រាជធានីភ្នំពេញ ៖ បុរសម្នាក់ជាមន្ត្រីប៉េអឹមខណ្ឌដូនពេញជិះម៉ូតូមួយគ្រឿងឆ្លងផ្លូវបែកជាបួនទៅត្រង់មិនបានប្រយ័ត្នក៏ត្រូវម៉ូតូម៉ាហុងដាឌ្រីមមួយគ្រឿងបើកបុកបណ្តាលអោយរងរបួសធ្ងន់ទាំងសងខាង ដែលហេតុការណ៍នេះបានកើតឡើងកាលពីវេលាម៉ោង១និង៣០នាទីយប់ថ្ងៃទី៧ ខែមករា ឆ្នាំ២០១៩ តាមបណ្តោយផ្លូវសហព័ន្ធរុស្សីនៅចំណុចក្បែរនឹងទីស្តីការគណៈរដ្ឋមន្ត្រី ស្ថិតនៅក្នុងសង្កាត់មនោរម្យ ខណ្ឌ៧មករា។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេឃើញបុរសម្នាក់មិនស្គាល់ឈ្មោះ ជាមន្ត្រីប៉េអឹមខណ្ឌដូនពេញបើកបរម៉ូតូមួយគ្រឿងម៉ាកហុងដាឃ្លីក ពណ៌ស ពាក់ស្លាកលេខ ភ្នំពេញ ១FK-៤៦៧៩ ធ្វើដំណើរតាមបណ្តោយផ្លូវសហព័ន្ធរុស្សីក្នុងទិសដៅពីលិចទៅកើត ។
លុះមកដល់ចំណុចកើតហេតុខាងលើបានជិះឆ្លងផ្លូវបំបែកជា៤ទៅត្រង់ក៏ស្រាប់តែមានម៉ូតូមួយគ្រឿងទៀតម៉ាកហុងដាឌ្រីម ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ ព្រះសីហនុ ១F-0332 បើកបរតាមបណ្តោយផ្លូវសហព័ន្ធរុស្សីក្នុងទិសដៅពីកើតទៅលិចបើកក្នុងល្បឿនយ៉ាងលឿនហើយបត់ឆ្វេងឆ្លងផ្លូវដោយមិនបានស៊ីញ៉ូទើបជ្រុលទៅបុកម៉ូតូឃ្លីក ពេញទំហឹង បណ្តាលអោយរងរបួសធ្ងន់ទាំងសងខាងតែម្តង ភ្លាមៗនោះរថយន្តសង្គ្រោះរបស់គ្លីនិកឯកជបានដឹកយកជនរងគ្រោះទាំង២នាក់យកទៅព្យាបាល ។
ក្រោយពេលកើតហេតុ ភាគីម៉ូតូទាំងសងខាងត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការ
ដ្ឋាននគរបាលខណ្ឌ៧មករាដើម្បីរងចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ