាប់ទាំងអាក្រាតកាយ ។ សពត្រូវបាននគរបាលបញ្ជូនទៅតម្កល់នៅវត្តស្ទឹងមានជ័យ ដើម្បីរង់ចាំបងប្អូន មកទទួលយកទៅធ្វើបុណ្យតាមប្រពៃណី៕
ចែករំលែកព័តមាននេះ