ប្រទេសហ្គាបុង ៖ ការប៉ុនប៉ងធ្វើរដ្ឋប្រហារនៅប្រទេសហ្គាបុង ពីសំណាក់ក្រុមទាហានមួយក្ដាប់តូច កាលពីថ្ងៃទី៧មករាត្រូវបរាជ័យ។ នាយទាហានចូលរួមធ្វើ្វរដ្ឋប្រហារ៧នាក់បានត្រូវចាប់ខ្លួន ហើយ២នាក់បានត្រូវសម្លាប់។ រដ្ឋប្រហារនោះធ្វើឡើងពេលអវត្តមានរបស់ប្រធានាធិបតីដែលមានជំងឺទៅព្យាបាលឯប្រទេសម៉ារ៉ុក ចាប់តាំងពី១ខែកន្លះមកហើយ រួចរដ្ឋាភិបាលធានារ៉ាប់រងកិច្ចការប្រចាំថ្ងៃរបស់ប្រទេស។…
ប្រទេសហ្គាបុង ៖ ការប៉ុនប៉ងធ្វើរដ្ឋប្រហារនៅប្រទេសហ្គាបុង ពីសំណាក់ក្រុមទាហានមួយក្ដាប់តូច កាលពីថ្ងៃទី៧មករាត្រូវបរាជ័យ។ នាយទាហានចូលរួមធ្វើ្វរដ្ឋប្រហារ៧នាក់បានត្រូវចាប់ខ្លួន ហើយ២នាក់បានត្រូវសម្លាប់។
រដ្ឋប្រហារនោះធ្វើឡើងពេលអវត្តមានរបស់ប្រធានាធិបតីដែលមានជំងឺទៅព្យាបាលឯប្រទេសម៉ារ៉ុក ចាប់តាំងពី១ខែកន្លះមកហើយ រួចរដ្ឋាភិបាលធានារ៉ាប់រងកិច្ចការប្រចាំថ្ងៃរបស់ប្រទេស។ វិមានប្រធានាធិបតីប្រកាសថា ប្រមុខកងកុំម៉ង់ដូអនុសេនីយទោONDO OBIANG KELLY មេបញ្ជាការរងនៃកងឆ្មាំសាធារណរដ្ឋ ទទួលបន្ទុកការពារវិមានប្រធានាធិបតីបានត្រូវចាប់ខ្លួន ហើយសមាជិកកងកុំម៉ង់ដូនោះ២នាក់បានត្រូវសម្លាប់។
ទាហានមួយក្រុមកាលពីព្រឹកថ្ងៃទី៧មករាលេចមុខនៅវិទ្យុនិងទូរទស្សន៍ជាតិ ដោយអំពាវនាវឲ្យមានការបះបោរ រួចប្រកាសពីការបង្កើតនាពេលខាងមុខក្រុមប្រឹក្សាជាតិស្ដារឡើងវិញនៃលទ្ធិប្រជាធិបតេយ្យ។
យោងតាមវិមានប្រធានាធិបតីថា ប្រមុខក្រុមបះបោរត្រូវចាប់ខ្លួន ហើយសភាពការណ៍ស្ថិតក្រោមការត្រួតត្រា។ កងកម្លាំងសន្តិសុខលុកចូលដណ្ដើមកាន់កាប់អគារវិទ្យុ ហើយបាញ់សម្លាប់សមាជិក២នាក់របស់ក្រុមបះបោរនិងរំដោះបណ្ដាចំណាប់ខ្មាំង។
អ្នកនាំពាក្យរដ្ឋាភិបាល លោកGUY BERTRAND MAPANGOUថ្លែងថា កងកម្លាំងសន្តិសុខត្រូវបានដាក់ពង្រាយ ហើយព្រំដែនប្រទេសនៅតែបើក។ អ្នកនាំពាក្យរូបនោះនិយាយថាទាហានប្រមាណជា១០នាក់ប៉ុណ្ណោះ ចូលរួមក្នុងការប៉ុនប៉ងធ្វើរដ្ឋប្រហារ។
អង្គការសហភាពអាហ្វ្រិកUAបានថោ្កលទោសយ៉ាងម៉ឺងម៉ាត់ ចំពោះការប៉ុនប៉ងធ្វើរដ្ឋប្រហារ ដោយអះអាងពីការបដិសេធទាំងស្រុងរាល់ការផ្លាស់ប្ដូរអំណាចក្រៅរដ្ឋធម្មនុញ្ញ៕
ចែករំលែកព័តមាននេះ