ក្រុងហុងកុង ៖ បើតាមប៉ូលិសបានរាយការណ៍ឱ្យដឹងថា នាវាដឹកប្រេងមួយគ្រឿងត្រូវបានភ្លើងឆាបឆេះ នាថ្ងៃទី៨ មករា ២០១៩ ក្នុងដែនទឹកក្រុងហុងកុង ហើយមានសេចក្ដីរាយការណ៍ពីមនុស្សម្នាក់ស្លាប់ក្នុងគ្រោះថ្នាក់នោះ។
អ្នកនាំពាក្យម្នាក់របស់ប៉ូលិសក្រុងហុងកុង បានបញ្ជាក់ថា មនុស្ស២១នាក់អាចជួយសង្គ្រោះ ក្រោយពីពួកគេលោតចូលក្នុងទឹកសមុទ្រ។ ចំណែកមនុស្សជាច្រើននាក់រងរបួសដោយសាររលាកភ្លើង។ គេពុំដឹងថា តើមានមនុស្សបាត់ខ្លួនដែរឬយ៉ាងណាឡើយ?
ប៉ូលិសក្រុងហុងកុងបានផ្សាយរូបភាព មួយនៃនាវានោះដែលកំពុងឆាបឆេះបញ្ចេញពពកផ្សែងយ៉ាងខ្មៅខ្មួល។ ប៉ូលិសបញ្ជាក់ថា បានទទួលនាចុងពេលព្រឹក ព័ត៌មាននានាពីការផ្ទុះឆេះនាវាដឹកប្រេង១គ្រឿង នាភាគខាងត្បូងកោះឡាមម៉ា ដែលស្ថិតនៅភាគនិរតីកោះហុងកុង។ ពលរដ្ឋហុងកុងម្នាក់និយាយថា ខ្ញុំបានស្ដាប់ឮស្នូរផ្ទុះខ្លាំងជាច្រើនដែលនាំឲ្យខ្ទរកញ្ចក់ផ្ទះ។
នាវាដឹកប្រេងនោះមានឈ្មោះAULAC FORTUNE ដែលមកដល់ឡាមម៉ាខាងត្បូង នាវេលាម៉ោង២និង៥៨នាទីរំលងអធ្រាត្រ។ នាវានោះមានលេខចុះបញ្ជីនៅវៀតណាម ហើយចាកចេញនាថ្ងៃទី៧មករា ពីកំពង់ផែឧស្សាហកម្ម DONGGUANភាគខាងត្បូចិន៕
ចែករំលែកព័តមាននេះ