រាជធានីភ្នំពេញ ៖ បុរសជាជនបរទេសវ័យជាង៥០ឆ្នាំម្នាក់ត្រូវបានគេប្រទះឃើញដេកស្លាប់នៅក្នុងថ្លុកឈាមបាត់បង់ជីវិតយ៉ាងអណោចអាធម៌ នៅលើបេតុងក្នុងផ្សារទំនើបអ៊ីអន១ ដោយសារតែរូបគាត់បានលោតទម្លាក់ខ្លួនពីចំណតរថយន្តជាន់ទី៤ បណ្តាលឱ្យបែកក្បាលធ្លាយខួរនោះ ។ ហេតុការណ៍នេះដែរបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៩និង៤០នាទីយប់ថ្ងៃទី០៦ ខែមករា ឆ្នាំ២០១៩…
រាជធានីភ្នំពេញ ៖ បុរសជាជនបរទេសវ័យជាង៥០ឆ្នាំម្នាក់ត្រូវបានគេប្រទះឃើញដេកស្លាប់នៅក្នុងថ្លុកឈាមបាត់បង់ជីវិតយ៉ាងអណោចអាធម៌ នៅលើបេតុងក្នុងផ្សារទំនើបអ៊ីអន១ ដោយសារតែរូបគាត់បានលោតទម្លាក់ខ្លួនពីចំណតរថយន្តជាន់ទី៤ បណ្តាលឱ្យបែកក្បាលធ្លាយខួរនោះ ។
ហេតុការណ៍នេះដែរបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៩និង៤០នាទីយប់ថ្ងៃទី០៦ ខែមករា ឆ្នាំ២០១៩ នៅចំណុចផ្សារទំនើបអ៊ីអនម៉ល១ ផ្លូវសុធារស ក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីសមត្ថកិច្ចបានប្រាប់ឱ្យដឹងថា បុរសជាជនរគ្រោះខាងលើនេះមិនមានអ្នកណាម្នាក់បានស្គាល់ពីអត្តសញ្ញាណឡើយ ដោយមានអាយុប្រមាណជាជាង៥០ឆ្នាំ សំបុរស ពាក់អាវយឺតដៃខ្លី ខោខ្លីព៌ណទឹកប៊ិចត្រឹមជង្គង់ ដោយទំនងជាជនបរទេស ដោយមិនមានអ្នកណាម្នាក់ដឹងថា រូបគាត់ជាជនជាតិ (ចិន ជប៉ុន ឬកូរ៉េ) អ្វីអោយច្បាស់លាស់ឡើយ ។
បើតាមការបញ្ជាក់ពីបុរសជាបុគ្គលិកផ្សារទំនើបអ៊ីអនម្នាក់បានប្រាប់ឱ្យដឹងថា មុនពេលកើតហេតុ ខណៈដែលរូបគាត់ចេញពីកន្លែងធ្វើការនៅជាន់ផ្ទាល់ដីខាងក្រោយ ហើយដើរចេញក្រៅទៅកាន់ចំណតម៉ូតូរបស់បុគ្គលិក ដើម្បីប្រមូលលុយនៅខាងក្រៅ ។ ពេលនោះក៏ស្រាប់តែ ឭសំឡេងសូ «ក្ឌាំង» រូបគាត់ក៏ក្រឡេកងាករកមើលក៏បានឃើញកាបូបស្ពាយមួយធ្លាក់ពីលើមកដីខាងក្រោម ។
តាមប្រភពដដែលបានប្រាប់បន្តទៀតថា ក្រោយពីបានឃើញកាបូបស្ពាយមួយធ្លាប់មកក្រោមរួចហើយបុរសជាបុគ្គលិកម្នាក់ខាងលើក៏បានងើយមើលទៅលើផ្សារក៏ឃើញបុរសជាជនរងគ្រោះកំពុងតែឡើងឈរលើបង្កាន់ដៃចំណតរថយន្តនៅជាន់ទី៤លោតទម្លាក់ខ្លួនចុះមកក្រោមតាមក្រោយបណ្តាលអោយបោកក្បាលទៅនឹងបេតុងបែកក្បាលធ្លាយខួរស្លាប់បាត់បង់ជីវិត យ៉ាងអាណោចអាធម៌ភ្លាមៗតែម្តង ។
ក្រោយពេលកើតហេតុកម្លាំងមានសមត្ថកិច្ចមូលដ្ឋាន និងកម្លាំងនគរបាលជំនាញធ្វើកោសលវិច្ច័យរាជធានីភ្នំពេញក៏បានចុះទៅធ្វើការត្រួតពិនិត្យ និងកោសលវិច្ច័យទៅលើសពរបស់បុរសជាជនរងគ្រោះម្នាក់ខាងលើ ដែលគេសង្ស័យជាជនបរទេសម្នាក់នោះ ។ ដោយបានឃើញថា «រូបគាត់ពិតជាបានស្លាប់បាត់បង់ជីវិត ដោយសារតែការលោតធ្វើអត្តឃាតសម្លាប់ខ្លួនឯងពិតប្រាកដមែន» ទើបបញ្ជូនយកទៅតម្កល់ទុកនៅសាលតម្កល់សពរបស់មន្ទីរពេទ្យមិត្តភាពខ្មែរ សូវៀត ដើម្បីរង់ចាំធ្វើការស្រាវជ្រាវរកសាច់ញាតិអោយមកទទួលយកទៅធ្វើបុណ្យទៅតាមប្រពៃណី ៕
ចែករំលែកព័តមាននេះ