នាងអាឌ្រៀន កូឡេស៊័រ(Adrienne Koleszar) អាយុ៣៤ឆ្នាំប៉ូលិសអាល្លឺម៉ង់ មានរហស្សនាមថាជាប៉ូលិសស្រស់ស្អាត និងសិចស៊ីបំផុតនៅក្នុងប្រទេស បានត្រឡប់ទៅបម្រើការងារវិញ ក្រោយពីមានបញ្ជាឲ្យផ្អាកពីការងារ និងទុកពេលឲ្យគិតគូរឡើងវិញគួរជ្រើសយកការងារប៉ូលិស ឬធ្វើជាតារាម៉ូដដោយសារនាងជាមនុស្សម្នាក់ពូកែខាងបង្ហោះរូបតាមInstagram ។
ក្រោយពីសម្រាកអស់រយៈពេល៦ខែ នាងអាឌ្រៀន កូឡេស៊័រ ក៏បានបង្ហោះវីដេអូឃ្លីបកាលពីថ្ងៃចូលឆ្នាំសាកល បានបញ្ជាក់ថានាងលាពីការងារដោយមិនបានទទួលប្រាក់ខែ តាំងពីថ្ងៃទី១ កក្កដា២០១៨ និងចំណាយពេលធ្វើដំណើរទេសចរណ៍នៅជុំវិញពិភពលោក ហើយក៏បានសម្រេចពីអនាគតរបស់ខ្លួន ។
កាលពីថ្ងៃទី២ មករាកន្លងមកនាងបានបង្ហាញរូបក្នុងឯកសណ្ឋានប៉ូលិស ដោយបញ្ជាក់ថា«បានមកបម្រើការងារវិញ» ។
នាងអាឌ្រៀន កូឡេស័រ បានពិភាក្សាជាមួយលោកប្រធានប៉ុស្ដិ៍កាលពីខែធ្នូកន្លងមក ហើយលោកប្រធានបានរំលឹកឲ្យបន្ថយការបង្ហោះរូបថត និងវីដេអូឃ្លីបក្នុងInstagram ប្រសិនបើវិលមកបម្រើការជាប៉ូលិសវិញ ។ ក្នុងរយៈពេលផ្អាកពីការងារ៦ខែនោះ នាងបានធ្វើដំណើរទៅទីកន្លែង ផ្សេងៗទាំងនៅក្រុងម៉ៃអាមី ញូវយ៉ក ឌូបៃ ក្រុងអាំស្ទែដាំ និងខេបថោន ហើយក៏សម្រេចចិត្តបម្រើការជាប៉ូលិសវិញ ៕
ចែករំលែកព័តមាននេះ