រាជធានីភ្នំពេញ ៖ សេចក្តីរាយការណ៍ឱ្យដឹងថា បុរសម្នាក់ដែលគេស្គាល់ថា ជាមន្ត្រីនគរបាលបានជិះម៉ូតូ វ៉ាក់អើជាមួយម៉ូតូកង់បីឥណ្ឌា (តែមិនបានបុកគ្នាទេ) ប៉ុន្តែគាត់ទាមទារឱ្យខាងម៉ូតូកង់បីនោះ «សុំទោស» ជាសាធារណៈម្តងហើយម្តងទៀត។…
រាជធានីភ្នំពេញ ៖ សេចក្តីរាយការណ៍ឱ្យដឹងថា បុរសម្នាក់ដែលគេស្គាល់ថា ជាមន្ត្រីនគរបាលបានជិះម៉ូតូ វ៉ាក់អើជាមួយម៉ូតូកង់បីឥណ្ឌា (តែមិនបានបុកគ្នាទេ) ប៉ុន្តែគាត់ទាមទារឱ្យខាងម៉ូតូកង់បីនោះ «សុំទោស» ជាសាធារណៈម្តងហើយម្តងទៀត។ ហេតុការណ៍នេះ ក៏បានបង្កភ្ញាក់ផ្អើលផងដែរ កាលពីវេលាម៉ោង១០យប់ថ្ងៃទី៧ មករា ស្ថិតនៅទល់មុខមន្ទីពេទ្យមិត្តភាពខ្មែរ-សូវៀត លើផ្លូវ២៧១ សង្កាត់បឹងទំពន់១ ខណ្ឌមានជ័យ ។
សេចក្តីរាយការណ៍បន្តថា មុនពេលកើតហេតុ គេឃើញបុរសដែលមានវ័យជាង៥០ឆ្នាំម្នាក់បើកម៉ូតូកង់បីឥណ្ឌា ពណ៌លឿង ធ្វើដំណើរតាមផ្លូវ២៧១ ក្នុងទិសដៅពីត្បូងទៅជើង ។ ខណៈមកដល់ចំណុចកើតហេតុ ក៏បានបត់ឆ្វេងត្រលប់ក្រោយបានពាក់កណ្ដាលផ្លូវ ស្រាប់តែមានបុរស២នាក់ ដែលគេស្គាល់ថា ជាមន្ត្រីនគរបាលតែស្លាក់ពាក់ស៊ីវិល ហើយមានវិទ្យុទាក់ទងបានជិះម៉ូតូម៉ាក ZOOMER X ពណ៌ត្រួយចេក ពាក់ស្លាកលេខភ្នំពេញ 1FH 8884 ក្នុងទិសដៅបញ្ច្រាសគ្នាមានល្បឿនលឿនផង វ៉ាក់អើជាមួយនិងម៉ូតូកង់បីដែលកំពុងបត់ត្រលប់ក្រោយនោះ។
ប្រភពបន្ត ទោះបីជាយ៉ាងណា ទាំង២ក៏មិនបានបុកគ្នានោះទេ ហើយភ្លាមៗនោះដែរ ឃើញភាគីខាងបុរស២នាក់ (ក្នុងនោះមានម្នាក់ស្រវឹងខ្លាំង)បានឃាត់ម៉ូតូកង់បីឥណ្ឌាមិនឱ្យទៅណា ព្រមទាំងបុរសជាអ្នកបើកម៉ូតូកង់បី «សុំទោស»។ ភាគីខាងម៉ូតូកង់បីក៏បានសុំទោសម្តងរួចហើយ នៅពេលដែលមានគ្នាតែបីនាក់ ខណៈខាងម៉ូតូកង់បីឥណ្ឌាអះអាងថា ខ្លួនអត់មានកំហុសសោះ ។
ប្រភពបន្តទៀតថា នៅពេលខាងម៉ូតូកង់បីឥណ្ឌាសុំទោសម្តង តែខាងបុរសជាមន្ត្រីនគរបាលទាំង២នាក់នោះនៅតែមិនអស់ចិត្ត បានអោយបុរសជាអ្នករត់កង់បីឥណ្ឌាសុំទោសម្តងទៀត ។ តែពេលនោះ ខាងម៉ូតូកង់បីឥណ្ឌាអត់ព្រម ព្រោះរូបគាត់បានសុំទោសម្តងរួចហើយ ហើយណាមួយគាត់មិនមានកំហុសសោះ ទើបបង្កទំនាស់ពាក្យសំដីផ្អើលដល់សមត្ថកិច្ច២ខណ្ឌចុះទៅជួយសម្របសម្រួល ។
ក្រោយពេលកើតហេតុ ដោយសារតែខាងម៉ូតូកង់បីឥណ្ឌា ប្រញាប់ទៅប្រកបរបរកស៊ីបន្តទៀត ទើបសុខចិត្តសុំទោសទៀត ដើម្បីបញ្ចប់រឿង ៕
ចែករំលែកព័តមាននេះ