ខេត្តបន្ទាយមានជ័យ ៖ កម្លាំងកងរាជអាវុធហត្ថបានចុះប្រតិបត្តិការបង្ក្រាបឃាត់ខ្លួនជនសង្ស័យប្រុស-ស្រី២នាក់ដកហូតវត្ថុតាងគ្រឿងញៀនខេទឹកកកជាង១គីឡូក្រាមត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី០៧ ខែមករា ឆ្នាំ២០១៩ ។ ជនសង្ស័យប្រុស-ស្រី២នាក់មានទី១-ឈ្មោះ ប៊ិក សែនសុវណ្ណ ភេទប្រុស…
ខេត្តបន្ទាយមានជ័យ ៖ កម្លាំងកងរាជអាវុធហត្ថបានចុះប្រតិបត្តិការបង្ក្រាបឃាត់ខ្លួនជនសង្ស័យប្រុស-ស្រី២នាក់ដកហូតវត្ថុតាងគ្រឿងញៀនខេទឹកកកជាង១គីឡូក្រាមត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី០៧ ខែមករា ឆ្នាំ២០១៩ ។
ជនសង្ស័យប្រុស-ស្រី២នាក់មានទី១-ឈ្មោះ ប៊ិក សែនសុវណ្ណ ភេទប្រុស អាយុ៣៩ឆ្នាំ រស់នៅភូមិអាចារ្យលាក់ សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ និងទី២-ឈ្មោះ ពេជ្រ រដ្ឋា ភេទស្រី អាយុ២៣ឆ្នាំ បុគ្គលិកកាស៊ីណូ ស្នាក់នៅភូមិក្បាលស្ពានមួយ សង្កាត់-ក្រុងប៉ោយប៉ែត ។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យបានប្រាប់ថា នៅពេលឃាត់ខ្លួនជនសង្ស័យប្រុស-ស្រីខាងលើ គឺលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យបានដឹកនាំកម្លាំងកងរាជអាវុធហត្ថខេត្តបន្ទាយមានជ័យបានសហការជាមួយកម្លាំងកងរាជអាវុធហត្ថក្រុងប៉ោយប៉ែតចុះប្រតិបត្តិការបង្ក្រាបឃាត់ខ្លួនជនសង្ស័យប្រុស-ស្រី២នាក់ និងរឹបអូសវត្ថុតាងគ្រឿងញៀនប្រភេទមេតំហ្វេតាមីនហៅខេទឹកកក១កញ្ចប់ ដែលមានទម្ងន់១.០១៥,២ក្រាម និងទូរស័ព្ទ២គ្រឿង និងសម្ភារពាក់ព័ន្ធបទល្មើសមួយចំនួនទៀតដែលឃាត់កាលពីវេលាម៉ោង៣រសៀលថ្ងៃទី០៦ ខែមករា ឆ្នាំ២០១៩ នៅភូមិសាមគ្គី សង្កាត់-ក្រុងប៉ោយប៉ែត ។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបានបញ្ជាក់ថា ក្រោយពេលឃាត់ខ្លួនជនសង្ស័យប្រុស-ស្រី២នាក់ និងវត្ថុងតាងគ្រឿងញៀនខេទឹកកកជាង១គីឡូក្រាមក្រោយពេលសាកសួរហើយបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់ ៕
ចែករំលែកព័តមាននេះ