ខេត្តបន្ទាយមានជ័យ ៖ ជនសង្ស័យ៤នាក់មានមុខរបបរៀងៗខ្លួនមិនកាកកបនាំគ្នាជួញដូរគ្រឿងញៀនត្រូវបានកម្លាំងកងរាជអាវុធហត្ថឃាត់ខ្លួនត្រូវបានបញ្ចូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី០៣ ខែមករា ឆ្នាំ២០១៩ ។
ជនសង្ស័យ៤នាក់ទី១-ឈ្មោះ សៀក ហេង ភេទប្រុស អាយុ៣០ឆ្នាំ មុខរបរជួសជុលរថយន្ត, ទី២-ឈ្មោះ ឡាច ផល្លា ភេទប្រុស អាយុ៥២ឆ្នាំ ជាងដែក, ទី៣-ឈ្មោះ សោម គឹមដេត ភេទប្រុស អាយុ២៨ឆ្នាំ ជាងកាត់ដេរ, ទី៤-ឈ្មោះ នី ផាន់ណូ ភេទប្រុស អាយុ៣២ឆ្នាំ បុគ្គលិកអនឡាញ ជនសង្ស័យរស់នៅសង្កាត់-ក្រុងប៉ោយប៉ែត ។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យបានប្រាប់ថា នៅពេលដែលឃាត់ខ្លួនជនសង្ស័យគឺកម្លាំងជំនាញកងរាជអាវុធហត្ថបានធ្វើការស្រាវជ្រាវ និងកំណត់មុខសញ្ញាបានចុះប្រតិបត្តិការបង្ក្រាបឃាត់ខ្លួន៤នាក់ និងរឹបអូសវត្ថុតាងមានគ្រឿងញៀនប្រភេទមេតំហ្វេតាមីន ហៅខេទឹកកក ចំនួន១ថង់តូច ស្មើ៥១,០២ក្រាម និងរថយន្ត១គ្រឿងធុនកាំម៉ារីឆ្លាម ស៊េរីឆ្នាំ១៩៩៣ ពណ៌ក្រហម និងទូរស័ព្ទ៤គ្រឿង ចិញ្ជៀនផ្លាទីន២វង់ នាឡិការដៃ១គ្រឿង ដែលឃាត់កាលពីថ្ងៃទី០១ ខែមករា ឆ្នាំ២០១៩ នៅចំណុចទន្សាយអើត ស្ថិតភូមិបន្ទាយទី១ ឃុំទួលពង្រ ស្រុកម៉ាឡៃ ។
លោកបានបញ្ជាក់ថា ក្រោយពេលឃាត់ខ្លួនជនសង្ស័យ៤នាក់ និងវត្ថុតាងគ្រឿងញៀន និងមធ្យោបាយបាននាំខ្លួនទៅសាកសួរតាមចម្លើយសារភាពមូលហេតុដែលពួកគេជួញដូរគ្រឿងញៀនព្រោះមានមុខរបរហើយមិនកាក់កបទើបនាំគ្នាំជួញដូរគ្រឿងញៀនត្រូវបានកម្លាំងកងរាជអាវុធហត្ថឃាត់ខ្លួនបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់ ៕
ចែករំលែកព័តមាននេះ