ខេត្តបន្ទាយមានជ័យ ៖ ឈ្មួញនាំចេញធ្យូងក្នុង១ថ្ងៃរាប់រយតោនចូលទៅថៃរត់ការបង់លុយអោយមន្ត្រីស្ថាប័នពាក់ព័ន្ធក្នុងរថយន្តដឹកធ្យូង១គ្រឿងតម្លៃ៧៥០០ទៅ៨០០០បាត(ប្រាក់ថៃ)នៅច្រកតំបន់ព្រំដែនបឹងត្រកួន ស្ថិតនៅឃុំបន្ទាយមានរិទ្ធិ ស្រុកថ្មពួក ។
ជាក់ស្តែងនៅថ្ងៃទី០៧ ខែមករា ឆ្នាំ២០១៩ បានឃើញមានស្តង់ និងឃ្លាំងដាក់ធ្យូងចំនួន៣កន្លែង មាន២កន្លែងជារបស់លោក យាយ ស៊ីនួន ដែលមានធ្យូងរាប់រយតោន និងមួយកន្លែងទៀតឈ្មោះ បារាំង ដែលមានធ្យូងរាប់រយតោនស្ថិតឃុំបន្ទាយមានរិទ្ធ ស្រុកថ្មពួក ។
ព័ត៌មានបានដឹងពីឈ្មួញដែលនាំចេញទៅថៃតាមច្រកតំបន់ព្រំដែនបឹងត្រកួន(ស្រុកថ្មពួក)គឺឈ្មួញទទួលទិញអ្នកដែលដឹកធ្យូងពីខេត្តឧត្តរមានជ័យយកមកលក់អោយដល់តំបន់បឹងត្រកួនដែលទិញក្នុង១តោន៣៥០០បាត ហើយជួលកម្មករលើកឡើងរថយន្ត១ការ៉ុងធ្យូងតម្លៃ៣បាតហើយដឹកចេញលក់អោយអោយថៃក្នុង១តោនតម្លៃ៤០០០បាតដែលបង់ថ្លៃផ្លូវច្រកតំបន់ព្រំដែនបឹងត្រកួនក្នុងរថយន្ត១គ្រឿងដឹកធ្យូងទម្ងន់២០តោន បង់តម្លៃ៨០០០បាត ។
ឈ្មួញបានបញ្ជាក់ថា ធ្យូងដែលមានហាងឆេងថៃទិញគឺមានមានរយៈពេល៥ឆ្នាំមកហើយដែលឈ្មួញដឹកធ្យូងនាំចេញក្នុង១ថ្ងៃរាប់រយតោនដែលមានឈ្មួញនាំចេញប្រមាណ២ទៅ៣នាក់ដែលមានអ្នករត់ការឈ្មោះ ជេត សោម រត់ការដឹករថយន្ត១គ្រឿងដឹកធ្យូងទម្ងន់២០តោនយកតម្លៃ៨០០០បាត និងឈ្មោះ យាយ ស៊ីនួន (ម្ចាស់ស្តង់ស្តុកធ្យូង២កន្លែង) រត់ការរថយន្ត១គ្រឿងដឹកធ្យូងទម្ងន់២០តោន យកតម្លៃ៧៥០០បាត ដែលរត់ការបង់អោយមន្ត្រី និងសមត្ថកិច្ចពាក់ព័ន្ធនៅច្រកតំបន់ព្រំដែនបឹងត្រកួនប្រមាណជាង១០ស្ថាប័ន ។
គួរបញ្ជាក់ថា ក្រោយពេលធ្យូងមានហាងឆេងឈ្មួញទិញដឹកនាំចេញទៅប្រទេសថៃឃើញមានឈ្មួញដឹកចេញតាមច្រកតំបន់ព្រំដែនបឹងត្រកួន(ស្រុកថ្មពួក)១ថ្ងៃរាប់រយតោន និងមានឈ្មួញ២នាក់ទៀតមានឈ្មោះ ចែស្រី និងឈ្មោះ ចែស ដែលចេញតាមច្រករបៀងខុសច្បាប់តំបន់៥ស្ថិតភូមិសាស្ត្រស្រុកអូរជ្រៅនាំចេញទាំងយប់ និងថ្ងៃ ។
ធ្យូងមានហាងឆេង ហើយប្រជាពលរដ្ឋដឹកលក់អោយឈ្មួញនៅតំបន់បឹងត្រកួនមានស្តង់ និងកន្លែងនីមួយៗមានធ្យូងរាប់រយតោននេះជាការព្រួយបារម្ភនៅដែលធ្យូងឡើងថ្លៃព្រៃឈើត្រូវបានបំផ្លាញដោយកាប់យកមកដុតធ្យូងលក់ ៕
ចែករំលែកព័តមាននេះ