ខេត្តព្រះសីហនុ ៖ កម្លាំងសមត្ថកិច្ចការិយាល័យប្រឆាំងគ្រឿងញៀនខេត្តព្រះសីហនុសហការជាមួយនគរបាលមូលដ្ឋានបានបើកកិច្ចប្រតិបត្តការបង្ក្រាបករណីជួញដូរ ចែកចាយ និងប្រើប្រាស់គ្រឿងញៀនខុសច្បាប់បាន៤ករណី និងឃាត់ខ្លួនជនសង្ស័យ៨នាក់ ក្នុងនោះមានចិន ៧នាក់ និងម៉ាឡេស៊ីម្នាក់ កាលពីថ្ងៃទី៤-៥…
ខេត្តព្រះសីហនុ ៖ កម្លាំងសមត្ថកិច្ចការិយាល័យប្រឆាំងគ្រឿងញៀនខេត្តព្រះសីហនុសហការជាមួយនគរបាលមូលដ្ឋានបានបើកកិច្ចប្រតិបត្តការបង្ក្រាបករណីជួញដូរ ចែកចាយ និងប្រើប្រាស់គ្រឿងញៀនខុសច្បាប់បាន៤ករណី និងឃាត់ខ្លួនជនសង្ស័យ៨នាក់ ក្នុងនោះមានចិន ៧នាក់ និងម៉ាឡេស៊ីម្នាក់ កាលពីថ្ងៃទី៤-៥ ខែមករា ឆ្នាំ២០១៩ ។
ជនសង្ស័យ៨នាក់មានទី១-ឈ្មោះ HUANG YISHUI ភេទប្រុស អាយុ៤០ឆ្នាំ ជនជាតិចិន មុខរបរបើកអនឡាញ, ទី២-ឈ្មោះ YANG TAO ភេទប្រុស អាយុ២៨ឆ្នាំ ជនជាតិចិន មុខរបរបើកអនឡាញ ២នាក់នេះដកហូតវត្ថុតាងរួមមានម្សៅក្រាមសថ្លាជាសារធាតុញៀនចំនួន០២កញ្ចប់,បារីកញ្ឆាចំនួន២៩ដើម, ម្សៅកញ្ចប់ជាសារធាតុញៀនចំនួន៥កញ្ចប់ និងជញ្ជីងថ្លឹងគ្រឿងញៀនចំនួន១ ។
ទី៣-ឈ្មោះ HUANG LONG JIE ភេទប្រុស អាយុ១៨ឆ្នាំ ជនជាតិចិន មុខរបរបើកអនឡាញ, ទី៤-ឈ្មោះ YANG XUAN HUAN ភេទប្រុស អាយុ១៩ឆ្នាំ ជនជាតិចិន មុខរបរអនឡាញ ២នាក់នេះដកហូតវត្ថុតាងរួមមានម្សៅក្រាមសថ្លាជាសារធាតុញៀនចំនួន៨៥កញ្ចប់ក្នុងនោះមាន០២កញ្ចប់ធំ, ថ្នាំញៀនគ្រាប់ MDMA ចំនួន៣២គ្រាប់, ជញ្ជីងថ្លឹងថ្នាំញៀនចំនួន១គ្រឿង, ទូរស័ព្ទចំនួន៣គ្រឿង និងសម្ភារសំរាប់វេចខ្ចប់មួយចំនួន ។
ទី៥-ឈ្មោះ CHU CHIN LIANG ភេទប្រុស អាយុ៣៨ឆ្នាំ ជនជាតិចិន មុខរបរធ្វើការនៅខារ៉ាអូខេ ស៊ីអេច ដកហូតវត្ថុតាងរួមមានម្សៅក្រាមសថ្លាសង្ស័យជាសារធាតុញៀនចំនួន១០កញ្ចប់, ម្សៅកញ្ចប់សង្ស័យជាសារធាតុញៀនចំនួន០៧កញ្ចប់, ថ្នាំញៀនគ្រាប់ MDMA ចំនួន៣គ្រាប់ និងទូរស័ព្ទចំនួន១គ្រឿង ។
ទី៦-ឈ្មោះ DU TONG GANG ភេទប្រុស អាយុ២៩ឆ្នាំ ជនជាតិចិន មុខរបរមិនពិតប្រាកដ ដកហូតវត្ថុតាងរួមមានម្សៅក្រាមសថ្លាជាសារធាតុញៀនចំនួន០៤កញ្ចប់, ជញ្ជីងថ្លឹងថ្នាំញៀនចំនួន១គ្រឿង និងទូរស័ព្ទ១គ្រឿង, ទី៧-ឈ្មោះ REN JIN XIN ភេទប្រុស អាយុ២៤ឆ្នាំ ជនជាតិចិន មុខរបរបើកអនឡាញ ។
ទី៨-ឈ្មោះ DAI YONG ភេទប្រុស អាយុ២៤ឆ្នាំ ជនជាតិចិន មុខរបរបើកអនឡាញ ២នាក់នេះដកហូតវត្ថុតាងរួមមានម្សៅក្រាមសថ្លាជាសារធាតុញៀនចំនួន២៨កញ្ចប់, ថ្នាំញៀនប្រភេទ (WY) ចំនួន២៨គ្រាប់, ជញ្ជីងថ្លឹងថ្នាំញៀន២គ្រឿង និងសម្ភារសំរាប់វេចខ្ចប់មួយចំនួនទៀត ។ ក្រោយឃាត់ខ្លួនសមត្តកិច្ចបានកសាងសំណុំរឿងបញ្ជូនជនសង្ស័យ និងវត្ថុតាងទៅកាន់សាលាដំបូងខេត្តតាមនីតិវិធី ៕
ចែករំលែកព័តមាននេះ